ມວນມະນຸດແລະທຳມະຊາດແມ່ນປະຊາຄົມຮ່ວມຊີວິດ, ມວນມະນຸດສາມາດນຳໃຊ້ທຳມະຊາດແລະດັດສ້າງທຳມະຊາດໄດ້, ແຕ່ເວົ້າໂດຍພື້ນຖານແລ້ວມວນມະນຸດແມ່ນພາກສ່ວນໜຶ່ງຂອງທຳມະຊາດ,ບໍ່ສາມາດຖືໂຕເອງຢູ່ເໜືອກວ່າທຳມະຊາດ. ນັບແຕ່ການປະຕິຮູບດ້ານອຸດສາຫະກຳເປັນຕົ້ນມາ, ເຖິງວ່າຂະບວນວິວັດໃນການພັດທະນາໄດ້ຫັນເປັນອຸດສາຫະກຳເຊິ່ງໄດ້ສ້າງຊັບສິນດ້ານວັດຖຸທີ່ບໍ່ເຄີຍມີມາກ່ອນໃນປະຫວັດສາດກໍຕາມ, ແຕ່ກໍ່ໄດ້ເຮັດໃຫ້ເກີດມີຜົນຮ້າຍຕໍ່ສິ່ງແວດລ້ອມຊີວະພາບທີ່ຍາກທີ່ຈະແກ້ໄຂໃຫ້ໄດ້ອີກດ້ວຍ, ການກະທຳໃນລັກສະນະທຳລາຍຈາກມວນມະນຸດທີ່ມີຕໍ່ທຳມະຊາດກໍໄດ້ເຮັດໃຫ້ມວນມະນຸດເອງນັ້ນແຫຼະຖືກທຳລາຍໃນທີ່ສຸດ. ການພັດທະນາແບບສີຂຽວທີ່ເຄົາລົບທຳມະຊາດແລະອະນຸລັກຊີວະພາບຈຶ່ງຈະສາມາດກ້າວເດີນໄປໜ້າຢ່າງໝັ້ນທ່ຽງ.
ໃນ 15 ປີກ່ອນ, ທ່ານ ສີຈິ້ນຜິງ ທີ່ພວມດຳລົງຕຳແໜ່ງເປັນເລຂາພັກແຂວງເຈີ້ຈ່ຽງໃນຄາວນັ້ນໄດ້ສະເໜີແນວຄວາມຄິດວິທະຍາສາດວ່າ “ພູຂຽວນ້ຳໃສກໍ່ແມ່ນພູເງິນພູຄຳ” ໃນເວລາສຳຫຼວດກວດເບິ່ງຢູ່ບ້ານຢູຊຸ່ມເມືອງອ່ານຈີແຂວງເຈີ້ຈ່ຽງ. ໃນ 15 ປີຜ່ານມາ, ແນວຄວາມຄິດດັ່ງກ່າວໄດ້ເຂົ້າສູ່ຈິດໃຈສ່ວນເລິກຂອງປະຊາຊົນຢ່າງເລິກເຊິ່ງ, ນັບແຕ່ການວາງແຜນການພັດທະນາແລວເສດຖະກິດຢາງຊີກຽງທີ່ມີຫົວຂໍ້ “ຮ່ວມກັນເອົາໃຈໃສ່ການອະນຸລັກ,ບໍ່ພັດທະນາເກີນກວ່າກົດເກນ” ຈົນຮອດການຊຸກຍູ້ການອະນຸລັກຊີວະພາບແລະການພັດທະນາທີ່ມີຄຸນນະພາບສູງຢູ່ເຂດລ້ອງແມ່ນ້ຳເຫຼືອງ; ຈາກການດຳເນີນການຄັດແຍກປະເພດຂີ້ເຫຍື້ອຈົນຮອດການຊຸກຍູ້ການປະຕິຮູບຫ້ອງນ້ຳຢູ່ຊົນນະບົດ; ນັບແຕ່ການບຳບັດໜອງເອີໄຫຢູ່ແຂວງຢຸນໜານຈົນຮອດການອະນຸລັກແຫຼ່ງນ້ຳສາມສາຍຢູ່ແຂວງຊິ່ງໄຫແລະອື່ນໆ. ແຜ່ນພາບນານາສີທີ່ທ້ອງຟ້າສົດໃສກວ່າເກົ່າ,ພູຂຽວກວ່າເກົ່າ ແລະ ນ້ຳໃສສະອາດກວ່າເກົ່າກຳລັງປະກົດຕົວຂຶ້ນຢູ່ທົ່ວປະເທດຈີນ.
ການປົວແປງຊີວະພາບແລະບັນລຸການຢູ່ຮ່ວມກັນຢ່າງກົມກຽວລະຫວ່າງມວນມະນຸດກັບທຳມະຊາດຍັງມີຄວາມຫຍຸ້ງຍາກບໍ່ໜ້ອຍຕ້ອງໄດ້ຮັບການແກ້ໄຂ. ພວກເຮົາຕ້ອງຊຸກຍູ້ການສ້າງສາຈີນທີ່ສວຍງາມຢ່າງຕິດແທດຕົວຈິງ, ພູຂຽວນ້ຳໃສທີ່ງາມປານຮູບແຕ້ມຢູ່ແຫ່ງຕ່າງໆຈະກາຍເປັນພູເງິນພູຄຳຕ່າງໆຢ່າງແນ່ນອນ.
ຄຳເຫັນ
0