尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ລະ​ບົບ​ການ​ຕິດ​ຕາມ​ຄຸ້ມ​ຄອງ​ການ​ບິນ​ຂອງ​ອາ​ເມ​ຣິ​ກາ​ຕ້ອງ​ດຳ​ເນີນການ​ປະ​ຕິ​ຮູບ​ຢ່າງ​ຮີບ​ດ່ວນ

2020-09-18 16:38:51 cri

ລະ​ບົບ​ການ​ຕິດ​ຕາມ​ຄຸ້ມ​ຄອງ​ການ​ບິນ​ຂອງ​ອາ​ເມ​ຣິ​ກາ​ຕ້ອງ​ດຳ​ເນີນການ​ປະ​ຕິ​ຮູບ​ຢ່າງ​ຮີບ​ດ່ວນ_fororder_微信图片_20200918163938


ໃນເດືອນ​ຕຸ​ລາ​ປີ 2018 ແລະ​ເດືອນ​ມີ​ນາ​ປີ 2019, ເຮືອ​ບິນໂດຍ​ສານ​​ໂບອີງ 737 MAX ສອງ​ລຳ​ຂອງ​ບໍ​ລິ​ສັດ​ການ​ບິນ Lion ​ໄລ​ອອນ​ອິນ​ໂດ​ເນ​ເຊຍ​ແລະບໍ​ລິ​ສັດ​ການ​ບິນ​ເອ​ທີ​ໂອ​ປີ​ໄດ້​ເກີດ​ອຸ​ບັດ​ເຫດ​ຕົກຕາມ​ລຳ​ດັບ, ສົ່ງ​ຜົນ​ເຮັດ​ໃຫ້ 346 ຄົນ​ເສຍ​ຊີ​ວິດ. ຜ່ານ​ການກວດ​ກາ​​ເຖິງ​ສາ​ເຫດເປັນ​ເວ​ລາ 18 ເດືອນ​ແລ້ວ, ໜ່ວຍ​ງານກວດ​ກາ​ໜ່ວຍ​ໜຶ່ງ​ຂອງ​ລັດ​ຖະ​ສະ​ພາ​ອາ​ເມ​ຣິ​ກາ​ໄດ້​ເປີດ​ເຜີຍ​ບົດ​ລາຍ​ງານ​ຜົນ​ການກວດ​ກາ​ກ່ຽວ​ກັບ​​ເຮືອ​ບິນ​ໂດຍ​ສານ​ໂບ​ອີງ​ລຸ້ນ 737 MAX.
ລະ​ບົບ​ການ​ຕິດ​ຕາມ​ຄຸ້ມ​ຄອງ​ການ​ບິນ​ຂອງ​ອາ​ເມ​ຣິ​ກາ​ຕ້ອງ​ດຳ​ເນີນການ​ປະ​ຕິ​ຮູບ​ຢ່າງ​ຮີບ​ດ່ວນ_fororder_微信图片_20200918163938


ບົດ​ລາຍ​ງານ​​ລະ​ບຸວ່າ: ບໍ​ລິ​ສັດ​ໂບ​ອີງ​ຂອງ​ອາ​ເມ​ຣິ​ກາ​ມີ​ເຈດ​ຕະ​ນາ​ປິດ​ອຳ​ຂໍ້​ມູນ​ທີ່​ກ່ຽວ​ຂ້ອງ​ຕໍ່​ບໍ​ລິ​ສັດ​ການ​ບິນ​ພົນ​ລະ​ເຮືອນ,ນັກ​ບິນ​ແລະ​ອົງ​ການ​ຕິດ​ຕາມ​ຄຸ້ມ​ຄອງ​​ທັງ​ທັ້ງ​ທີ່​ຮູ້​ດີ​ວ່າ​ເຮືອ​ບິນ​ມີຂໍ້​ບົກ​ຜ່ອງ. ອົງ​ການ​ການ​ບິນ​ສະ​ຫະ​ລັດ​ອາ​ເມ​ຣິ​ກາ​ບໍ່​ມີ​ຄວາມ​ຮັບ​ຜິດ​ຊອບ​ທີ່​ແທ້​ຈິງໃນ​ການ​ສຳ​ຫຼວດກວດ​ກາ​ແລະ​ຕິດ​ຕາມ​ຄຸ້ມ​ຄອງ​ເຮືອ​ບິນ​ໂດຍ​ສານ​ໂບອີງ​ລຸ້ນ 737 MAX.

ລະ​ບົບ​ການ​ຕິດ​ຕາມ​ຄຸ້ມ​ຄອງ​ການ​ບິນ​ຂອງ​ອາ​ເມ​ຣິ​ກາ​ຕ້ອງ​ດຳ​ເນີນການ​ປະ​ຕິ​ຮູບ​ຢ່າງ​ຮີບ​ດ່ວນ_fororder_微信图片_202009181639381

ບໍ​ລິ​ສັດ​ໂບ​ອີງ​ແລະ​ອົງ​ການ​ການ​ບິນ​ສະ​ຫະ​ລັດອາ​ເມ​ຣິ​ກາ​ມີ​ທ່າ​ທີ​ທີ່​ບໍ່​​ໃຫ້​ຄວາມ​ສົນ​ໃຈ​ຕໍ່​ຄວາມ​ປອດ​ໄພ​ດ້ານ​ຊີ​ວິດ​ຂອງ​ປະ​ຊາ​ຊົນ, ​ນີ້​ແມ່ນ​ສາ​ເຫດ​ຕົ້ນ​ຕໍ​ທີ່​ພາ​ໃຫ້​ຜູ້​ໂດຍ​ສານ​ເສຍ​ຊີ​ວິດ 346 ຄົນ. ຫຼັງ​ຈາກ​ເກີດ​ອຸ​ບັດ​ເຫດ​​ເຮືອ​ບິນ 2 ລຳດັ່ງ​ກ່າວ​ຕົກ​ແລ້ວ, ​​ເຮືອ​ບິນ​ໂດຍ​ສານ​ໂບ​ອີງ​ລຸ້ນ 737 MAX ​ຈຶ່ງ​ໄດ້​ສັ່ງ​ຢຸດ​ຕິ​ການ​ບໍ​ລິ​ການ​ໃນ​ຂອບ​ເຂດ​ທົ່ວ​ໂລກ, ຈົນ​ຮອດ​ປັດ​ຈຸ​ບັນ​ຍັງ​ບໍ່​ມີ​ຄວາມ​ຫວັງ​ຈະ​ກັບ​ມາ​ບິນ​ໄດ້​ອີກ, ​ກຽດ​ຊື່​ສຽງຂອງ​ບໍ​ລິ​ສັດ​ໂບ​ອີງ​ກໍ​ຖືກທຳ​ລາຍ​ຢ່າງ​ໜັກ​ໜ່ວງ, ​ຄວາມ​ໜ້າ​ເຊື່ອ​ຖືຂອງ​ອົງ​ການ​ການ​ບິນ​​ສະ​ຫະ​ລັດອາ​ເມ​ຣິ​ກາ​ກໍ່​ໄດ້​ຫຼຸດ​ລົງ​ຢ່າງ​ຫຼວງ​ຫຼາຍ. ບໍ່​ວ່າ​ໃນ​ໄລ​ຍະ​ໃດ, ເວ​ລາ​ໃດ, ການ​ກະ​ທຳ​ທີ່ບໍ່​ໃຫ້​ຄວາມ​ສຳ​ຄັນ​ຕໍ່ຄວາມ​ປອດ​ໄພ​ດ້ານ​ຊີ​ວິດ​ຂອງ​ປະ​ຊາ​ຊົນ​ຈະ​ໄດ້​ຮັບ​ຜົນ​ຮ້າຍ​​ຕາມ​ມາ​ໃນ​ທີ່​ສຸດ. ​ໃນຂະ​ນະ​ດຽວ​ກັນ, ລະ​ບົບ​ຕິດ​ຕາມ​ຄຸ້ມ​ຄອງ​ຂອງ​ອົງ​ການ​ການ​ບິນ​​ສະ​ຫະ​ລັດອາ​ເມ​ຣິ​ກາ​ຕ້ອງ​ໄດ້ປະ​ຕິ​ຮູບ​ຢ່າງ​ເຖິງ​ຖອງ​ແລະ​ຮີບ​ດ່ວນ, ມີ​ແຕ່​ສຸມ​ກຳ​ລັງ​ເຂົ້າ​ໃນ​ການ​ປ່ຽນ​ແປງ​ປັບ​ປຸງ​ຂໍ້​ບົກ​ຜ່ອງ​ທີ່​ໄດ້​ພົບ​ເຫັນ​ໃນ​ການກວດ​ກາ​ຂອງ​ຄະ​ນະ​ກຳ​ມະ​ການ​ຢ່າງ​ແທ້​ຈິງ,ຮອບ​ດ້ານ​ແລະ​ເດັດ​ຂາດ​ຈຶ່ງ​ຈະ​ສາ​ມາດ​ຍົກ​ສູງ​ຄວາມ​ປອດ​ໄພ​ດ້ານ​ການ​ບິນ​ໃຫ້​ສູງ​ຂຶ້ນ​ແລະ​ສ້າງ​ຄວາມ​ໄວ້ເນື້ອ​ເຊື່ອ​ໃຈ​​ໃຫ້​ທົ່ວ​ປວງ​ຊົນ​ຄືນ​ໃໝ່.

ຄຳ​ເຫັນ

0