ມື້​ຂຶ້ນ 9 ຄ່ຳ​ເດືອນ 9 ຕາມ​ຈັນ​ທະ​ຄະ​ຕິ​ຂອງ​ຈີນ​ໃນ​ແຕ່​ລະ​ປີ (ເຊິ່ງ​ປີນີ້​ກົງ​ກັບ​ວັນ​ທີ 25 ຕຸ​ລາ) ແມ່ນ​ບຸນ​ຊົງ​ຢາງ ບຸນ​ປະ​ເພ​ນີ​ຂອງ​ຈີນ. ໃນ​ສະ​ໄໝ​ບູ​ຮານ​ຂອງ​ຈີນ, ໃນ​ວັນ​ນີ້ ປະ​ຊາ​ຊົນ​ມີ​ປະ​ເພ​ນີ​ຂຶ້ນ​ບ່ອນ​ສູງ​ເພື່ອ​ອະ​ຖິ​ຖານ, ທ່ຽວ​ທຳ​ມະ​ຊາດ, ຊົມ​ດອກ​ເບັນ​ຈະ​ມາດທີ່​ບານ​ເຮືອງ, ​ການໄຫວ້​ບັນ​ພະ​ບູ​ລຸດ​ແລະ​ອື່ນໆ. ບຸນ​ປະ​ເພ​ນີ​ດັ່ງ​ກ່າວ​ເມື່ອ​ໄດ້​ຮັບ​ການ​ສືບ​ທອດ​ມາ​ຮອດ​ປະ​ຈຸ​ບັນ ກໍ່​ມີ​ເນື້ອ​ໃນ​ອັນ​ໃໝ່​ເພີ່ມ​ຕື່ມ ນັ້ນ​ກໍ່​ຄື ສະ​ແດງ​ຄວາມ​ເຄົາລົບ​ຕໍ່​ຜູ້​​ເຖົ້າ​ແກ່​ຊະ​ລາ. ສະ​ນັ້ນ ການ​ຂຶ້ນ​ບ່ອນ​ສູງ​ຊົມ​ດອກ​ເບັນ​ຈະ​ມາດ​ທີ່​ບານ​ເຮືອງ ແລະ​ສະ​ແດງ​ຄວາມ​ຮູ້​ບຸນ​ຄຸນ​ຕໍ່​ຜູ້​ເຖົ້າ​ຜູ້​ແກ່​ແມ່ນ​ຫົວ​ຂໍ້​ຫຼັກ​ທີ່​ສຳ​ຄັນ​ໃນ​ການ​ສະ​ຫຼອງວັນ​ບຸນ​ຊົງ​ຢາງ​ໃນ​ປີນີ້.

ວັນ​ທີ 23 ຕຸ​ລານີ້ ເຂດ​ຊຸມ​ຊົນ​ມິງຢວນ ຖະ​ໜົນ​ຕ້າ​ມິງ​ກົ່ງ​ນະ​ຄອນ​ຊີ​ອ່ານ​ໄດ້​ຈັດ​ກິດ​ຈະ​ກຳ​ສະ​ແດງ​ລາຍ​ການ​ສິ​ລະ​ປະ​ແລະ​ຈັດ​ງານ​ສະ​ຫຼອງວັນ​ເກີດ​ລວມ​ໝູ່​ໃຫ້​ແກ່​ຜູ້​ເຖົ້າ ເພື່ອ​ສະ​ຫຼອງ ​ບຸນ​ຊົງ​ຢາງ, ສ້າງ​ບັນ​ຍາ​ກາດທີ່ດີ​ທີ່ເຄົາ​ລົບ​ຮັກ​ຜູ້​ເຖົ້າ​ໃນ​ສັງ​ຄົມ.