ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນັບແຕ່ຈີນ-ລາວເລີ່ມປະຕິບັດໂຄງການທົດລອງເພື່ອແກ້ໄຂເພື່ອແກ້ໄຂຄວາມທຸກຍາກລາວ-ຈີນຢູ່ບ້ານຊໍ້ເມືອງສັງທອງນະຄອນຫຼວງວຽງຈັນແລະບ້ານຊຽງລ້ອມແຂວງຫຼວງພະບາງເມື່ອວັນທີ 30 ກັນຍາປີ 2017 ເປັນຕົ້ນມາ, ການກໍ່ສ້າງພື້ນຖານໂຄງລ່າງແລະໂຄງການປັບປຸງວຽກງານບໍລິການສາທະລະນະຂອງສອງບ້ານເປົ້າໝາຍໂຄງການດັ່ງກ່າວໄດ້ຮັບປະສິດທິຜົນຢ່າງຈະແຈ້ງ, ໂຄງການພັດທະນາເພື່ອຊີວິດການເປັນຢູ່ທີ່ດີໄດ້ສ້າງສຳເລັດໃນຂັ້ນພື້ນຖານ, ແລະໄດ້ເຄື່ອນໄຫວເພື່ອສ້າງຄວາມສາມາດຢ່າງຕໍ່ເນື່ອງ.
ທ່ານໂຫຼເຟີ້ງຄ່ວນ ຜູ້ຊ່ວຍວຽກຫົວໜ້າຝ່າຍຈີນຂອງຫ້ອງການຄຸ້ມຄອງໂຄງກນປະສົມກ່າວວ່າ: ໂຄງການທົດລອງແກ້ໄຂຄວາມທຸກຍາກລາວ-ຈີນໄດ້ສ້າງແນວຄິດຈັດຕັ້ງດ້ວຍຕົນເອງ, ຕິດຕາມແລະຄຸ້ມຄອງດ້ວຍຕົນເອງແລະພັດທະນາດ້ວຍຕົນເອງໃຫ້ແກ່ບ້ານທຸກຍາກຂອງລາວ, ຊ່ວຍເຫຼືອໂຄງການລະດັບບ້ານສ້າງໜ່ວຍງານຄຸ້ມຄອງ, ແລະສ້າງເປັນອົງການຮ່ວມມືຊາວບ້ານແລະເສດຖະກິດລ່ວມໝູ່ຂອງບ້ານໃນເບື້ອງຕົ້ນ, ເພື່ອຊ່ວຍເຫຼືອບ້ານທຸກຍາກບັນລຸການພັດທະນາແບບຍືນຍົງ.
ວັນທີ 15 ກັນຍານີ້, ທ່ານນາງເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳແລະການຄ້າທັງເປັນປະທານຄະນະກຳມະການຮ່ວມມືລາວ-ຈີນໄດ້ໄປສຳຫຼວດວຽກງານຢູ່ບ້ານຊໍ້. ທ່ານນາງເຂັມມະນາ ພົນເສນາໄດ້ກ່າວຕໍ່ນັກຂ່າວວ່າ: ດຽວນີ້ບ້ານຊໍ້ໄດ້ພັດທະນາໄດ້ດີ, “ຄວນສືບຕໍ່ຄົ້ນຄວ້າແລະເພີ່ມທະວີການກໍ່ສ້າງພື້ນຖານໂຄງລ່າງແລະລະບົບພັດທະນາຂອງບ້ານທຸກຍາກຢ່າງຮອບດ້ານ, ເຮັດໃຫ້ບ້ານທຸກຍາກສາມາດຫຼຸດພົ້ນອອກຈາກຄວາມທຸກຍາກແລະສ້າງຄວາມຮັ່ງມີຂຶ້ນ, ການພັດທະນາແບບຍືນຍົງ, ໂດຍສະເພາະໃນດ້ານການສ້າງຄວາມສາມາດ, ລາວຈີນສາມາດຄົ້ນຄວ້າປຶກສາຫາລືແລະຮ່ວມມືກັນໄດ້ຢ່າງເລິກເຊິ່ງກວ່າເກົ່າ.”
ໃຮເມື່ອບໍ່ດົນມານີ້, ທ່ານຟັ້ນຊີນິງ ຫົວໜ້າໜ່ວຍຊ່ຽວຊານຝ່າຍຈີນຂອງໂຄງການທົດລອງເພື່ອແກ້ໄຂຄວາມທຸກຍາກລາວ-ຈີນກ່າວວ່າ: “ໂດຍອີງຕາມບົດຮຽນການຫຼຸດຜ່ອນຄວາມທຸກຍາກຂອງຈີນ, ພວກເຮົາບໍ່ແມ່ນແຕ່ຫຼຸດຜ່ອນຄວາມທຸກຍາກໂດຍການໃຫ້ເງິນທຶນແລະເຄື່ອງອຸປະກອນຢ່າງງ່າຍດາຍເທົ່ານັ້ນ, ພວກເຮົາມີໂຄງການຫຼຸດຜ່ອນຄວາມທຸກຍາກແບບຍົກສູງຄວາມສາມາດຫຼຸດຜ່ອນຄວາມທຸກຍາກດ້ວຍຕົນເອງທີ່ມີປະສິດທິຜົນຫຼາຍກວ່າເກົ່າແລະຕໍ່ເນື່ອງໃຫ້ກັບບ້ານເປົ້າໝາຍ. ໄດ້ສ້າງພື້ນຖານໂຄງລ່າງແລະຄວາມສາມາດຮ່ວມກັນ, ໄດ້ສ້າງເສັ້ນທາງ, ສ້າງຂົວໂຕງ, ເຮືອນຢາງ, ໂຕງຮຽນແລະອື່ນໆທີ່ເຫັນປະຈັກຕາ, ທັງໄດ້ໃຫ້ການສະໜັບສະໜູນດ້ານການຝຶກອົບຮົມ, ການສຳຫຼວດ, ການຖອດຖອນບົດຮຽນແລະອື່ນໆອີກດ້ວຍ.”
ຄຳເຫັນ
0