ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ສິງຫານີ້, ທ່ານ ລີຈື້ຢີ່ງ ຜູ້ສ້າງຕັ້ງບໍລິສັດເນັກທ໌ເມເດຍຈຳກັດເຂດບໍລິຫານພິເສດຮົງກົງຖືກສານຕັດສິນລົງໂທດຕາມກົດໝາຍຍ້ອນໄດ້ລະເມີດກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງ. ທ່ານ ລີຈື້ຢີ່ງ ເຄີຍໄດ້ກ່າວມາເປັນເວລາດົນນານແລ້ວວ່າ: “ຕໍ່ສູ້ເພື່ອອາເມຣິກາ”, ຫຼັງຈາກໄດ້ເລີ່ມປະຕິບັດກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງແລ້ວ, ລາວຍັງໄດ້ກໍ່ເຫດຄືເກົ່າ. ລາວໄດ້ເຂົ້າຮ່ວມການເດີນຂະບວນແບບຜິດກົດໝາຍເພື່ອຕໍ່ຕ້ານກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງຢ່າງເປີດແປນ,ຍັງໄດ້ຮ້ອງຂໍໜີຈາກຮົງກົງແລະມີເຈດຕະນາໂຕນໜີຈາກຮົງກົງມາຫຼາຍເທື່ອແລ້ວ.
ພາຍຫຼັງທ່ານ ລີຈື້ຢີ່ງ ໄດ້ຖືກຈັບມາດຳເນີນຄະດີຕາມກົດໝາຍແລ້ວ, ທ່ານ ໄມ ເພນສ ຮອງປະທານາທິບໍດີອາເມຣິກາ, ທ່ານ ໄມ ພົມເພວ ລັດຖະມົນຕີກະຊວງການຕ່າງປະເທດອາເມຣິກາ, ທ່ານ ໂຣເບີດ ບຣຽນ ທີ່ປຶກສາດ້ານຄວາມໝັ້ນຄົງແຫ່ງຊາດຂອງທຳນຽບຂາວແລະນັກການເມືອງຄົນອື່ນໆຂອງອາເມຣິກາຕ່າງກໍໄດ້ສະແດງທັດສະນະຢ່າງບໍ່ມີຄວາມອັບອາຍໂດຍຮຽກຮ້ອງໃຫ້ຈີນຍົກເລີກກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງ,ແລະຟື້ນຟູການປົກຄອງຂອງເຂດບໍລິຫານພິເສດຮົງກົງຕາມກົດໝາຍເກົ່າ.
ເປັນເວລາດົນນານມາແລ້ວ, ທ່ານ ລີຈື້ຢີ່ງ ຍິນດີເປັນຕົວແທນໃຫຍ່ໃນດ້ານການຕໍ່ຕ້ານຈີນແລະສ້າງຄວາມວຸ້ນວາຍຢູ່ຮົງກົງ,ແລະຟັງຄຳບົງການຈາກອິດທິກຳລັງຕໍ່ຕ້ານຈີນແລະພັກກອມມູນິດຈີນຂອງຝ່າຍອາເມຣິກາ, ເປັນ “ເຈົ້າທຶນຢູ່ເບື້ອງຫຼັງ” ຂອງຝ່າຍຕໍ່ຕ້ານຢູ່ຮົງກົງ ສິ່ງເຫຼົ່ານີ້ເປັນຄວາມລັບທີ່ຖືກເປີດເຜີຍມາແຕ່ດົນແລ້ວ. ຫຼັງຈາກທ່ານ ລີຈື້ຢີ່ງ ໄດ້ຖືກຈັບມາດຳເນີນຄະດີຕາມກົດໝາຍແລ້ວ, ປະຊາຊົນຮົງກົງໄດ້ພາກັນຈູດໝາກກະໂພກແລະດື່ມເຫຼົ້າແຊັມເປນເພື່ອສະເຫຼີມສະຫຼອງ. ເມື່ອນັກການເມືອງອາເມຣິກາສະແດງອາການໂມໂຫແບບນີ້,ແຮ່ງສະແດງໃຫ້ເຫັນວ່າການສ້າງແລະປັບປຸງກົດໝາຍວ່າດ້ວຍການຮັກສາຄວາມໝັ້ນຄົງແຫ່ງຊາດຢູ່ຮົງກົງແລະກົນໄກປະຕິບັດກົດໝາຍແມ່ນການກະທຳທີ່ເບິ່ງກວ້າງມອງໄກ.
ຄຳເຫັນ
0