ໃນກອງປະຊຸມສຳມະນາກັບຜູ້ຊ່ຽວຊານໃນຂົງເຂດເສດຖະກິດສັງຄົມທີ່ຈັດຂຶ້ນໃນວັນທີ 24 ສິງຫານີ້, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ຊີ້ໃຫ້ເຫັນວ່າ: ໃນໄລຍະຕໍ່ໜ້າ, ພວກເຮົາຈະປະເຊີນກັບສະພາບແວດລ້ອມພາຍນອກທີ່ມີຄວາມຫຍຸ້ງຍາກຕ່າງໆຫຼາຍກວ່າເກົ່າ, ຕ້ອງກະກຽມໃຫ້ເປັນຢ່າງດີເພື່ອຮັບມືກັບສິ່ງທ້າທາຍແລະຄວາມສ່ຽງໃໝ່ຕ່າງໆ. ຕ້ອງກ້າເດີນເຮືອສວນກັບທິດທາງຂອງກະແສລົມ, ຫັນວິກິດການເປັນກາລະໂອກາດ, ພະຍາຍາມບັນລຸການພັດທະນາທີ່ມີຄຸນນະພາບສູງກວ່າເກົ່າ, ມີປະສິດທິພາບສູງກວ່າເກົ່າ, ຍຸຕິທຳກວ່າເກົ່າ, ຍືນຍົງກວ່າເກົ່າແລະປອດໄພກວ່າເກົ່າ.
ການເດີນເຮືອສວນກັບທິດທາງຂອງກະແສລົມ,ຕ້ອງມີຄວາມກ້າຫານໃນການສູ້ກັບກະແສລົມ, ຕ້ອງຈຳແນກສະພາບການທີ່ປ່ຽນແປງຢ່າງວ່ອງໄວບົນເສັ້ນທາງທາງທະເລ, ຕ້ອງກຳທິດທາງການເດີນເຮືອໃຫ້ໄດ້, ຕ້ອງມີທິດສະດີດ້ານວິທະຍາສາດແລະຍັງຕ້ອງມີພະລັງແຮງດ້ານການເດີນເຮືອທີ່ເຂັ້ມແຂງອີກດ້ວຍ.
ການທີ່ພຽງແຕ່ສາມາດເດີນເຮືອໄປຕາມທິດທາງຂອງກະແສລົມຈະບໍ່ສາມາດເດີນເຮືອຢູ່ທະເລໄດ້ຢ່າງສະດວກແນ່ນອນ. ຊົນຊາດຈີນຈະບັນລຸການຟື້ນຟູຄວາມຈະເລີນອັນຍິ່ງໃຫຍ່ເໝືອນດັ່ງການເດີນເຮືອທາງທະເລ, ການເດີນເຮືອສວນກັບທິດທາງຂອງກະແສລົມກໍຈະກາຍເປັນສະພາບປົກກະຕິ. ຄຳປາໄສຂອງທ່ານເລຂາທິການໃຫຍ່ ສີຈິ້ນຜິງ ໄດ້ໃຫ້ທິດຊີ້ນຳທີ່ຖືກຕ້ອງແກ່ການພັດທະນາເສດຖະກິດຂອງຈີນພາຍໃຕ້ສະພາບທີ່ມີຄວາມຫຍຸ້ງຍາກ. ຂໍແຕ່ຮ່ວມແຮງຮ່ວມໃຈກັນ, ຮ່ວມທຸກຮ່ວມສຸກ, ພວກເຮົາກໍຈະສາມາດຂັບເຮືອລຳໃຫຍ່ຂອງຈີນນີ້ໄປເຖິງຈຸດໝາຍປາຍທາງໄດ້ເປັນຢ່າງດີແນ່ນອນ, ເພື່ອໃຫ້ເສດຖະກິດຈີນສາມາດພັດທະນາພາຍໃຕ້ສະພາບມີຄວາມຫຍຸ້ງຍາກ.
ຄຳເຫັນ
0