尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ຮັບຟັງ​ຫາງ​ສຽງ​ໃນ​ໃຈ​ຂອງ​ປະ​ຊາ​ຊົນ, ກຳ​ອຳ​ນາດ​ເພື່ອ​ຜົນ​ປະ​ໂຫຍດ​ຂອງ​ປະ​ຊາ​ຊົນ

2020-09-29 16:56:43 cri

ຮັບຟັງ​ຫາງ​ສຽງ​ໃນ​ໃຈ​ຂອງ​ປະ​ຊາ​ຊົນ, ກຳ​ອຳ​ນາດ​ເພື່ອ​ຜົນ​ປະ​ໂຫຍດ​ຂອງ​ປະ​ຊາ​ຊົນ_fororder_微信图片_20200929165610

ວັນ​ທີ 28 ກັນ​ຍາ​ນີ້, ທ່ານ ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາ​ງ​ພັກ​ກອມ​ມູ​ນິດ​ຈີນ​ໄດ້​ເປັນ​ປະ​ທານກອງ​ປະ​ຊຸມ​ກົມ​ການ​ເມືອງ​ສູນ​ກາງ​​ພັກ​ກອມ​ມູ​ນິດຈີນ ເພື່ອ​ຄົ້ນ​ຄວ້າ​​ປຶກ​ສາ​ຫາ​ລື​ແລະ​ກຳ​ນົດ​ແຜນ​ພັດ​ທະ​ນາ​ເສດ​ຖະ​ກິດ​ສັງ​ຄົມ​​ແຫ່ງ​ຊາດ 5 ປີ​ຄັ້ງ​ທີ 14, ແລະ​ເປົ້າ​ໝາຍ​ວິ​ໄສ​ທັດ​ໄລ​ຍະ​ຍາວ​ຮອດປີ 2035.
 

ທ່ານ ສີ​ຈິ້ນ​ຜິງ ໄດ້​ໃຫ້​ຄວາ​ມ​ສຳ​ຄັນ​ຢ່າງ​ສູງ​ຕໍ່​ວຽກ​ງານ​ກຳ​ນົດ​ແຜນ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ແຫ່ງ​ຊາດ 5 ປີ​ຄັ້ງ​ທີ 14, ກ່ອນ​ໜ້າ​ນີ້, ທ່ານ ສີ​ຈິ້ນ​ຜິງ ເຄີຍ​ໄດ້​ໃຫ້ທິດ​ຊີ້​ນຳວ່າ: “ຕ້ອງ​ເສີມ​ຂະ​ຫຍາຍ​ບົດ​ບາດ​ຂອງ​ອິນ​ເຕີ​ເນັດ​ໃນ​ການ​ຮັບ​ຟັງ​ຫາງ​ສຽງ​ໃນ​ໃຈຂອງ​ປະ​ຊາ​ຊົນ​ແລະເຕົ້າ​ໂຮມ​ສະ​ຕິ​ປັນ​ຍາ​ຂອງ​ປະ​ຊາ​ຊົນ​ໃຫ້​ໄດ້ດີກວ່າ​ເກົ່າ, ​ຮິບ​ໂຮມ​ຄວາມ​ຄິດ​ຄວາ​ມ​ເຫັນ​ຢ່າງກວ້າງ​ຂວາງ​ແລະ​ຮ່ວມ​ແຮງ​ຮ່ວມ​ໃຈ​ກັນສຸມ​ທຸກ​ກຳ​ລັງ​​ໃຫ້​ໄດ້​ດີກວ່າ​ເກົ່າ,ແລະ​ໄດ້​ສະ​ເໜີ​ຄວາ​ມ​ຮຽກ​ຮ້ອງ​ຕ້ອງ​ການ​ທີ່​ຈະ​ແຈ້ງ​ຕໍ່​ວຽກ​ງານ​​ການ​ກຳ​ນົດແຜນ​ການ 5 ປີ​ຄັ້ງ​ທີ 14.”

ຮັບຟັງ​ຫາງ​ສຽງ​ໃນ​ໃຈ​ຂອງ​ປະ​ຊາ​ຊົນ, ກຳ​ອຳ​ນາດ​ເພື່ອ​ຜົນ​ປະ​ໂຫຍດ​ຂອງ​ປະ​ຊາ​ຊົນ_fororder_微信图片_20200929165615

ການ​​ກຳ​ນົດ​ແລະ​​ຈັດ​ຕັ້ງປະ​ຕິ​ບັດ​ແຜນ​​ພັດ​ທະ​ນາ​ເສດ​ຖະ​ກິດ-ສັງ​ຄົມ​ແຫ່ງ​ຊາດ 5 ປີ​ຄັ້ງ​ທີ 14 ​ເປັນ​ວິ​ທີ​ການ​ທີ່​ສຳ​ຄັນ​ຂອງ​ພັກກອມ​ມູ​ນິດ​ຈີນໃນ​ການ​ປົກ​ຄອງ​ປະ​ເທດ​ແລະ​ການ​ຄຸ້ມ​ຄອງ​ລັດ. ການ​​ກຳ​ນົດ​ແຜນ​ການ​ຕາມ​ຫຼັກ​ວິ​ທະ​ຍາ​ສາດ​ຢ່າງ​ສົມ​ເຫດ​ສົມ​ຜົນ​ມີ​ຜົນ​ດີ​ຕໍ່​ການ​ບັນ​ລຸ​ການ​ພັດ​ທະ​ນາ​ທີ່​ມີ​ຄຸນ​ນະ​ພາບ​ສູງແລະມີ​ລະ​ດັບສູງກວ່າ​ເກົ່າຂອງ​ຈີນ,ມີ​ຜົນ​ດີ​ຕໍ່​ການ​ຍົກ​ລະ​ດັບ​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ​ໃຫ້​ສູງ​ຂຶ້ນ.

​ຜູ້​ຊົມ​ໃຊ້​ອິນ​ເຕີ​ເນັດ​ຢູ່ຈີນ​ໄດ້​ມີ​ຈຳ​ນວນ​ຫຼາຍກວ່າ 900 ລ້ານ​ຄົນ, ​ໃນ​ປະ​ຫວັດ​ການ​​ກຳ​ນົດແຜນ​ການ 5 ປີ​ຄັ້ງ​ທີ 14 ຂອງ​ຈີນ, ​ເທື່ອ​ນີ້​ເປັນ​ເທື່ອ​ທຳ​ອິດ​ທີ່​ໄດ້ຮິບ​ໂຮມ​ຄວາມ​ຄິດ​ຄວາມ​ເຫັນ​ແລະ​ຂໍ້​ສະ​ເໜີ​ຈາກ​ທົ່ວ​ສັງ​ຄົມ​ຜ່ານ​ທາງ​ອິນ​ເຕີ​ເນັດ, ເຊິ່ງມີ​ຄວາມ​ໝາຍ​ທີ່​ມີ​ລັກ​ສະ​ນະ​ປະ​ດິດ​ສ້າງ​ໃໝ່. ​ໄດ້​ຮັບຄວາມ​ເຫັນ​ແລະ​ຂໍ້​ສະ​ເໜີ​ຈາກ​ຊາວ​ເນັດ​ທີ່​ມີ​ຕໍ່​ແຜນ​ການ 5 ປີ​ຄັ້ງ​ທີ 14 ມີ​ຫຼາຍກວ່າ 1.018.000 ​ຂໍ້ຄວາມ​ເຊິ່ງ​ລ້ວນ​ແລ້ວ​ແຕ່​ແມ່ນຄວາມ​ເຫັນ​ແລະ​ຂໍ້​ສະ​ເໜີ​ມີ​ລັກ​ສະ​ນະ​ສ້າງ​ສັນ​ຢ່າງ​ອຸ​ດົມ​ສົມ​ບູນ, ​ສະ​ແດງ​ໃຫ້​ເຫັນ​ເຖິງ​ຄວາມ​ມຸ່ງ​ມາດ​ປາ​ຖະ​ໜາ​ໃໝ່​ຂອງ​ປະ​ຊາ​ຊົນຈີນ​ທີ່​ມີ​ຕໍ່​ຊີ​ວິດ​ການ​ເປັນ​ຢູ່​ທີ່​ດີ​ງາມ​ຢ່າງ​ເຕັມ​ສ່ວນ,ຂະ​ນະ​ດຽວ​ກັນ​ກໍ​ເປັນ​ການ​ສະ​ແດງ​ໃຫ້​ເຫັນ​ເຖິງທັດ​ສະ​ນະຂອງ​ພັກ​ກອມ​ມູ​ນິດ​ຈີນ​ທີ່​ຖື​ປະ​ຊາ​ຊົນ​ເປັນ​ກົກ​ແລະ​ກຳ​ອຳ​ນາດ​ເພື່ອ​ປະ​ຊາ​ຊົນ​​ຢ່າງ​ແທ້​ຈິງ.

ຄຳ​ເຫັນ

0