ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ຄວາມມຸ່ງຫວັງຂອງປະຊາຊົນທີ່ມີຕໍ່ຊີວິດການເປັນຢູ່ທີ່ດີງາມກໍແມ່ນເປົ້າໝາຍສູ້ຊົນຂອງພວກເຮົາ. ແນວທາງນະໂຍບາຍແລະແຜນການພັດທະນາທີ່ດີກໍຄວນສອດຄ່ອງກັບຄວາມປາຖະໜາຂອງປະຊາຊົນ, ສອດຄ່ອງກັບຄວາມມຸ່ງຫວັງຂອງປະຊາຊົນ, ຕ້ອງມາຈາກປະຊາຊົນ ແລະຕ້ອງປະຕິບັດໃຫ້ເຂົ້າເຖິງປະຊາຊົນ.” ໃນສອງເດືອນມໍ່ໆມານີ້, ທ່ານປະທານສີຈິ້ນຜີງໄດ້ເປັນປະທານຈັດກອງປະຊຸມສຳມະນາກັບຊ່ຽວຊານໃນຂົງເຂດຕ່າງໆ 6 ເທື່ອ ເພື່ອໃຫ້ຜູ້ຊ່ຽວຊານທຸກທ່ານປະກອບຄຳຄິດເຫັນກ່ຽວກັບການພັດທະນາຂອງຈີນໃນໄລຍະຕໍ່ໄປ, ເຕົ້າໂຮມສະຕິປັນຍາຂອງປະຊາຊົນ, ຄວາມເຫັນຂອງຜູ້ຊ່ຽວຊານ ແລະບົດຮຽນຢູ່ຂັ້ນຮາກຖານເພື່ອກຳນົດແຜນພັດທະນາເສດຖະກິດສັງຄົມ 5 ປີຄັ້ງທີ 14 ໃຫ້ສອດຄ່ອງກັບຄວາມປາຖະໜາຂອງສັງຄົມ.
ໃນກອງປະຊຸມສຳມະນາຫຼາຍຄັ້ງດັ່ງກ່າວ, ຜູ້ຮ່ວມປະຊຸມມີຜູ້ຊ່ຽວຊານທີ່ມາຈາກຂົງເຂດຕ່າງໆ, ຜູ້ແທນສະພາປະຊາຊົນແຫ່ງຊາດ, ສະມາຊິກສະພາປຶກສາການເມືອງປະຊາຊົນແຫ່ງຊາດ, ແຮງງານຕົວແບບ, ພະນັກງານຫຼຸດຜ່ອນຄວາມທຸກຍາກ ທັງມີບຸກຄົນໃນສັງຄົມ, ແຮງງານຍົກຍ້າຍ, ຜູ້ສົ່ງສິນຄ້າດ່ວນ, ເຈົ້າຂອງຮ້ານທາງອິນເຕີເນັດແລະອື່ນໆ.
ເປັນຫຍັງຈຶ່ງເລືອກກຸ່ມຄົນເຫຼົ່ານີ້ມາເປັນຜູ້ຕາງໜ້າທີ່ເຂົ້າຮ່ວມກອງປະຊຸມ? ທ່ານສີຈິ້ນຜີງກ່າວວ່າ: ຄົນເຫຼົ່ານີ້ລ້ວນແຕ່ເປັນຜູ້ປະຕິບັດງານຕົວຈິງໃນການປະຕິຮູບການພັດທະນາແລະການຜະລິດ, ໄດ້ເຂົ້າຮ່ວມຊີວິດເສດຖະກິດສັງຄົມໂດຍກົງທີ່ສຸດ, ມີການຕິດຕໍ່ພົວພັນກັບປະຊາຊົນເລື້ອຍໆ, ມີຄວາມຮູ້ສຶກທີ່ໃກ້ຊິດຕິດແທດທີ່ສຸດຕໍ່ການຈັດຕັ້ງປະຕິບັດແນວທາງແລະນະໂຍບາຍຂອງພັກ, ຂໍ້ສະເໜີແລະຄວາມເຫັນຂອງເຂົາເຈົ້າຈະຕິດແທດກັບສະພາບຕົວຈິງແລະຄວາມປາຖະໜາຂອງປະຊາຊົນຢູ່ທ້ອງຖິ່ນຫຼາຍກວ່າ.
ດັ່ງນັ້ນ, ແຜນການ 5 ປີຄັ້ງທີ 14 ຂອງຈີນທີ່ມາຈາກການປະກອບຄຳເຫັນຂອງປະຊາຊົນທັງຫຼາຍ ຈະລ້ຳໜ້າກວ່າເກົ່າ, ໃກ້ຊິດຕິດແທດກັບຄວາມປາຖະໜາຂອງປະຊາຊົນກວ່າເກົ່າແລະເອົາໃຈໃສ່ປະສິດທິຜົນກວ່າເກົ່າ, ແລະຈະເປັນຫຼັກອ້າງອີງແລະເຂັມຊີ້ທິດທີ່ສຳຄັນສຳລັບການພັດທະນາເສດຖະກິດສັງຄົມຂອງຈີນໃນໄລຍະຍາວຂ້າງໜ້າ.
ຄຳເຫັນ
0