ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອາເມຣິກາໄດ້ຖືເອົາບັນຫາ “ຄວາມປອດໄພແຫ່ງຊາດ” ເພື່ອສ້າງບັນຫາອີກຄັ້ງໃໝ່, ແລະປະຕິບັດມາດຕະການໃໝ່ຕໍ່ນັກສຶກສາຈີນ. ວັນທີ 9 ກັນຍານີ້, ໂຄສົກກະຊວງການຕ່າງປະເທດອາເມຣິກາທ່ານໜຶ່ງກ່າວວ່າ: ໂດຍອີງຕາມລັດຖະດຳລັດປະທານາທິບໍດີສະບັບໜຶ່ງທີ່ປະກາດໃນວັນທີ 29 ພຶດສະພາປີນີ້, ອາເມຣິກາໄດ້ຍົກເລີກວີຊາຂອງພົນລະເມືອງຈີນຫຼາຍກວ່າ 1000 ຄົນ, ເພື່ອບໍ່ໃຫ້ນັກສຶກສາແລະນັກຄົ້ນຄວ້າຈີນເຂົ້າດິນແດນອາເມຣິກາດ້ວຍຂໍ້ອ້າງທີ່ມີ “ຄວາມສ່ຽງຕໍ່ຄວາມປອດໄພ.”
ຕໍ່ເລື່ອງນີ້, ກະຊວງສຶກສາທິການຈີນໄດ້ຕອບໂຕ້ວ່າ: ຈີນເດັດດ່ຽວຄັດຄ້ານລັດຖະບານອາເມຣິກາທີ່ອອກມາດຕະການຜິດພາດທີ່ຈຳກັດຕໍ່ນັກສຶກສາຈີນ, ແລະຄັດຄ້ານການທີ່ອາເມຣິກາຖືເອົາການແລກປ່ຽນດ້ານການສຶກສາຕາມປົກກະຕິຫັນເປັນເລື້ອງການເມືອງແລະໃສ່ຮ້າຍປ້າຍສີຢ່າງຜິດພາດ. ແຕ່ກ່ອນ, ຜູ້ນຳອາເມຣິກາເຄີຍໄດ້ປະກາດຢ່າງເປີດເຜີຍວ່າຍິນດີຕ້ອນຮັບນັກສຶກສາຈີນໄປຮຽນຢູ່ອາເມຣິກາ, ມາດຕະການດັ່ງກ່າວທີ່ອາເມຣິກາປະຕິບັດນັ້ນແມ່ນຝຶນກັບຄຳປະກາດຂອງຕົນເອງ. ຈີນເຕືອນໃຫ້ອາເມຣິກາຈົ່ງມີພຶດຕິກຳທີ່ເປັນປົກກະຕິ, ເຄົາລົບນັບຖືຄວາມເຫັນຂອງປະຊາຊົນ, ແລະກະທຳແຕ່ສິ່ງທີ່ມີຜົນດີຕໍ່ການແລກປ່ຽນແລະການສ້າງຄວາມເຂົ້າໃຈກັນລະຫວ່າງປະຊາຊົນທັງສອງປະເທດ. ຈີນກໍຈະສືບຕໍ່ສະໜັບສະໜູນການແລກປ່ຽນລະຫວ່າງນັກສຶກສາທັງສອງປະເທດ, ທັງຍິນດີຕ້ອນຮັບນັກສຶກສາຂອງປະເທດຕ່າງໆໃນໂລກລວມທັງນັກສຶກສາອາເມຣິກາມາຮຽນຢູ່ປະເທດຈີນ.
ຄຳເຫັນ
0