ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໂດຍຜ່ານການລໍຄອຍເປັນເວລາດົນນານ, ໃນທີ່ສຸດຈີນໄດ້ເປີດສົກຮຽນໃໝ່. ນັກຮຽນແລະນັກສຶກສາຫຼາຍລ້ານຄົນກັບຄືນສູ່ໂຮງຮຽນຫຼັງໄດ້ຢຸດການຮຽນການສອນໄດ້ຊົ່ວຄາວມາເປັນເວລາ 8 ເດືອນ, ແລະເປັນການຟື້ນຟູການຮຽນຄືນໃໝ່, ທັງສະທ້ອນໃຫ້ເຫັນການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ໃຫ້ກັບຄືນສູ່ສະພາບປົກກະຕິແລະສາມາດຟື້ນຟູຊີວິດການເປັນຢູ່ໃຫ້ເປັນປົກກະຕິໄດ້.
ຢູ່ນະຄອນຫຼວງປັກກິ່ງ ສປ ຈີນ, ຈາກຈຸດວັດແທກອຸນຫະພຸມຮ່າງກາຍດ້ວຍການຈຳແນກໃບໜ້າທີ່ຕັ້ງຢູ່ໜ້າປະຕູທາງເຂົ້າໂຮງຮຽນ, ເສັ້ນຮັກສາໄລຍະຫ່າງ 1 ແມັດທີ່ແຕ້ມໄວ້ຢູ່ຕາມໜ້າດິນຕໍ່ໜ້າອາຄານຮຽນ, ຈົນຮອດເຄື່ອງທີ່ໃຊ້ໃນການເພື່ອຂ້າເຊື້ອພະຍາດທີ່ໄວ້ຢູ່ປະຕູຫ້ອງຮຽນ, “ເຄື່ອງໝາຍປ້ອງກັນເຊື້ອພະຍາດໂຄວິດ-19” ໃນຫ້ອງຮຽນ, ລາຍລະອຽດຕ່າງໆໃນໂຮງຮຽນລ້ວນແຕ່ຢູ່ໃນຂອບເຂດຂອງການກວດກາຂອງໂຮງຮຽນ.
ຢູ່ນະຄອນຢື້ຈ້າວແຂວງຊ່ານຕຸ້ງ, ບົດຮຽນທຳອິດຂອງການເປີດສົກຮຽນ, ຄູທັງຫຼາຍໄດ້ໃຫ້ຄວາມຮູ້ກ່ຽວກັບວິທີປ້ອງກັນແລະຄວບຄຸມພະຍາດຕິດແປດ, ຝຶກອົບຮົມເຕັກນິກປ້ອງກັນພະຍາດຕິດແປດ, ເພື່ອຍົກສູງສະຕິລະວັງຕົວແລະຄວາມສາມາດປ້ອງກັນຕົວຂອງຄູອາຈານແລະນັກຮຽນທັງຫຼາຍ.
ການຟື້ນຟູການຮຽນສຳລັບນະຄອນອູຮັ້ນມີຄວາມໝາຍເປັນພິເສດ. ນະຄອນອູຮັ້ນມີໂຮງຮຽນຢ່າງໜາແໜ້ນ, ແລະມີນັກຮຽນຢ່າງຫຼວງຫຼາຍ. ການຟື້ນຟູການຮຽນແບບເປັນປົກກະຕິ, ນັ້ນກໍໝາຍຄວາມວ່າໝາກຜົນຂອງການປ້ອງກັນແລະຄວບຄຸມພະຍາດໂຄວິດ-19 ໄດ້ຮັບການປັບປຸງໃຫ້ດີຂຶ້ນຕື່ມອີກ, ທັງໝາຍຄວາມວ່ານະຄອນອູຮັ້ນເຊິ່ງເຄີຍເປັນໃຈກາງຂອງການແຜ່ລະບາດຂອງພະຍາດໂຄວິດ-19 ນັ້ນບໍ່ແມ່ນບ່ອນທີ່ຕ້ອງລະວັງເປັນພິເສດອີກແລ້ວ.
ການເປີດສົກຮຽນໃໝ່ຈະເປັນການສອບເສັງເປັນພິເສດຄັ້ງໜຶ່ງສຳລັບຕົວເມືອງ, ໂດຍຈະເປັນການກວດກາຄວາມສາມາດດ້ານການປ້ອງກັນແລະຄວບຄຸມການແຜ່ລະບາດຂອງພະຍາດທີ່ປະຕິບັດຢ່າງລະອຽດແລະຫັນເປັນທັນສະໄໝນັ້ນມີປະສິດທິຜົນແນວໃດ. ການເປີດສົກຮຽນໃໝ່, ເບິ່ງແລ້ວຄືເປັນພຽງນັກຮຽນນັກສຶກສາອອກຈາກເຮືອນໄປໂຮງຮຽນເທົ່ານັ້ນ, ທີ່ຈິງແລ້ວໄດ້ກ່ຽວພັນເຖິງຫຼາຍດ້ານຂອງການສັບຊ້ອນວາງແຜນການແລະການບໍລິຫານທາງສັງຄົມຂອງຕົວເມືອງ, ນັກຮຽນນັກສຶກສາກັບຄືນສູ່ໂຮງຮຽນໝາຍຄວາມວ່າປະຊາກອນຢູ່ຕົວເມືອງໄດ້ຟື້ນຟູຄືນສູ່ລະດັບປົກກະຕິແລ້ວ.
ໃນເວລາເຮັດທຸກສິ່ງທຸກຢ່າງ, ຖ້າວ່າມີການຫ້າງຫາກະກຽມກໍສາມາດໄດ້ຮັບຜົນສຳເລັດ, ເມື່ອມີປະສົບການດ້ານການຕ້ານກັບການແຜ່ລະບາດຂອງພະຍາດ, ມີການຫ້າງຫາກະກຽມທີ່ພຽງພໍ, ມີແຜນການລ່ວງໜ້າທີ່ລະອຽດຮອບຄອບ, ແລະມີວິທີທີ່ເປັນໄປໄດ້, ການເປີດຮຽນຄືນໃໝ່ຈຶ່ງຈະສາມາດເຮັດໃຫ້ປະຊາຊົນໃນທົ່ວສັງຄົມໄວ້ວາງໃຈໄດ້.
ຄຳເຫັນ
0