ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ພິທີລະນຶກໃນໂອກາດທີ່ກອງທັບອາສາສະໝັກປະຊາຊົນຈີນເຮັດພັນທະສູ້ຮົບຢູ່ຕ່າງປະເທດເພື່ອຊ່ວຍເຫຼືອສປປເກົາຫລີຕໍ່ຕ້ານອາເມຣິກາຄົບຮອບ 70 ປີໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 23 ຕຸລານີ້. ທ່ານສີຈິ້ນຜິງ ປະທານປະເທດຈີນກ່າວວ່າ, ຈີນ ຈະບໍ່ສະແຫວງຫາການເປັນເຈົ້າອຳນາດ ແລະບໍ່ແຜ່ຂະຫຍາຍອຳນາດຕະຫຼອດໄປ, ຈະເດັດດ່ຽວຄັດຄ້ານລັດທິເຈົ້າອຳນາດ ແລະ ການເມືອງໃນລັກສະນະມະຫາອຳນາດ. ຈີນປະຕິບັດຕາມນະໂຍບາຍປ້ອງກັນປະເທດແບບປ້ອງກັນຕົວຢ່າງສະເໝີຕົ້ນສະເໝີປາຍ. ພ້ອມກັນນັ້ນ ທ່ານໄດ້ຊີ້ອອກວ່າ, ເມື່ອຜະເຊີນໜ້າກັບສະພາບການທີ່ໜັກໜ່ວງ ເຊັ່ນ: ການລ່ວງລ້ຳອະທິປະໄຕ ຄວາມໝັ້ນຄົງ ແລະ ຜົນປະໂຫຍດຂອງການພັດທະນາແຫ່ງຊາດຈີນ, ການລ່ວງລ້ຳ ແລະ ການແບ່ງແຍກດິນແດນຂອງຊາດຈີນ, ປະຊາຊົນຈີນຈະເດັດດ່ຽວຕໍ່ຕ້ານຄືນຢ່າງເຂັ້ມແຂງ.
ທ່ານສີຈິ້ນຜິງກ່າວວ່າ, ຈີນໄດ້ຍຶດໝັ້ນເດີນຕາມເສັ້ນທາງພັດທະນາໂດຍສັນຕິ, ຍິນດີຮ່ວມກັບປະຊາຊົນບັນດາປະເທດຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.
ໃນຖານະເປັນປະເທດໃຫຍ່ທີ່ມີຄວາມຮັບຜິດຊອບ, ຈີນໄດ້ຍຶດໝັ້ນຄ່ານິຍົມຮ່ວມຂອງມວນມະນຸດ ຄື ສັນຕິພາບ ການພັດທະນາ ຄວາມຍຸດຕິທຳ ຄວາມເປັນທຳ ປະຊາທິປະໄຕ ແລະ ເສລີພາບ, ໄດ້ຍຶດໝັ້ນທັດສະນະບໍລິຫານໂລກທີ່ປຶກສາຫາລືຮ່ວມກັນ ສ້າງສາຮ່ວມກັນ ແລະ ຊົມໃຊ້ຮ່ວມກັນ, ເດີນຕາມເສັ້ນທາງທີ່ພັດທະນາໂດຍສັນຕິ ພັດທະນາແບບເປີດກວ້າງ ພັດທະນາແບບຮ່ວມມືກັນ ແລະ ພັດທະນາຮ່ວມກັນ.
ຄຳເຫັນ
0