尚艳波

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ອາ​ເມ​ຣິ​ກາ​ທີ່​ຕົນ​ເອງ​ມື​ກໍ​ບໍ່​ສະ​ອາດ​ແລ້ວ​ຍັງ​ມີ​ໜ້າ​ມາ​ເວົ້າກ່ຽວ​ກັບ “ການ​ອະ​ນາ​ໄມ​ທາງອິນ​ເຕີ​ເນັດ​” ​ໄດ້ແນວ​ໃດ

2020-08-11 16:13:00 cri

ອາ​ເມ​ຣິ​ກາ​ທີ່​ຕົນ​ເອງ​ມື​ກໍ​ບໍ່​ສະ​ອາດ​ແລ້ວ​ຍັງ​ມີ​ໜ້າ​ມາ​ເວົ້າກ່ຽວ​ກັບ “ການ​ອະ​ນາ​ໄມ​ທາງອິນ​ເຕີ​ເນັດ​” ​ໄດ້ແນວ​ໃດ_fororder_1000

ວັນ​ທີ 5 ສິງ​ຫາ​ນີ້​ຕາມ​ເວ​ລາ​ທ້ອງ​ຖິ່ນ, ທ່ານ ໄມ ພົມ​ເພວ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ​ກ່າວ​ວ່າ: ອາ​ເມ​ຣິ​ກາ​ຈະ​ວາງ​ແຜນ​ການ ​ເພື່ອ“​ການ​ອະ​ນາ​ໄມ​ທາງອິນ​ເຕີ​ເນັດ”, ຢຸດ​ຕິ​ການ​ນຳ​ໃຊ້​ແອັບ​ຫຼາຍ​ອັນ​ຂອງ​ຈີນ, ຈຳ​ກັດແອັບ​ແລະ​ການ​ບໍ​ລິ​ການ​​ຄ​ລາວ​ຂອງ​ຈີນ, ເພື່ອ​ຮັບ​ປະ​ກັນ​ຄວາມ​ປອດ​ໄພ​ດ້ານຕົວ​ເລກ​ຂໍ້​ມູນ​ຂອງ​ອາ​ເມ​ຣິ​ກາ.
 

ວິ​ສາ​ຫະ​ກິດ​ຈີນ​ທີ່​​ຖືກ​ຂວ້ຳ​ບາດ​ແຕ່​ຝ່າຍ​ດຽວ​ຈາກ​ອາ​ເມ​ຣິ​ກາ​ເຫຼົ່າ​ນີ້, ມີເຕັກ​ໂນ​ໂລ​ຊີ​ແລະ​ຜະ​ລິດ​ຕະ​ພັນ​ທີ່​ປອດ​ໄພ​​ທັງໝົດ, ບໍ່​ເຄີຍ​ໄດ້​ເກີດ​ເຫດ​ການ​ກ່ຽວ​ກັບ​ຄວາມ​ປອດ​ໄພ​ທາງອິນ​ເຕີ​ເນັດ​ທີ່​ຄ້າຍ​ຄື​ກັນ​ກັບ “ເຫດ​ການ​ແອັດ​ເວີດ ສະ​ໂນ​ເດັນ” ແລະ “ເຫດ​ການ​ວິ​ກິ​ລິກ​ສ໌” ຈັກ​ເທື່ອ, ທັງ​ບໍ່​ເຄີຍໄດ້​ເກີດ​ມີ​ການ​ກະ​ທຳ​​ທີ່ຕິດ​ຕາມ​ດັກຟັງ​ທາງ​ອິນ​ເຕີ​ເນັດ​​ທີ່​ຄ້າຍ​ຄື​ກັນ​ກັບ“ເຫດ​ການປ​ຣີ​ຊຶມ​ຫຼື Prism” “ເຫດ​ການ​ອີ​ເກ​ເຊິນ ກ​ຣຸບ​ ຫຼື Equation Group” ແລະ “​ເຄືອ​ຂ່າຍ​ເກັບ​ກຳ​ແລະ​ວິ​ເຄາະ​ຂ່າວ​ລັບ​ຫຼື Echelon”​ຈັກ​ເທື່ອ. ເຕັກ​ໂນ​ໂລ​ຊີ 5G ຂອງ​ບໍ​ລິ​ສັດ​ຫົວ​ເຫວີຍ​ຂອງ​ຈີນ​ທີ່​ຖືກ​ກົດ​ດັນ​ແລະ​ສະ​ກັດ​ກັ້ນຈາກ​ອາ​ເມ​ຣິ​ກາ​ນັ້ນ​, ກໍ​ໄດ້​ຮັບ​ການ​ຢັ້ງ​ຢືນ​ຈາກ​ພາກ​ສ່ວນ​ຮັກ​ສາ​ຄວາມ​ປອດ​ໄພ​ຂອງ​ຫຼາຍ​ປະ​ເທດ​ວ່າ​ມີ​ຄວາມ​ປອດ​ໄພ​ແລະ​ໜ້າ​ໄວ້​ໃຈ​ໄດ້.
 

ອາ​ເມ​ຣິ​ກາ​ທີ່​​ມີ​ການ​ກະ​ທຳ​ເປືອນ​ເປິ​ຫຼາຍ​ຄັ້ງ​ປານ​ນີ້​ຍັງ​ມີ​ໜ້າ​ມາ​ເວົ້າ​ເລື່ອງກ່ຽວ​ກັບ “​ການ​ອະ​ນາ​ໄມ​ທາງອິນ​ເຕີ​ເນັດ​” ຈັ່ງ​ແມ່ນ​ຕະ​ຫຼົກ​ອີ່​ຫຼີ. ຈຸດ​ປະ​ສົງ​ທີ່​ແທ້ຈິງ​ຂອງ​ເຂົາ​ແມ່ນ​ເພື່ອ​ປົກ​ປັກ​ຮັກ​ຖາ​ນະການ​ຜູກ​ຂາດ​ດ້ານ​ວິ​ທະ​ຍາ​ສາດ​ເຕັກ​ນິກ​ທີ່​ກ້າວ​ໜ້າ​​ທັນ​ສະ​ໄໝຂອງ​ປະ​ເທດ​ຕົນ ເຊິ່ງ​ເປັນ​ການ​ລະ​ເມີດ​​ສຸດ​ຂີດ​ຕໍ່ຫຼັກ​ການ​ຕະ​ຫຼາດ​ແລະ​ກະ​ຕິ​ກາ​ດ້ານ​ເສດ​ຖະ​ກິດ​ການ​ຄ້າ​​ຂອງສາ​ກົນ, ເປັນ​​ໄພ​ຂົ່ມ​ຂູ່​ຕໍ່​ຄວາມ​ປອດ​ໄພ​ຂອງ​ຕ່ອງ​ໂສ້​ການ​ສະ​ໜອງ​ແລະ​ຕ່ອງ​ໂສ້​ອຸ​ດ​ສາ​ຫະ​ກຳ​ຂອງ​ໂລກ​ຢ່າງ​ໜັກ​ໜ່ວງ, ເປັນ​ການ​ກະ​ທຳ​ຂອງ​ລັດ​ທິ​ເຈົ້າອຳ​ນາດ​ທີ່​ແທ້​ຈິງ.
 

ອາ​ເມ​ຣິ​ກາ​ມີ​ແຕ່ດັດ​ແກ້​ການ​ກະ​ທຳ​ຜິດ​ພາດ​ຂອງ​ຕົນ, ສ້າງ​ເງື່ອນ​ໄຂ​ໃຫ້​ແກ່​ວິ​ສາ​ຫະ​ກິດ​ຂອງ​ປະ​ເທດ​ຕ່າງໆ​ໃນ​ການ​ດຳ​ເນີນ​ການ​ຮ່ວມ​ມື​ດ້ານ​ເສດ​ຖະ​ກິດ​ການ​ຄ້າ​ຢ່າງ​ເປັນ​ປົກ​ກະ​ຕິ,ຈຶ່ງ​ຈະ​ສາ​ມາດ​ສ້າງ​ສະ​ພາບ​ແວດ​ລ້ອມທາງ​ອິນ​ເຕີ​ເນັດ​ທີ່​ມີ​ເສ​ລີ​,​ເປີດ​ປະ​ຕູ​ແລະ​ປອດ​ໄພ​ທີ່ແທ້​ຈິງໃນ​ຂອບເຂດ

ທົ່ວ​ໂລກ.

ຄຳ​ເຫັນ

0