蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

​ການຖອນ​​ອອກຈາກ WHO ​ໄປ​ແລ້ວ​ຍັງ​ເວົ້າ​ນັ້ນເວົ້າ​ນີ້​ເປັນການ​ກະ​ທຳ​ທີ່ເຮັດ​ໃຫ້​ປະ​ເທດ​ອື່ນ​ບໍ່​ພໍ​ໃຈອາ​ເມ​ຣິ​ກາ

2020-08-11 11:29:01 CRI

​ການຖອນ​​ອອກຈາກ WHO ​ໄປ​ແລ້ວ​ຍັງ​ເວົ້າ​ນັ້ນເວົ້າ​ນີ້​ເປັນການ​ກະ​ທຳ​ທີ່ເຮັດ​ໃຫ້​ປະ​ເທດ​ອື່ນ​ບໍ່​ພໍ​ໃຈອາ​ເມ​ຣິ​ກາ

ວັນ​ທີ 7 ສິງ​ຫາ​ນີ້​ຕາມ​ເວ​ລາ​ທ້ອງ​ຖິ່ນ, ຝ​ຣັ່ງ ແລະ ເຢຍ​ລະ​ມັນ ທີ່​ເປັນ​ສອງ​ປະ​ເທດ​ໃຫຍ່​ໃນ​ທະ​ວີບ​ເອີ​ຣົບ​ໄດ້​ຖອນ​ອອກ​ຈາກ​ການ​ເຈ​ລະ​ຈາ​ກ່ຽວ​ກັບ​ການ “ປະ​ຕິ​ຮູບ” ອົງ​ການ​ອະ​ນາ​ໄມ​ໂລກ ຫຼື WHO ເຊິ່ງ​ມີ​ສາຍ​ເຫດ​ວ່າ: ສອງ​ປະ​ເທດ​ບໍ່​​ເຫັນ​ດີ​ນຳ​ຄວາມ​​ຄິດ​ເຫັນໃນ​ການ​ເຈ​ລະ​ຈາ​ກ່ຽວ​ກັບ “ການປະ​ຕິ​ຮູບ” WHO ທີ່​ນຳ​​ໂດຍ​ອາ​ເມ​ຣິ​ກາ ຍ້ອນ​ວ່າ​ອາ​ເມ​ຣິ​ກາ​ບໍ່​ມີ​ສິດ​ທີ່​ກ່ຽວ​ຂ້ອງ​ແລ້ວ.

​ເປັນ​ເວ​ລາ​ດົນ​ນານ​ມາ​ນີ້, ອາ​ເມ​ຣິ​ກາ​ໄດ້​ສະ​ແດງຄວາມ​ບໍ່​ພໍ​ໃຈ​ຕໍ່​ໂຄງ​ຮ່າງ​ການ​ຈັດ​ຕັ້ງ ແລະ ຂອບ​ການ​ດຳ​ເນີນ​ງານ​ຂອງ WHO ມາ​ໂດຍ​ຕະຫຼອດ, ຫວັງ​ຢາກ “ປະ​ຕິ​ຮູບ” ເພື່ອ​ໃຫ້​ອາ​ເມ​ຣິ​ກາ​ເປັນ​ຜູ້​ນຳ​ພາ​ໃນ​ການ “ວາງ​ລະ​ບຽບ​ການ” ຂອງ WHO. ແຕ່​ວ່າ: ທ່ານ​ໂດ​ໂນ ທ​ຣຳ ແລະ ອາ​ເມ​ຣິ​ກາ​ອາດ​ຈະ​ລືມ​​ໄປແລ້ວ​ວ່າ: ຍ້ອນ​ວ່າ​ຕົນ​ບໍ່​ພໍ​ໃຈ WHO “ໃກ້​ຊິດ” ກັບ​ຈີນຫຼາຍ​ໂພດ ແລະ ​ຄັດ​ກັບຫຼັກ​ການ “ອາ​ເມ​ຣິ​ກາ​ຕ້ອງ​​ມາ​ກ່ອນ”, ອາ​ເມ​ຣິ​ກາ​ບໍ່​ພຽງ​ແຕ່​ໄດ້​ປະ​ກາດ​ຢຸດ​ຕິ​ການ​ຈ່າຍເງິນ​ອຸດ​ໜູນ​ ເຊິ່ງ​ເປັນ​ພັນ​ທະ​​ພື້ນ​ຖານ​ຂອງ​ປະ​ເທດ​ສະ​ມາ​ຊິກໃຫ້​ແກ່ WHO ໃນ​ເດືອນ​ເມ​ສາ​ປີ​ນີ້​ເທົ່າ​ນັ້ນ, ຫາກ​ຍັງ​ໄດ້​ອອກ​ແຈ້ງ​ການ​ຕໍ່​ລັດ​ຖະ​ສະ​ພາ​ອາ​ເມ​ຣິ​ກາ​ຢ່າງ​ເປັນ​ທາງ​ການ​ໃນ​ວັນ​ທີ 6 ກໍ​ລະ​ກົດ​ຜ່ານ​ມາ​ນີ້​ວ່າ: “ອາ​ເມ​ຣິ​ກາ​ໄດ້​ຖອນ​ອອກ​ຈາກ WHO ແຕ່​ມື້​ນີ້​ເປັນ​ຕົ້ນ​ໄປ”.

ການ​ຕັດ​ສິນໃຈ​ຂອງ​ຝ​ຣັ່ງ ແລະ ເຢຍ​ລະ​ມັນ​ໄດ້​ສະ​ແດງ​ໃຫ້​ເຫັນ​ຢ່າງ​ຈະ​ແຈ້ງວ່າ: ​ໃນ​ກໍ​ລະ​ນີ​ທີ່ “ອາ​ເມ​ຣິ​ກາ​ແມ່ນ​ໜຶ້ງ​ດຽວ​”ນັ້ນ, ບໍ່​ມີ​ໃຜ​ຜູ້​ໃດ​ສາ​ມາດ​ອົດ​ທົນ​ດົນ​ນານ​ໄດ້​ຕໍ່ຫຼັກ​ການອັນ​ຈອງ​ຫອງ ແລະ ໄຮ້​ສາ​ລະ​ແບບ​ນີ້. ​ເວ​ລາ “​ປະ​ເທດສະ​ມາ​ຊິກ​ໜຶ່ງ” ທີ່​ໄດ້​ປະ​ກາດ “ຖອນ​ຕົວ​ອອກ​ຈາກ WHO” ຈະ​ມີ​ສິດ​ຫຍັງ​​ອີກ​ເພື່ອມາ​ເວົ້າ​ນີ້​ເວົ້າ​ນັ້ນ ​ເພື່ອ​ຕ້ອງ​ການ​ໃຫ້​ດັດ​ແກ້​ “ລະ​ບຽບ​ການ​ຂອງ WHO”.

 

ຄຳ​ເຫັນ

0