ວັນທີ 24 ສິງຫານີ້ຕາມເວລາທ້ອງຖິ່ນ, ບໍລິສັດ TikTok ເຊິ່ງເປັນບໍລິສັດວິທະຍາສາດເຕັກໂນໂລຊີທາງອິນເຕີເນັດທີ່ມີສຳນັກງານໃຫຍ່ຕັ້ງຢູ່ລັອສແອງເຈີລິສອາເມຣິກາໄດ້ຍືນເອກະສານຮ້ອງຟ້ອງຕໍ່ສານທ້ອງຖິ່ນແຫ່ງໜຶ່ງຂອງອາເມຣິກາ, ໂດຍຮ້ອງຟ້ອງຢ່າງເປັນທາງການວ່າ: ການອອກລັດຖະດຳລັດຂອງລັດຖະບານອາເມຣິກາໃນກ່ອນນີ້ບໍ່ດົນທີ່ກ່ຽວຂ້ອງກັບບໍລິສັດຕົນກໍຄືບໍລິສັດ bytedance ທີ່ເປັນບໍລິສັດແມ່ນັ້ນໄດ້ລະເມີດກົດໝາຍ.
ເຖິງວ່າບໍລິສັດ TikTok ໄດ້ດຳເນີນທຸລະກິດຢູ່ອາເມຣິກາຢ່າງຖືກຕ້ອງຕາມລະບຽບການຂອງອາເມຣິກາທັງໝົດ, ແຕ່ວ່າລັດຖະບານອາເມຣິກາຍັງໄດ້ສັ່ງໃຫ້ບໍລິສັດ TikTok ຂາຍບໍລິສັດໃຫ້ວິສາຫະກິດອາເມຣິກາດ້ວຍຂໍ້ອ້າງ “ທຳລາຍຜົນປະໂຫຍດດ້ານຄວາມໝັ້ນຄົງແຫ່ງຊາດອາເມຣິກາ”. ຫວ່າງກ່ອນນີ້ບໍ່ດົນ, ທ່ານໂດໂນ ທຣຳ ປະທານາທິບໍດີອາເມຣິກາໄດ້ອອກລັດຖະດຳລັດເຊິ່ງໄດ້ລະບຸວ່າ, ບໍລິສັດ TikTok ເປັນໄພຂົ່ມຂູ່ຕໍ່ຄວາມໝັ້ນຄົງແຫ່ງຊາດອາເມຣິກາ, ສະນັ້ນຈຶ່ງວ່າເປັນຕ້ອງຫ້າມບໍ່ໃຫ້ບຸກຄົນຫຼືວິສາຫະກິດອາເມຣິກາດຳເນີນທຸລະກິດກັບບໍລິສັດ TikTok ແລະບໍລິສັດ bytedance ທີ່ເປັນບໍລິສັດແມ່ຂອງບໍລິສັດ TikTok ຫຼັງລົງລາຍເຊັນ 45 ວັນ.
ອາເມຣິກາເວົ້າຕົນເອງເປັນປະເທດທີ່ປົກຄອງດ້ວຍກົດໝາຍ, ແຕ່ຖ້າວ່າອາເມຣິກາຍັງສືບຕໍ່ມີພຶດຕິກຳທີ່ບໍ່ເອົາຫົວຊາຕໍ່ກົດໝາຍ, ແລະບໍ່ມີຫຼັກຖານອ້າງອີງຕາມຄວາມຈິງ, ກໍຈະເຮັດໃຫ້ຄົນທັງຫຼາຍໃນທົ່ວໂລກເຫັນໄດ້ຢ່າງຈະແຈ້ງເຖິງພຶດຕິກຳທີ່ເປັນໂຈນຂອງອາເມຣິກາ. ການທີ່ບໍ່ຍອມຮັບຕໍ່ການກະທຳແບບມະຫາອຳນາດທາງເສດຖະກິດໃນຮູບການທາງກົດໝາຍ, ຈະເຮັດໃຫ້ປະຊາຊົນຜູ້ທີ່ຮັກຫອມຄວາມເປັນທຳໃນໂລກສາມາດເບິ່ງອອກເຖິງການກະທຳແບບມະຫາອຳນາດຂອງອາເມຣິກາໄດ້ຈະແຈ້ງກວ່າເກົ່າ.
ຄຳເຫັນ
0