ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສອງປີກ່ອນ, ທ່ານສີຈິ້ນຜິງ ປະທານປະເທດຈີນໄດ້ກ່າວຄຳປາໄສໃນງານລ້ຽງຕ້ອນຮັບແຂກທີ່ມາເຂົ້າຮ່ວມງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດວ່າ: “ງານວາງສະແດງນີ້ບໍ່ທຳມະດາ.” ຕອນຄ່ຳວັນທີ 4 ພະຈິກປີນີ້, ງານວາງສະແດງສິນຄ້ານຳເຂົ້າສາກົນຈີນຄັ້ງທີ 3 ໄດ້ໄຂຂຶ້ນຢ່າງເປັນທາງການ ຈາກຄຳປາໄສຜ່ານທາງວິດີໂອຂອງທ່ານສີຈິ້ນຜິງໄດ້ໃຫ້ພວກເຮົາຮູ້ສຶກວ່າ: ງານວາງສະແດງຄັ້ງນີ້ບໍ່ທຳມະດາແທ້ໆ.
ງານວາງສະແດງສິນຄ້ານຳເຂົ້າສາກົນຈີນ, ແມ່ນງານວາງສະແດງລະດັບຊາດທຳອິດຂອງໂລກທີ່ຖືເອົາການນຳເຂົ້າເປັນຫົວຂໍ້ຫຼັກ. ທ່ານສີຈິ້ນຜີງ ຜູ້ວາງແຜນການໃຫ້ກັບງານວາງສະແດງດ້ວຍຕົນເອງເຄີຍກ່າວວ່າ: ງານວາງສະແດງນີ້ບໍ່ພຽງແຕ່ຈະຈັດຂຶ້ນໃນທຸກປີເທົ່ານັ້ນ, ຍັງຈະຕ້ອງຈັດໃຫ້ມີລະດັບສູງ, ມີປະສິດທິຜົນ ແລະນັບມື້ນັບດີຂຶ້ນ. ປີນີ້, ງານວາງສະແດງໄດ້ຈັດຂຶ້ນໃນສະພາບການພິເສດ ຄືສະພາບພະຍາດໂຄວິດ-19 ໄດ້ສ້າງຜົນກະທົບທີ່ໜັກໜ່ວງໃຫ້ແກ່ປະເທດຕ່າງໆ ແລະສ້າງຜົນເສຍຫາຍຢ່າງຫຼວງຫຼາຍໃຫ້ກັບເສດຖະກິດໂລກ ໂດຍມີຫົວຂໍ້ຫຼັກຄືປີຜ່ານມາ: “ຍຸກໃໝ່, ຮ່ວມກັນຊົມໃຊ້ອະນາຄົດ”, ອີງຕາມຄວາມຮຽກຮ້ອງຕ້ອງການຂອງການປ້ອງກັນແລະຄວບຄຸມພະຍາດ, ຈຳນວນຄົນທີ່ເຂົ້າມາເຂດວາງສະແດງບໍ່ໃຫ້ກາຍ 30% ຂອງຂະໜາດບັນຈຸພາຍໃນງານ, ເຖິງວ່າຈຳນວນຄົນຖືກຈຳກັດ, ແຕ່ຂະໜາດຂອງງານບໍ່ໄດ້ຫຼຸດລົງ, ເນື້ອທີ່ການວາງສະແດງໃນປີນີ້ໄດ້ຂະຫຍາຍກວ້າງອອກອີກ 30,000 ຕາແມັດ, ຍັງໄດ້ສ້າງ 4 ເຂດໃໝ່ ຄື: ເຂດສາທາລະນະສຸກໃນການປ້ອງກັນພະຍາດ, ການເດີນທາງແບບອັດສະລິຍະ, ການປະຢັດພະລັງງານແລະອະນຸລັກສິ່ງແວດລ້ອມ, ອຸປະກອນກິລາແລະການແຂ່ງຂັນກິລາ.
ປີກາຍນີ້, ທ່ານສີຈິ້ນຜິງໄດ້ກ່າວໃນພິທີເປີດງານວ່າ: ຕະຫຼາດຈີນກວ້າງໃຫຍ່ຫຼາຍ, ຍິນດີຕ້ອນຮັບທຸກທ່ານເຂົ້າມາທ່ຽວຊົມ. ໃນພິທີເປີດງານປີນີ້, ທ່ານສີຈິ້ນຜິງໄດ້ກ່າວວ່າ: ໃຫ້ຕະຫຼາດຈີນກາຍເປັນຕະຫຼາດຂອງໂລກ, ຕະຫຼາດທີ່ຊົມໃຊ້ຮ່ວມກັນ ແລະຕະຫຼາດຂອງຄົນທັງຫຼາຍ.
ການເປີດປະຕູສູ່ພາຍນອກ, ນີ້ແມ່ນສະພາບການພັດທະນາໃໝ່ຂອງຈີນ, ແມ່ນຄວາມຕ້ອງການຂອງຈີນ ກໍຄືຄວາມສຸກຂອງທົ່ວໂລກ.
ຄຳເຫັນ
0