ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 4 ພະຈິກຜ່ານມາ, ງານວາງສະແດງສິນຄ້ານຳເຂົ້າສາກົນຈີນຄັ້ງທີ 3 ໄດ້ຈັດຂຶ້ນຢ່າງເປັນທາງການ, ໃນພິທີເປີດງານແຕ່ລະຄັ້ງ ທ່ານສີຈິ້ນຜິງ ປະທານປະເທດຈີນກໍກ່າວຄຳປາໄສທີ່ສຳຄັນ.
“ການເປີດປະຕູສູ່ພາຍນອກ" ແລະ “ການຮ່ວມມື” ແມ່ນຄຳສັບທີ່ສຳຄັນໃນຄຳປາໄສຂອງທ່ານສີຈິ້ນຜິງທີ່ກ່າວໃນງານວາງສະແດງສິນຄ້ານຳເຂົ້າສາກົນຈີນທັງ 3 ຄັ້ງ.
“ເບິ່ງຕາມປະຫວັດສາດແລ້ວເຫັນວ່າ, ບໍ່ວ່າຈະເກີດມີຄວາມສ່ຽງ, ໄພພິບັດ ແລະອຸປະສັກແນວໃດກໍຕາມ, ສັງຄົມມະນຸດກໍຈະຕ້ອງຂະຫຍາຍຕົວກ້າວໄປໜ້າ ແລະຈະສາມາດສືບຕໍ່ກ້າວໄປໜ້າຢ່າງແນ່ນອນ.” “ທ່າອ່ຽງລວມແຫ່ງການເປີດປະຕູສູ່ພາຍນອກ ແລະການຮ່ວມມືຂອງບັນດາປະເທດບໍ່ມີການປ່ຽນແປງ.”
ເມື່ອທົບທວນຄືນປະຫວັດສາດ, ການເປີດປະຕູສູ່ພາຍນອກ ແລະການຮ່ວມມືກໍແມ່ນກຳລັງຊຸກດັນທີ່ສຳຄັນເພື່ອໃຫ້ເສດຖະກິດການຄ້າສາກົນມີຊີວິດຊີວາຫຼາຍຂຶ້ນ. ປັດຈຸບັນນີ້, ການເປີດປະຕູສູ່ພາຍນອກ ແລະການຮ່ວມມືແມ່ນຄວາມຮຽກຮ້ອງຕ້ອງການຕົວຈິງໃນການຊຸກຍູ້ການຟື້ນຟູຄວາມໝັ້ນຄົງດ້ານເສດຖະກິດໂລກ. ໃນອະນາຄົດ, ການເປີດປະຕູສູ່ພາຍນອກ ແລະການຮ່ວມມືຈະແມ່ນຄວາມຮຽກຮ້ອງຕ້ອງການຂອງຍຸກສະໄໝເພື່ອຊຸກຍູ້ໃຫ້ສັງຄົມມະນຸດກ້າວໄປໜ້າຢ່າງບໍ່ຢຸດຢັ້ງ ເຊິ່ງເປັນສາເຫດທີ່ທ່ານສີຈິ້ນຜິງກ່າວເນັ້ນໜັກການເປີດປະຕູູສູ່ພາຍນອກ ແລະການຮ່ວມມືໃນເວລາກ່າວຄຳປາໄສໃນງານວາງສະແດງສິນຄ້ານຳເຂົ້າສາກົນຈີນແຕ່ລະຄັ້ງ.
ບໍ່ວ່າສະພາບການຂອງໂລກຈະມີຄວາມສະຫຼັບສັບຊ້ອນແນວໃດກໍຕາມ, ຈີນກໍຈະເປີດກວ້າງການເປີດປະຕູສູ່ພາຍນອກ ແລະຊຸກຍູ້ການຮ່ວມມືຢ່າງສະເໝີຕົ້ນສະເໝີປາຍ. ການຈັດງານມະໂຫລານການຄ້າສາກົນຄັ້ງນີ້ຕາມເວລາກຳນົດບົນພື້ນຖານຮັບປະກັນຄວາມປອດໄພໃນການປ້ອງກັນພະຍາດໂຄວິດ-19 ກໍແມ່ນການຢັ້ງຢືນທີ່ດີທີ່ສຸດ. ນັບຕັ້ງແຕ່ງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດ, ມາດຕະການຕົວຈິງຕ່າງໆໃນການຊຸກຍູ້ການເປີດປະຕູສູ່ພາຍນອກ ແລະການຮ່ວມມືຢ່າງບໍ່ຢຸດຢັ້ງກໍແມ່ນການສະແດງຈຸດຢືນແຕ່ຫົວທີຂອງຈີນໃນການແບ່ງປັນໂອກາດດ້ານຕະຫຼາດກັບໂລກ ແລະຊຸກຍູ້ການພັດທະນາດ້ານເສດຖະກິດໂລກ.
“ຈີນຍິນດີຮ່ວມກັບບັນດາປະເທດ, ສ້າງກາລະໂອກາດໃນການເປີດປະຕູສູ່ພາຍນອກ, ແກ້ໄຂຄວາມຫຍຸ້ງຍາກໃນການຮ່ວມມື.” ນີ້ແມ່ນຄຳໝັ້ນສັນຍາຢ່າງຈິງໃຈທີ່ຈີນມີໃຫ້ກັບໂລກທັງແມ່ນການສະແດງຄວາມໝັ້ນໃຈຢ່າງເດັດດ່ຽວໜຽວແໜ້ນຂອງຈີນໃນການເປີດກວ້າງການເປີດປະຕູສູ່ພາຍນອກ ແລະສ້າງກຳລັງແຮງຢ່າງເຂັ້ມແຂງໃນການບັນລຸເປົ້າໝາຍຮ່ວມກັນເພື່ອສ້າງປະຊາຄົມຮ່ວມຊາຕາກຳຂອງມວນມະນຸດ.
ຄຳເຫັນ
0