ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ຕຸລານີ້, ທ່ານສີຈິ້ນຜິງ ປະທານປະເທດຈີນ ແລະ ທ່ານນາງຮາລີມາ ຈາກອບ ປະທານາທິບໍດີສິງກະໂປໄດ້ສົ່ງສານຊົມເຊີຍເຊິ່ງກັນແລະກັນເພື່ອສະເຫຼີມສະຫຼອງຈີນ ແລະ ສິງກະໂປສ້າງການພົວພັນທາງການທູດຄົບຮອບ 30 ປີ.
ທ່ານສີຈິ້ນຜິງໄດ້ເນັ້ນໃນສານຊົມເຊີຍວ່າ, ໃນ 30 ປີຜ່ານມາ, ເມື່ອຜະເຊີນໜ້າກັບການປ່ຽນແປງຂອງສະຖານະການສາກົນ, ຈີນ ແລະ ສິງກະໂປໄດ້ເຂົ້າໃຈ ແລະ ສະໜັບສະໜູນເຊິ່ງກັນແລະກັນ, ຊຸກຍູ້ໃຫ້ການພົວພັນສອງຝ່າຍກ້າວໄປໜ້າພ້ອມກັບຍຸກສະໄໝ. ການຮ່ວມມືຂອງສອງປະເທດໄດ້ກວ້າງຂວາງກວ່າຂອບເຂດສອງຝ່າຍ, ໄດ້ເສີມຂະຫຍາຍບົດບາດແບບຢ່າງທີ່ດີໃນພາກພື້ນ ແລະ ສາກົນ.
ທ່ານສີຈິ້ນຜິງຊີ້ອອກວ່າ, ຈີນຍິນດີສຸມຄວາມພະຍາຍາມຮ່ວມກັບສິງກະໂປ, ສືບຕໍ່ຖືການສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງຮ່ວມກັນເປັນຫຼັກ, ລົງເລິກການຮ່ວມມືຕົວຈງໃນຂົງເຂດຕ່າງໆ, ຮ່ວມກັນຮັກສາລັດທິຫຼາຍຝ່າຍ ແລະ ການຄ້າເສລີ, ຊຸກຍູ້ການພົວພັນສອງປະເທດໃຫ້ມີການຂະຫຍາຍຕົວຫຼາຍກວ່າເກົ່າ, ປະກອບສ່ວນອັນຕັ້ງໜ້າເຂົ້າໃນການຮັກສາຄວາມໝັ້ນຄົງ ແລະ ຄວາມຈະເລີນຮຸ່ງເຮືອງຂອງພາກພື້ນ ກໍຄືຂອງໂລກ.
ທ່ານນາງຮາລີມາໄດ້ຢືນຢັນໃນສານຊົມເຊີຍວ່າ, ການພົວພັນສິງກະໂປ-ຈີນໄດ້ພັດທະນາຢ່າງວ່ອງໄວ, ການຮ່ວມມືຕົວຈິງໄດ້ຮັບຄວາມຄືບໜ້າຢ່າງຕໍ່ເນື່ອງ, ການແລກປ່ຽນວັດທະນະທຳນັບມື້ນັບໃກ້ຊິດກວ່າເກົ່າ. ເມື່ອຜະເຊີນໜ້າກັບການແຜ່ລະບາດຂອງພະຍາດໂຄວິດ-19, ສອງປະເທດໄດ້ຊ່ວຍເຫຼືອເຊິ່ງກັນແລະກັນ, ຮ່ວມກັນຊຸກຍູ້ການຟື້ນຟູເສດຖະກິດ ຮັກສາຄວາມສະດວກດ້ານການຄ້າ ແລະ ຄວາມໝັ້ນທ່ຽງຂອງຕ່ອງໂສ້ການສະໜອງ, ຍັງໄດ້ເປີດຂົງເຂດການຮ່ວມມືໃໝ່ຫຼາຍຂົງເຂດ. ຂ້າພະເຈົ້າເຊື່ອໝັ້ນວ່າການພົວພັນສອງປະເທດຈະໄດ້ມີການຂະຫຍາຍຕົວຫຼາຍກວ່າເກົ່າໃນ 30 ປີຂ້າງໜ້ານີ້.
ຄຳເຫັນ
0