何斌

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ຄຳຫຼອກ​ລວງ ແລະ ໂທດ​ກຳຂອງ​ທ່ານ​ທ​ຣຳ, ສື່​ອາ​ເມ​ຣິ​ກາ​ຍອມ​ບໍ່​ໄດ້​​ອີກແລ້ວ

2020-10-20 16:51:11 CRI

ວັນ​ທີ 16 ຕຸ​ລາ​ນີ້​ຕາມ​ເວ​ລາ​ທ້ອງ​ຖິ່ນ, ໜັ​ງ​ສື​ພິມ​ນິວຢອກ​ທາມ​ສ໌​ຂອງ​ອາ​ເມ​ຣິ​ກາ​ໄດ້​ລົງ​ພິມ​ບົດ​ຄວາມ​ຍາວ, ໂດຍ​ໃຊ້​ຄຳ​ສັບ​ທີ່​ວ່າ “ສໍ້​ລາດ​ບັງ​ຫຼວງ ໂມ​ໂຫ ວຸ້ນ​ວາຍ ໄຮ້​ຄວາມ​ສາ​ມາດ ຫຼອກ​ລວງ ລົ້ມ​ເຫຼວ​”, ​ເປັນ​ການ​ຕຳ​ນິ​ວິ​ຈານ “ໂທດ​ກຳ” ​ຕ່າງໆຂອງ​ທ່ານ​ໂດ​ໂນ ທ​ຣຳ​​ຕັ້ງ​ແຕ່​ທ່ານ​ຂຶ້ນ​ຮັບ​ຕຳ​ແໜ່ງ​​ເປັນປະ​ທາ​ນາ​ທິ​ບໍ​ດີ​ເປັນ​ຕົ້ນ​ມາ, ທັງ​ຕີ​ລາ​ຄາ​ວ່າ “​ທ່ານເປັນ​ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ທີ່​ຊົ່ວ​ຮ້​າຍ​ທີ່​ສຸດ”, ​ແລະ​ກ່າວ​ວ່າ​: ເມື່ອທ່ານ​ທ​ຣຳ​ລົງ​ແຂ່ງ​ຂັນ​ເລືອກ​ຕັ້ງ​ປະ​ທາ​ນາ​ທິ​ບໍ​ດີ​ອີກວາ​ລະ​ໜຶ່ງ​ເປັນ​ໄພ​ຂົ່ມ​ຂູ່​ທີ່​ຮ້າຍ​ແຮງ​ທີ່​ສຸດ​ຕໍ່​ປະ​ຊາ​ທິ​ປະ​ໄຕ​ຂອງ​ອາ​ເມ​ຣິ​ກາ​ນັບ​ແຕ່​ສົງ​ຄາມ​ໂລກ​ຄັ້ງ​ທີ 2 ເປັນ​ຕົ້ນ​ມາ.

 

​ໃນ​ຕົ້ນ​ເດືອນ​ຕຸ​ລາ​ນີ້, ຢູ່​ຕາມ​ຖະ​ໜົນ​ຂອງ​ນະ​ຄອນ​ນິວຢອກ​ເຄີຍຕັ້ງ “​ຝາ​ບັນ​ທຶກຄຳຫຼອກ​ລວງ”​ຂອງ​ທ່ານ​ທ​ຣຳ​ໂດຍ​ສະ​ເພາະ. ຢູ່​ເທິງຝາ​ນີ້​​ໄດ້​​ບັນ​ທຶກຄຳຫຼອກ​ລວງຫຼາຍກວ່າ 2 ໝື່ນ​ຄຳ​ຂອງ​ທ່ານ​ທ​ຣຳ​ນັບ​ແຕ່​​ທ່ານຂຶ້ນ​ຮັບ​ຕຳ​ແໜ່ງ​ໃນ​ປີ 2017ເປັນ​ຕົ້ນ​ມາ, ທັງ​ໄດ້​ວາງ​ສະ​ແດງ​​ມື້​ຢ່າງ​ເປີດ​ເຜີຍໝົດ​ມື້​ຢູ່​ຕາມ​ຖະ​ໜົນກ​ຣາ​ຕັນ​ໃນ​ນະ​ຄອນ​ນິວຢອກ.

 

ເມື່ອ​ລະ​ດູ​ໃບ​ໄມ້ຫຼົ່ນ ແລະ ລະ​ດູ​ໜາວ​ໄດ້​ໝູນ​ວຽນ​ມາ​ເຖິງ, ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ​ຢູ່​ອາ​ເມ​ຣິ​ກາໄດ້​ຮ້າຍ​ແຮງ​ຂຶ້ນ​ອີກ. ວັນ​ທີ 16 ຕຸ​ລາ​ນີ້, ຢູ່​ອາ​ເມ​ຣິ​ກາ​ໄດ້​ມີ​ຜູ້​ຖືກ​ບົ່ງ​ມະ​ຕິ​ເພີ່ມ​ໃໝ່ຫຼາຍກວ່າ 69.000ຄົນ, ​ຈຳ​ນວນ​ຜູ້​ຖືກ​ບົ່ງ​ມະ​ຕິ​ທີ່​ເພີ່ມ​ໃໝ່​ໃນ 41 ລັດ​ຂອງ​ທົ່ວ​ປະ​ເທດ​ອາ​ເມ​ຣິ​ກາ​ມີ​ທ່ວງ​ທ່າ​ເພີ່ມ​ຂຶ້ນ, ບໍ່​ມີ​ລັດ​ໃດໆ​ທີ່ມີ​ທ່ວງ​ທ່າ​ວ່າຫຼຸດ​ໜ້ອຍ​ລົງ​ເລື້ອຍໆ. ​ຕາມ​ສະ​ຖິ​ຕິ​ຂອງ​ຕອນ​ບ່າຍ​ວັນ​ທີ 15 ຕຸ​ລາ​ນີ້ຍອດ​ຈຳ​ນວນ​ຜູ້​ເປັນ​ພະ​ຍາດ​ໂຄວິດ-19​ຢູ່​ອາ​ເມ​ຣິ​ກາ​ມີຫຼາຍກວ່າ 8 ລ້ານ​ຄົນ​. ແຕ່​ວ່າ ທ່ານ​ທ​ຣຳ​​ພັດ​ສືບ​ຕໍ່​ເຮັດ​ເມີນ​ເສຍ​ຕໍ່​ສະ​ພາບ​ການ​ແຜ່​ລະ​ບາດ​ຂອງ​ພະ​ຍາດ​. ວັນ​ທີ 15 ຕຸ​ລາ​ນີ້, ທ່ານ​ທ​ຣຳ​ກ່າວ​ວ່າ, ທ່ານ​ຈະ​ບໍ່​ສະ​ໜັບ​ສະ​ໜູນ​ເຈົ້າ​ໜ້າ​ທີ່​ລັດ​ຕ່າງໆ​ໃຊ້​ມາດ​ຕະ​ການ​ຈຳ​ກັດ​ທີ່​ເຂັ້ມ​ງວດ​ທີ່​ສຸດ​ເພື່ອ​ສະ​ກັດ​ກັ້ນ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19. ​ທ່ານ​ເວົ້າ​ວ່າ: “ພວກ​ເຮົາ​ຈະ​ບໍ່​ໃຊ້​ມາດ​ຕະ​ການ​ຈຳ​ກັດ​ໃດໆ, ພວກ​ເຮົາ​ເຮັດ​ໄດ້​ດີ​​ຢູ່ແລ້ວ.”

 

ກ່ຽວ​ກັບ​ທ່ວງ​ທ່າ​ການແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຢູ່​ອາ​ເມ​ຣິ​ກາ, ດ​ຣ ​ເຄດ​ລິນ ຣີ​ເວີ​ສ ນັກ​ຄົ້ນ​ຄວ້າ​ລະ​ບາດ​ວິ​ທະ​ຍາ​ພະ​ຍາດ​ລະ​ບາດ​ຂອງມະ​ຫາ​ວິ​ທະ​ຍາ​ໄລ​ຈອນ ຮອບ​ກິນ​ສ.​ອາ​ເມ​ຣິ​ກາ​ກ່າວ​ວ່າ, ເຖິງວ່າ​ຕົວ​ເລກ​ຜູ້​ຖືກ​ບົ່ງ​ມະ​ຕິ​ບໍ່​ສາ​ມາດ​​ນຳ​ເອົາ​ມາ​ເພື່ອປະ​ເມີນ​ສະ​ພາບ​ການ​ແຜ່​ລະ​ບາດ​ຂອງ​ພະ​ຍາດ​ໃນ​ປະ​ເທດ​ໜຶ່ງ​ໄດ້​ຢ່າງ​ສົມ​ບູນ​ກໍ​ຕາມ, ແຕ່​ຄວາມ​ຈິງ​ທີ່​ພົ້ນ​ເດັ່ນ​ຄື, ພວກ​ເຮົາ​ພວມ​ກ້າວ​ໄປ​ສູ່​​ທິດທາງ​ ​ທີ່​ຜິດ​ພາດ. ທ່ານ​ທ​ຣຳ​ເອງ​ກໍ​ອາດ​ຈະ​ບໍ່​ສາ​ມາດ​ຄາດ​ຄະ​ເນ​ໄດ້​ວ່າ,  “ອາ​ເມ​ຣິ​ກາ​ຕ້ອງ​ມາ​ກ່ອນ” ທີ່​ລາວ​​ໂຄ​ສະ​ນາ​ຕະຫຼອດ​ມາ​ຈະ​​ກາຍເປັນ​ສະ​ພາບ​ການ​​ຄືແນວ​ນີ້​ໃນ​ເວ​ລາ​ທີ່​ລາວ​ໃກ້​ຈະ​ສິ້ນ​ສຸດ​ອາ​ຍຸ​​ໃນຕຳ​ແໜ່ງ​ຂອງ​ຕົນ.

ຄຳ​ເຫັນ

0