ບ້ານ​ຊິງ​ກ້າງ​ປ້າ ເມືອງ​ຊື​ນານ​ແຂວງ​ກຸ້ຍ​ໂຈ່ວ​ ສ​ປ ​ຈີນ ຕັ້ງ​ຢູ່​ສ່ວນ​ເລິກ​ຂອງ​ເຂດ​ພູ​ອູ​ຫຼິງ,  ໃນ​ແຕ່​ກ່ອນ,​ບ້ານ​ນີ້​ມີ​ຄວາມຫຼ້າຫຼັງ​ທີ່​ສຸດເນື່ອງ​ຈ​າກ​ຄົມ​ມະ​ນາ​ຄົມ​ບໍ່​ສະ​ດວກ, ເງື່ອນ​ໄຂ​ທຳ​ມະ​ຊາດ​ບໍ່​ເອື້ອ​ອຳ​ນວຍ. ໃນ​ຊຸມ​ປີ​ຜ່ານ​ມາ, ບ້ານ​ຊິງ​ກ້າງ​ປ້າ​ໄດ້​ດຳ​ເນີນ​ການ​ປັບ​ປຸງ​ໂຄງ​ສ້າງ​ອຸດ​ສາ​ຫະ​ກຳ ໂດຍ​ໄດ້​ປູກ​ພືດ​ເສດ​ຖະ​ກິດ​ເຊັ່ນ ຫົວ​ຜັກ​ທຽມ, ໝາກ​ເຜັດ,ຕົ້ນ​ໄມ້​ກິນ​ໝາກ​ແລະ​ອື່ນໆ​ເປັນ​ເນື້ອ​ທີ່ກວ້າງ​ຂວາງ, ລ້ຽງ​ງົວ​ຢ່າງຫຼວງຫຼາຍ​, ທັງ​ໄດ້​ສ້າງວິ​ສາ​ຫະ​ກິດ​ເສດ​ຖະ​ກິດ​ລວມ​ໝູ່​ຂອງ​ບ້ານ 6 ແຫ່ງ​ເຊັ່ນ ສະ​ຫະ​ກອນ​ວິ​ຊາ​ການ​ປູກ​ຝັງ​ແລະ​ລ້ຽງ​ສັດ, ໂຮງ​ງານ​ປຸງ​ແຕ່ງ​ອາ​ຫານ, ລີ​ສອດ​ປ່າ​ໄມ້ ເປັນ​ຕົ້ນ. ຊາວ​ບ້ານສາ​ມາດ​ເຮັດ​ວຽກ​ໃນ​ວິ​ສາ​ຫະ​ກິດ​ລວມ​ໝູ່​ຂອງ​ບ້ານ​ໂດຍ​ບໍ່​ຈຳ​ເປັນ​ຕ້ອງ​ເດີນ​ທາງ​ໄກ​ໄປ​ຊອກວຽກ​ເຮັດ​ຢູ່​ຕ່າງ​ຖິ່ນ. ປັດ​ຈຸ​ບັນ, ຊາວ​ກະ​ສິ​ກອນ​ຂອງ​ບ້ານ​ຊິງ​ກ້າງ​ປ້າ​ມີ​ລາຍ​ໄດ້​ສະ​ເລ່ຍ​ຕໍ່​ຫົວ​ຄົນ​ຕໍ່​ປີເຖິງ 15.000 ຢວນ, ລາຍ​ໄດ້​ເສດ​ຖະ​ກິດ​ລວມ​ໝູ່​ບັນ​ລຸຫຼາຍກວ່າ 6 ລ້ານຢວນ​ຕໍ່​ປີ. ບ້ານ​ຊິງ​ກ້າງ​ປ້າ​ໄດ້ຫຼຸດ​ພົ້ນ​ອອກ​ຈາກ​ຄວາມ​ທຸກ​ຍາກ​ ຈົນ​ກາຍ​ເປັນ​ການ “ບ້ານ​ອີ່ມ​ໜຳ​ສຳ​ລານ” ທີ່ຮັ່ງ​ມີ​ສວຍ​ງາມ.