ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານສີຈິ້ນຜິງ ປະທານປະເທດຈີນໄດ້ໃຫ້ທິດຊີ້ນຳທີ່ສຳຄັນກ່ຽວກັບການສະກັດກັ້ນການບໍລິໂພກທີ່ສິ້ນເປືອງ ແລະ ຟຸມເຟືອຍ. ທ່ານສີຈິ້ນຜິງຊີ້ອອກວ່າ, ປະກົດການບໍລິໂພກສິ້ນເປຶອງແລະຟຸມເຟືອຍເປັນບັນຫາທີ່ໜ້າຕົກໃຈຫຼາຍ ແລະ ເຈັບໃຈແທ້ໆ!
ທ່ານສີຈິ້ນຜິງໄດ້ເອົາໃຈໃສ່ຢ່າງສູງຕໍ່ຄວາມໝັ້ນຄົງດ້ານທັນຍາຫານ, ສົ່ງເສີມການປະຢັດມັດທະຍັດ ແລະ ສະກັດກັ້ນການບໍລິໂພກທີ່ສິ້ນເປືອງ ແລະ ຟຸມເຟືອຍມາໂດຍຕະຫຼອດ, ທ່ານເຄີຍໄດ້ກ່າວເນັ້ນມາຫຼາຍເທື່ອໃຫ້ສະກັດກັ້ນປາກົດການບໍລິໂພກອາຫານການກິນແບບສິ້ນເປືອງ. ທ່ານສີຈິ້ນຜິງກ່າວເນັ້ນວ່າ: ຕ້ອງເພີ່ມທະວີໃນການສ້າງກົດໝາຍ ແລະ ການຕິດຕາມຄຸ້ມຄອງ, ໃຊ້ມາດຕະການທີ່ມີປະສິດທິຜົນ, ສ້າງກົນໄກທີ່ມີຜົນໃນໄລຍະຍາວ, ເດັດດ່ຽວສະກັດກັ້ນການບໍລິໂພກອາຫານແບບສິ້ນເປຶອງ ແລະ ຟຸມເຟືອຍ. ຕ້ອງເພີ່ມທະວີການໂຄສະນາ ແລະ ສຶກສາອົບຮົມຕື່ມອີກ, ສ້າງຄວາມຊິນເຄີຍທີ່ຮູ້ຈັກການປະຢັດມັດທະຍັດ, ສ້າງຈິດສຳນຶກທີ່ ຖືເອົາການບໍລິໂພກແບບສິ້ນເປືອງ ແລະ ຟຸມເຟືອຍເປັນສິ່ງທີ່ໜ້າອັບອາຍ ແລະ ຖືເອົາການປະຢັດເປັນສິ່ງທີ່ມີກຽດໃນທົ່ວສັງຄົມ.
ເຖິງວ່າການຜະລິດທັນຍາຫານຂອງຈີນໄດ້ມີຜົນເກັບກ່ຽວທີ່ອຸດົມສົມບູນຢູ່ທຸກປີກໍຕາມ, ແຕ່ພວກເຮົາຍັງຕ້ອງມີສະຕິຕໍ່ຄວາມປອດໄພດ້ານທັນຍາຫານຢ່າງສະເໝີຕົ້ນສະເໝີປາຍ, ຜົນກະທົບຂອງການແຜ່ລະບາດຂອງພະຍາດໂຄວິດ-19 ໃນຂອບເຂດທົ່ວໂລກໃນປີນີ້ ກໍເປັນສິ່ງເຕືອນໄພໃຫ້ພວກເຮົາເຊັ່ນກັນ.
ພວກເຮົາຕ້ອງມີສະຕິລະວັງຕົວໂດຍຕະຫຼອດ, ມີແຕ່ໝັ່ນສຳຫຼວດຕົນເອງເລື້ອຍໆ, ສ້າງຄວາມຊິນເຄີຍທີ່ດີ, ປະຊາຊົນຈີນຈິ່ງຈະສາມາດມີສະບຽບອາຫານທີ່ກຸ້ມຕົນເອງໄດ້ ທັງໄດ້ປະກອບສ່ວນອັນຕັ້ງໜ້າຕໍ່ການຮັກສາຄວາມໝັ້ນຄົງດ້ານທັນຍາຫານຂອງໂລກ.
ຄຳເຫັນ
0