ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 28 ກໍລະກົດນີ້, ທ່ານສີຈິ້ນຜິງ ປະທານປະເທດຈີນໄດ້ກ່າວປາໄສໃນພິທີໄຂກອງປະຊຸມປະຈຳປີຂອງທະນາຄານລົງທຶນພື້ນຖານໂຄງລ່າງອາຊີຄັ້ງທີ 5 ທາງວີດີໂອ, ໂດຍເນັ້ນໜັກວ່າ: ທະນາຄານລົງທຶນພື້ນຖານໂຄງລ່າງອາຊີຄວນກາຍເປັນເວທີໃໝ່ເພື່ອຊຸກຍູ້ປະເທດສະມາຊິກໃຫ້ພັດທະນາຮ່ວມກັນແລະຊຸກຍູ້ການສ້າງປະຊາຄົມຮ່ວມຊາຕາກຳມວນມະນຸດ.
ທະນາຄານລົງທຶນພື້ນຖານໂຄງລ່າງອາຊີແມ່ນອົງການການເງິນຫຼາຍຝ່າຍແບບໃໝ່ທີ່ທ່ານສີຈິ້ນຜິງ ປະທານປະເທດຈີນຕ້າງໜ້າຈີນສະເໜີໃຫ້ກະກຽມສ້າງຕັ້ງເມື່ອປີ 2013, ເປົ້າໝາຍແມ່ນເພື່ອຊຸກຍູ້ການກໍ່ສ້າງພື້ນຖານໂຄງລ່າງແລະການເຊື່ອມຈອດກັນຢູ່ພາກພື້ນອາຊີ, ລົງເລິກການຮ່ວມມືໃນພາກພື້ນແລະບັນລຸການພັດທະນາຮ່ວມກັນ. ພາຍຫຼັງທະນາຄານດັ່ງກ່າວເປີດບໍລິການດ້ 4 ປີມານີ້, ໄດ້ອະນຸມັດໂຄງການ 87 ໂຄງການ, ກ່ຽວພັນເຖິງ 24 ກຸ່ມເສດຖະກິດ, ມີຍອດມູນຄ່າການລົງທຶນປະມານ 20 ຕື້ໂດລາສະຫະລັດ, ໂຄງການລົງທຶນໄດ້ກ່ຽວພັນເຖິງການສ້າງພື້ນຖານໂຄງລ່າງໃນຫຼາຍຂົງເຂດເຊັ່ນ: ພະລັງງານ, ສາທາລະນະສຸກ, ຄົມມະນາຄົມ, ການທະນາຄານ, ຊັບພະຍາກອນນ້ຳແລະຂົງເຂດອື່ນໆ.
ພາຍຫຼັງເກີດການແຜ່ລະບາດຂອງພະຍາດໂຄວິດ-19 ມານີ້, ທະນາຄານລົງທຶນພື້ນຖານໂຄງລ່າງອາຊີໄດ້ສ້າງຕັ້ງກອງທຶນຟື້ນຟູຈາກວິກິດການການແຜ່ລະບາດຂອງພະຍາດໂຄວິດ-19 ທີ່ມີມູນຄ່າ 10 ຕື້ໂດລາສະຫະລັດ, ເພື່ອສະໜອງເງິນທຶນໂດຍດ່ວນໃຫ້ແກ່ສະມາຊິກ, ເພື່ອຊ່ວຍເຫຼືອປະເທດຕ່າງໆປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ທັງໃຫ້ສາມາດຜ່ານຜ່າຄວາມຫຍຸ້ງຍາກດ້ານເສດຖະກິດສັງຄົມ. ປັດຈຸບັນ, ທະນາຄານລົງທຶນພື້ນຖານໂຄງລ່າງອາຊີໄດ້ອະນຸມັດເງິນກູ້ໃຫ້ 12 ປະເທດເຊັ່ນ: ຫວຽດນາມ, ໂກຼອາຊີແລະປະເທດອື່ນໆເພື່ອຕ້ານກັບການແຜ່ລະບາດຂອງພະຍາດ.
ທະນາຄານລົງທຶນພື້ນຖານໂຄງລ່າງອາຊີທີ່ເຕີບໃຫຍ່ຂຶ້ນຢ່າງບໍ່ຢຸດຢັ້ງນັ້ນ, ໄດ້ເພີ່ມຈຳນວນສະມາຊິກຂອງມັນຈາກ 57 ສະມາຊິກໄດ້ເພີ່ມຂຶ້ນເປັນ 102 ສະມາຊິກໃນປັດຈຸບັນ, ປະຊາກອນຂອງສະມາຊິກໄດ້ກວມ 78% ຂອງປະຊາກອນໂລກ, GDP ຂອງສະມາຊິກທະນາຄານດັ່ງກ່າວໄດ້ກວມ 63% ຂອງ GDP ຂອງໂລກ, ເປະເທດສະມາຊິກຂອງທະນາຄານລົງທຶນພື້ນຖານໂຄງລ່າງອາຊີນັບມື້ນັບຫຼາຍຂຶ້ນ, ໄດ້ສະແດງໃຫ້ເຫັນເຖິງພະລັງຊີວິດຂອງ “ຂໍ້ລິເລີ່ມຂອງຈີນ.”
ຄຳເຫັນ
0