ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ສິງຫານີ້ແມ່ນວັນຄົບຮອບ 2 ປີຂອງນະຄອນເສີ່ນເຈີ້ນທີ່ສ້າງເປັນເຂດໂຕແບບນຳໜ້າສັງຄົມນິຍົມທີ່ມີສີສັນພິເສດຂອງຈີນ. ກ່ອນໜ້ານີ້ມື້ໜຶ່ງ, ມີຂ່າວທີ່ປິຕິຊົມຊື່ນຂ່າວໜຶ່ງຄື: ນະຄອນເສີ່ນເຈີ້ນໄດ້ປະກາດວ່າໄດ້ສ້າງສະຖານີສົ່ງສັນຍານ 5G ສຳເລັດແລ້ວຫຼາຍກວ່າ 46 ພັນແຫ່ງ, ບັນລຸເຄືອຂ່າຍ 5G ທີ່ປົກຄຸມໃນຂອບເຂດທົ່ວເມືອງ, ໄດ້ກາຍເປັນເມືອງ 5G ແຫ່ງທຳອິດຂອງໂລກ.
ເດືອນສິງຫາປີ 2019, ຈີນໄດ້ເຜີຍແຜ່ “ຄວາມເຫັນຂອງລັດຖະບານແລະສູນກາງພັກກອມມູນິດຈີນກ່ຽວກັບການສະໜັບສະໜູນການສ້າງນະຄອນເສີ່ນເຈີ້ນໃຫ້ເປັນເຂດໂຕແບບນຳໜ້າສັງຄົມນິຍົມທີ່ມີສີສັນພິເສດຂອງຈີນ”ຢ່າງເປັນທາງການ. ອາດເວົ້າໄດ້ວ່າ: ການສ້າງເຂດໂຕແບບດັ່ງກ່າວເປັນການສະແດງໃຫ້ເຫັນເຖິງການຊຸກຍູ້ການປະຕິຮູບແລະການເປີດປະຕູຂອງຈີນຈາກຈຸດເລີ່ມຕົ້ນໃໝ່ທີ່ສູງກວ່າ,ລະດັບທີ່ສູງກວ່າແລະເປົ້າໝາຍທີ່ສູງກວ່າ.
ໃນ 6 ເດືອນຕົ້ນປີນີ້, ໂດຍປະເຊີນກັບຜົນກະທົບຈາກການແຜ່ລະບາດຂອງພະຍາດໂຄວິດ-19 ແລະ ສະພາບແວດລ້ອມພາຍໃນແລະຕ່າງປະເທດທີ່ສັບສົນແລະຜັນແປໄປຢ່າງບໍ່ຢຸດຢັ້ງ, ແຕ່ລວມຍອດຜະລິດຕະພັນພາຍໃນຫຼື GDP ຂອງເຂດເສີ່ນເຈີ້ນຍັງໄດ້ບັນລຸການເຕີບໂຕໂດຍໄດ້ເພີ່ມຂຶ້ນ 0,1% ເມື່ອທຽບໃສ່ໄລຍະດຽວກັນຂອງປີກາຍ.
ການປະດິດສ້າງໃໝ່ດ້ານວິທະຍາສາດເຕັກນິກແມ່ນ “ປ້າຍຄຳ” ຂອງນະຄອນເສີ່ນເຈີ້ນມາໂດຍຕະຫຼອດ. ປີ 2019, ງົບປະມານທີ່ນຳໃຊ້ເຂົ້າໃນໂຄງການວິທະຍາສາດເຕັກນິກຂອງນະຄອນເສີ່ນເຈີ້ນໄດ້ເພີ່ມຂຶ້ນເກືອບ 1 ເທົ່າ, ມີຫຼາຍກວ່າ 30% ໄດ້ນຳໃຊ້ເຂົ້າໃນການຄົ້ນຄວ້າຂັ້ນພື້ນຖານແລະການຄົ້ນຄວ້າການປະຍຸກໃຊ້ຂັ້ນພື້ນຖານ. ໃນຂະນະດຽວກັນ, ນະຄອນເສີ່ນເຈີ້ນໄດ້ລົງເລິກການປະຕິຮູບຢ່າງບໍ່ຢຸດຢັ້ງ,ໄດ້ຢືນຢູ່ແຖວໜ້າໃນດ້ານການສ້າງສະພາບແວດລ້ອມດ້ານການດຳເນີນທຸລະກິດການຄ້າທີ່ຫັນເປັນຕະຫຼາດ,ການປົກຄອງດ້ວຍກົດໝາຍແລະເປັນແບບສາກົນ.
“ການກ້າວເດີນໄປຕາມທິດທາງຂອງການສ້າງເຂດໂຕແບບນຳໜ້າສັງຄົມນິຍົມທີ່ມີສີສັນພິເສດຂອງຈີນ, ພະຍາຍາມສ້າງໂຕແບບຂອງຕົວເມືອງເພື່ອບັນລຸການສ້າງປະເທດສັງຄົມນິຍົມທີ່ທັນສະໄໝແລະເຂັ້ມແຂງ” ຄືທິດທາງແຫ່ງການພັດທະນາຂອງນະຄອນເສີ່ນເຈີ້ນ. ດ້ວຍທິດຊີ້ນຳດັ່ງກ່າວ, ທົ່ວໂລກຈະໄດ້ເຫັນນະຄອນເສີ່ນເຈີ້ນມີຊີວິດຊີວາຫຼາຍກວ່າເກົ່າ, ທັງຈະໄດ້ເຫັນປະເທດຈີນຈະເປັນປະເທດທີ່ມີຊີວິດຊີວາຫຼາຍກວ່າເກົ່າແລະສ້າງໂອກາດໃຫ້ກັບໂລກໄດ້ຫຼາຍກວ່າເກົ່າ.
ຄຳເຫັນ
0