ວັນ​ທີ  28 ຕຸລາ​ນີ້, ທ່ານ​ເຄສ ​ໂຣກ​ແວວ ​ໂຄສົກ​ອົງການ​ການ​ຄ້າ​ໂລກ​ໄດ້​ປະກາດ​ວ່າ: ທ່ານ​ເອັນ​ໂກ​ຈີ ​ໂອ​ຄັນ​ໂຈ ​ໄອ​ວີ​ລາ ​ໄດ້​ກາຍ​ເປັນ​ຜູ້​ສະ​ໝັກ​ຮັບ​ເລືອກ​ຕັ້ງ​ຄົນ​ສຸດ​ທ້າຍ​​ເພື່ອ​ເລືອກ​ຕັ້ງ​ເປັນ​ຜູ້ອຳນວຍການ​ໃຫຍ່​ອົງການ​ການ​ຄ້າ​ໂລກ​ທີ່​ຄະນະ​ຜູ້​ເລືອກ​ຕັ້ງ 3 ຄົນ​ກຽມ​ຈະ​ສະ​ເໜີ​ລາຍ​ຊື່​ຕໍ່​ສະພາ​ມົນຕີ​ອົງການ​ການ​ຄ້າ​ໂລກ. ອາ​ເມຣິກາ​​ເປັນ​ພຽງ​ປະ​ເທດ​ດຽວ​ທີ່​ບໍ່​ສະໜັບສະໜູ​ນຜົນ​ການສະ​ເໜີ​ຊື່​​ໃ​ນຄັ້ງ​ນີ້.

ຕາມ​ກົດ​ລະບຽບ​ຂອງ​ອົງການ​ການ​ຄ້າ​ໂລກ​ໃນ​ປະຈຸ​ບັນ​ນີ້, ການ​ແຕ່ງ​ຕັ້ງ​ຜູ້ອຳນວຍການ​ໃຫຍ່​ຄົນ​ໃໝ່​ຕ້ອງ​ຜ່ານ​ການ​ປຶກສາ​ຫາ​ລື​ລະຫວ່າງ​ປະ​ເທດ​ສະມາຊິກ, ຜູ້​ຖືກ​ສະ​ເໜີ​ຊື່​ຕ້ອງ​ໄດ້​ຮັບ​ການ​ເຫັນ​ດີ​ທັງ​ໝົດ​ຈາກ 164 ປະ​ເທດ​ສະມາຊິກ​ຈຶ່ງ​ຈະ​ຖືກ​ເລືອກ​ເປັນ​ຜູ້ອຳນວຍການ​ໃຫຍ່​ຄົນ​ໃໝ່​ໄດ້. ​ແຕ່​ໃນ​ກໍລະນີ​ພິ​ເສດ, ການ​ລົງ​ຄະ​ແນນ​ສຽງ​ກໍ​ເປັນ​ອີກ​ທາງ​ເລືອ​ກໜຶ່ງ.