黄理春

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ການຖື​ເອົາ​ບັນ​ຫາ​ເສດ​ຖະ​ກິດ​ການ​ຄ້າ​ຫັນ​ເປັນ​​ບັນ​ຫາ​ການ​ເມືອງ​ພຽງ​ຈະ​ເຮັດ​ໃຫ້​ວິ​ສາ​ຫະ​ກິດ​ທົ່ວ​ໂລກ​ຫ່າງ​​ເຫີນຈາກ​ອາ​ເມ​ຣິ​ກາ​ໄວ​ຂຶ້ນ​ກວ່າ​ເກົ່າ

2020-08-20 10:51:20 cri

ວັນ​ທີ 17 ສິງ​ຫາ​ນີ້​ຕາມ​ເວ​ລາ​ທ້ອງ​ຖິ່ນ, ທ່ານ​ໄມ ພົມ​ແພວ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ​​ໄດ້ອອກ​ຖະ​ແຫຼງ​ການ​ວ່າ: ກະ​ຊວງ​ການ​ຄ້າ​ອາ​ເມ​ຣິ​ກາ​ຈະ​ເພີ່ມ​ການ​ຈຳ​ກັດ​ຕໍ່​ບໍ​ລິ​ສັດ​ຫົວ​ເຫວີຍ​​ທີ່​ໄດ້​ນຳ​ໃຊ້ເຕັກ​ນິກ​ຂອງ​ອາ​ເມ​ຣິ​ກາ​ຕື່ມ​ອີກ, ພ້ອມ​ກັນ​ນັ້ນ​ຈະ​ຈັດ​ເອົາບໍ​ລິ​ສັດ 38 ແຫ່ງ​ຢູ່ 21 ປະ​ເທດ​ໃນ​ໂລກ​ທີ່​ຂຶ້ນ​ກັບ​ບໍ​ລິ​ສັດ​ຫົວ​ເຫວີຍ​ເຂົ້າ​ໃນບັນ​ຊີ​ລາຍ​ຊື່​ນິ​ຕິ​ບຸກ​ຄົນ. ການ​ກະ​ທຳ​ດັ່ງ​ກ່າວ​ບໍ່​ພຽງ​ແຕ່​ໄດ້​ທຳ​ລາຍ​ຕ່ອງ​ໂສ້​ອຸດ​ສາ​ຫະ​ກຳ, ຕ່ອງ​ໂສ້​ການ​ສະ​ໜອງ​ແລະ​ຕ່ອງ​ໂສ້​ມູນ​ຄ່າ​​ຂອງ​ໂລກເທົ່າ​ນັ້ນ, ​ແຕ່​ຍັງ​ຈະ​ທຳ​ລາຍ​ຜົນ​ປະ​ໂຫຍດ​ແລະ​ພາບ​ພົດຂອງ​ອາ​ເມ​ຣິ​ກາ​ເຊັ່ນ​ກັນ, ເຮັດ​ໃຫ້​ວິ​ສາ​ຫະ​ກິດ​ຂ້າມ​ຊາດ​ຂອງ​ໂລກ​ເລັ່ງ​ເຫີນ​ຫ່າງ​ຈາກ​ອາ​ເມ​ຣິ​ກາ.

ເບິ່ງ​ຈາກ​ປະ​ຫວັດ​ສາດ​ແລ້ວ, ວິ​ສາ​ຫະ​ກິດ​ທີ່​ໄດ້​ຮັບ​ຜົນ​ສຳ​ເລັດ​ຂອງ​ຫຼາຍ​ປະ​ເທດ​ລ້ວນ​ແຕ່​ມີ​ປະ​ສົບ​ການ​ຄ້າຍ​ຄື​ກັນ​ກັບ​ບໍ​ລິ​ສັດ​ຫົວ​ເຫວີຍ. ປີ 2013, ອາ​ເມ​ຣິ​ກາ​ກໍ​ໄດ້​ໃຊ້​ມາດ​ຕະ​ການ​ຄ້າຍ​ຄື​ກັນ​ນີ້​ໂດຍ​ໄດ້​ບັງ​ຄັບ​ແລະ​ຈັດ​ຊື້​ບໍ​ລິ​ສັດ ALSTOM ຂອງ​ຝ​ຣັ່ງ​ເຊິ່ງ​ເປັນ​ບໍ​ລິ​ສັດ​ຄົມ​ມະ​ນາ​ຄົມ​ທາງ​ລາງ​ແລະ​ເຄື່ອງ​ອຸ​ປະ​ກອນ​ໄຟ​ຟ້າລະ​ດັບ​ນຳ​ໜ້າ​ຂອງ​ໂລກ. ໃນ​ໄລ​ຍະ​ສິບກວ່າ​ປີ​ມາ​ນີ້, ອາ​ເມ​ຣິ​ກາ​ໄດ້​ເຮັດ​ໃຫ້​ບໍ​ລິ​ສັດ​ຂ້າມ​ຊາດ​ຂະ​ໜາດ​ໃຫຍ່​ຫຼາຍ​ແຫ່ງ​ຂອງ​ເອີ​ຣົບ​ຖືກ​ທຳ​ລາຍ​ດ້ວຍ​ການ​ນຳ​ໃຊ້​ມາດ​ຕະ​ການ​ທີ່ຄ້າຍ​ຄື​ກັນ. ປັດ​ຈຸ​ບັນ, ອາ​ເມ​ຣິ​ກາ​ມີ​ເຈ​ດ​ຈະ​ນາ​ນຳ​ໃຊ້​ມາດ​ຕະ​ການ​ທີ່​ຄ້າຍ​ຄື​ກັນ​ອີກແລ້ວ, ເພື່ອ​ໂຈມ​ຕີ​ວິ​ສາ​ຫະ​ກິດ​ຈີນ​ເຊັ່ນ: ​ບໍ​ລິ​ສັດ​ຫົວ​ເຫວີຍ, ບໍ​ລິ​ສັດ TikTok ຢ່າງ​ປ່ວງ​ບ້າ, ການ​ກະ​ທຳ​ແບບ​ນີ້​ຈະ​ເຮັດ​ໃຫ້​ວິ​ສາ​ຫະ​ກິດ​ຂ້າມ​ຊາດ​ອື່ນໆ​ເຫັນ​ແລ້ວ​ຮູ້​ສຶກ​ຕົກ​ໃຈ​ຫຼາຍ. ແມ່ນ​ໃຜ​ຊິ​ຮູ້​ວ່າ​ໃນ​ອະ​ນາ​ຄົດ, ເປົ້າ​ໝາ​ໂຈມ​ຕີ​ຕໍ່​ໄປ​ຂອງ​ອາ​ເມ​ຣິ​ກາ​ຈະ​ແມ່ນ​ບໍ​ລິ​ສັດ​ຕົນ​ຫຼື​ບໍ່? ​ຍັງ​ມີວິ​ສາ​ຫະ​ກິດ​ໃດ​ອີກ​ທີ່​ຍັງ​ຈະ​ກ້າ​ລົງ​ທຶນ​ຢູ່​ອາ​ເມ​ຣິ​ກາ​​ທີ່​ເອີ້ນ​ວ່າ “ຕະ​ຫຼາດ​ເສ​ລີ” ​ແຕ່​ບໍ່​ຖືກ​ກັບ​ຄວາມ​ຈິງ?

​ມີ​ແຕ່ເຮັດ​ໃຫ້​ການ​ຄ້າ​ບໍ່​ຫັນ​ເປັນ​ບັນ​ຫາການ​ເມືອງ, ນີ້​ແມ່ນ​ຄວາມ​ຮຽກ​ຮ້ອງ​ຕ້ອງ​ການ​ຮ່ວມ​ກັນ​ຂອງວິ​ສາ​ຫະ​ກິດ​ຂ້າມ​ຊາດ​ຂອງ​ໂລກ. ແຕ່​ພວກ​ໄມ ພົມ​ແພວ​ພັດ​ຖື​ເອົາ​ບັນ​ຫາ​ເສດ​ຖະ​ກິດ​ຫັນ​ເປັນ​​ບັນ​ຫາ​ການ​ເມືອງ​ເພື່ອ​ຜົນ​ປະ​ໂຫຍດ​ຂອ​ງ​ຕົນ, ໄດ້​ທຳ​ລາຍ​ຜົນ​ປະ​ໂຫຍດ​ຂອງວິ​ສາ​ຫະ​ກິດ​ທົ່ວ​ໂລກ​ລວມ​ທັງ​ວິ​ສາ​ຫະ​ກິດ​ອາ​ເມ​ຣິ​ກາ. ​ພວກ​ເຂົາ​ສະ​ກັດ​ກັ້ນ​ບໍ່​ໃຫ້​ວິ​ສາ​ຫະ​ກິດ​ຈີນ​ດຳ​ເນີນ​ການ​ຮ່ວມ​ມື​ສາ​ກົນ, ເຊິ່ງໄດ້​ຝຶນ​ກັບ​ກະ​ແສ​ພັດ​ທະ​ນາ​ດ້ານ​ວິ​ທະ​ຍາ​ສາດ​ເຕັກ​ນິກ​ຂອງ​ໂລກ, ທັງ​ໄດ້​ທຳ​ລາຍ​ຄວາ​ມ​ຜາ​ສຸກ​ຂອງ​ປະ​ຊາ​ຊົນ​ໂລກ, ແລະ​ຈະ​ໄດ້​ຮັບ​ຜົນ​ຮ້າຍ​ຕາມ​ມາ​ຈາກ​ປະ​ຫວັດ​ສາດ​ໃນ​ທີ່​ສຸດ.

ຄຳ​ເຫັນ

0