黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ເພີ່ມ​ການ​ລົງ​ທຶນ​ຢູ່​ຈີນ​ຈຶ່ງ​ແມ່ນ​​ທາງ​ເລືອກ​ທີ່​ສະ​ຫຼາດ

2020-08-17 15:05:53 cri

ເຖິງວ່າ​ນັກ​ການ​ເມືອງ​ອາ​ເມ​ຣິ​ກາ​ຈຳ​ນວນ​ໜຶ່ງ​ຍຸ​ຍົງ​​ສົ່ງ​ເສີມ​ໃຫ້ວິ​ສາ​ຫະ​ກິດ​ອາ​ເມ​ຣິ​ກາ​ຍ້າຍ​ຖານ​ອອກ​ຈາກ​ປະ​ເທດ​ຈີນ​ຢ່າງ​ບໍ່​ຢຸດ​ຢັ້ງ, ແຕ່​ບົດ​ລາຍ​ງານ​ສະ​ບັບ​ໜຶ່ງ​ທີ່​ສະ​ພາ​ການ​ຄ້າ​ທົ່ວ​ປະ​ເທດ​ອາ​ເມ​ຣິ​ກາ-ຈີນ​ເປີດ​ເຜີຍ​ໃນ​ເມື່ອ​ບໍ່​ດົນ​ມາ​ນີ້​ສະ​ແດງ​ໃຫ້​ເຫັນ​ວ່າ, ວິ​ສາ​ຫະ​ກິດ​ອາ​ເມ​ຣິ​ກາ​ທີ່​ໄດ້​ຮັບ​ການສຳ​ຫຼວດ​ມີເຖິງ 83% ​ຍັງຈະ​ຖື​ປະ​ເທດ​ຈີນ​ເປັນ​ປະ​ເທດ​ສຳ​ຄັນ​ທີ່​ສຸດ​ຫຼື 1 ໃນ​ 5 ຕະ​ຫຼາດ​ສຳ​ຄັນ​ທາງ​ຍຸດ​ທະ​ສາດ​ທົ່ວ​ໂລກຂອງ​ຕົນ. ມີ 75% ​ຂອງວິ​ສາ​ຫະ​ກິດ​ກ່າວ​ວ່າ​ການ​ລົງ​ທຶນ​ຢູ່​ຈີນ​ຈະ​ບໍ່​ປ່ຽນ​ແປງ​ຫຼື​ຈະ​ເພີ່ມ​ຂຶ້ນ​ອີກ​ໃນ 1 ປີ​ຕໍ່​ໜ້າ.

ຕົວ​ເລກ​ຕ່າງໆ​ໄດ້​ສະ​​ທ້ອນ​ໃຫ້​ເຫັນ​ຄວາມ​ເຂັ້ມ​ແຂ​ງ​​ທາງດ້ານ​ເສດ​ຖະ​ກິດ​ຂອງ​ຈີນ​ແລະ​ກຳ​ລັງ​ດຶງ​ດູດ​ຂອງ​ຕະ​ຫຼາດ​ຈີນ. ໃນ​ເດືອນ​ກໍ​ລະ​ກົດ​ແລ້ວ​ນີ້, ທົ່ວ​ປະ​ເທດ​ຈີນ​ສາ​ມາດ​ດຶງ​ດູດ​ການ​ລົງ​ທຶນ​ຕົວ​ຈິງ​ຂອງ​ຕ່າງ​ປະ​ເທດ​ໄດ້ເຖິງ 63.47 ຕື້ຢວນ​, ​ເມື່ອທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ຜ່ານ​ມາ​ແລ້ວ​ເພີ່ມ​ຂຶ້ນ 15.8%, ​ບັນ​ລຸ​ກາ​ນ​ດຶງ​ດູດ​ການ​ລົງ​ທຶນ​ຂອງ​ຕ່າງ​ປະ​ເທດ​ເພີ່ມ​ຂຶ້ນ​ເປັນ 4 ເດືອນ​ລຽນ​ຕິດ. ໃນ​ໄລ​ຍະ​ເດືອນ​ທຳ​ອິດ​ປີ​ນີ້, ຈີນ​​ສາ​ມາດ​ດຶງ​ດູດ​ການ​ລົງ​ທຶນ​ຂອງ​ຕ່າງ​ປະ​ເທດ​ໄດ້ 535.65 ຕື້ຢວນ, ເພີ່ມ​ຂຶ້ນ 0.5%; ​ວິ​ສາ​ຫະ​ກິດ​ຕ່າງ​ປະ​ເທດ​ສ້າງ​ຕັ້ງ​ຂຶ້ນ​ໃໝ່ 18.838 ແຫ່ງ.

ປັດ​ຈຸ​ບັນ, ພາຍ​ໃຕ້​ສະ​ພາບ​ການ​ທີ່​ການ​ລົງ​ທຶນ​ຂ້າມ​ຊາດ​ຂອງ​ທົ່ວ​ໂລກ​ໄດ້​ຮັບ​ຜົນ​ສະ​ທົບ​ຈາກ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຢ່າງ​ໜັກ​ໜ່ວງ, ​ແຕ່​ຖ້າ​ຫາກວິ​ສາ​ຫະ​ກິດ​ຕ່າງ​ປະ​ເທດ​ຖອນ​​ຖານ​ຂອງ​ຕົນ​ອອກຈາກ​ຈີນ​ແມ່ນ​ບໍ່​ສອດ​ຄ່ອງ​ກັບ​ກົດ​ເກນ​ການ​ຄ້າ, ການ​ທີ່​ເພີ່ມ​ການ​ລົງ​ທຶນ​ຢູ່​ຈີນ​ຈຶ່ງ​ແມ່ນ​​ທາງ​ເລືອກ​ທີ່​ສະ​ຫຼາດ.

ຍ້ອນ​ວ່າ​ນະ​ໂຍ​ບາຍ​ເປີດ​ປະ​ຕູ​ສູ່​ພາຍນອກ​ຂອງ​ຈີນ​ມີ​ລັກ​ສະ​ນະ​ຕໍ່​ເນື່ອງ, ພ້ອມ​ກັນ​ນັ້ນ, ສະ​ພາ​ບ​ແວດ​ລ້ອມ​​ໃນ​ການດຳ​ເນີນ​ທຸ​ລະ​ກິດ​ຢູ່​ຈີນ​ໄດ້​​ຮັບ​ການ​ປັບ​ປຸງ​ໃຫ້​ດີ​ຂຶ້ນ​ຢ່າງ​ຕໍ່​ເນື່ອງ. ນອກ​ຈາກ​ນັ້ນ, ​ຫ້ອງວ່າ​ການ​ລັດ​ຖະ​ບານ​ຈີນ​ໄດ້​ອອກມາດ​ຕະ​ການ​ແລະ​ນະ​ໂຍ​ບາຍ 15 ຂໍ້​ກ່ຽວ​ກັບ​​ການຊຸກ​ຍູ້​ການ​ຄ້າ​ຕໍ່​ຕ່າງ​ປ​ະ​ເທດ​ແລະ​ດຶງ​ດູດ​ການ​ລົງ​ທຶນ​ຂອງ​ຕ່າງ​ປະ​ເທດໃນ​ໄລ​ຍະ​ບໍ່​ດົນ​ມາ​ນີ້, ມາດ​ຕະ​ການ​ເຫຼົ່າ​ນີ້​ແມ່ນ​ການ​ສະ​ໜັບ​ສະ​ໜູນ​ດ້ານ​ນະ​ໂຍ​ບາຍ​ທີ່​ແນ​ໃສ່​​ແກ້​ໄຂຄວາມ​ຫຍຸ້ງ​ຍາ​ກ​ຂອງ​ວິ​ສາ​ຫະ​ກິດ​ຕ່າງ​ປະ​ເທດ​ຢູ່​ຈີນ, ເປັນ​ການ​ຕອບ​ສະ​ໜອງ​ກັບ​ຄວາມ​ປາ​ຖະ​ໜາ​ຂອງວິ​ສາ​ຫະ​ກິດ​ຕ່າງ​ປະ​ເທດ​ທີ່​ຢາກ​ເພີ່ມ​ການ​ລົງ​ທຶນ​ຢູ່​ຈີ​ນ​ທີ່​ແນ່ນອນ.

ຄຳ​ເຫັນ

0