黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ຍານ​ສຳ​ຫຼວດດວງ​ຈັນ “ສາງ​ເອີ 5” ສຳ​ເລັດ​ໜ້າ​ທີ່​ຢ່າງ​ຈົບ​ງາມ, ຈີນ​ໄດ້​ເຮັດສຳ​ເລັດ​ໜ້າ​ທີ່​ເກັບ​ຕົວ​ຢ່າງ​ຕ່າງ​ດາວກັບ​ຄືນ​ສູ່ໂລກເປັນ​ຄັ້ງ​ທຳ​ອິດ

2020-12-17 13:54:23 cri

ຍານ​ສຳ​ຫຼວດດວງ​ຈັນ “ສາງ​ເອີ 5” ສຳ​ເລັດ​ໜ້າ​ທີ່​ຢ່າງ​ຈົບ​ງາມ, ຈີນ​ໄດ້​ເຮັດສຳ​ເລັດ​ໜ້າ​ທີ່​ເກັບ​ຕົວ​ຢ່າງ​ຕ່າງ​ດາວກັບ​ຄືນ​ສູ່ໂລກເປັນ​ຄັ້ງ​ທຳ​ອິດ

​ວາ​ເວ​ລາ 1 ໂມງ 59 ນາ​ທີ​ຕາມ​ເວ​ລາ​ປັກ​ກິ່ງ​ຂອງວັນ​ທີ 17 ທັນ, ຍານ​ຂົນ​ສົ່ງ​ຕົວ​ຢ່າງ​ຂອງ​ໂຄງ​ການຍານ​ສຳ​ຫຼວດດວງ​ຈັນ “ສາງ​ເອີ 5” ໄດ້​ລົງ​ຈອດ​​ນຢູ່​ພື້ນດິນ​ທີ່​ກຳ​ນົດ​ໄວ້​ລ່ວງ​ໜ້າ​ທີ່​ເມືອງ​ຊື້​ຈື​ວາງ​​ເຂດ​ປົກ​ຄອງ​ຕົນ​ເອງ​ມົງ​ໂກ​ໃນ​ຢ່າງ​ສຳ​ເລັດ​ຜົນ, ນີ້​ເປັນ​ຂີດ​ໝາຍສະ​ແດງ​ໃຫ້​ເຫັນ​ວ່າ​ພາ​ລະ​ກິດ​ນຳ​ເອົາຕົວ​ຢ່າງ​ດິນ​ຂອງຕ່າງ​ດາວ​ກັບ​ຄືນ​ສູ່ໂລກ​ເປັນ​ຄັ້ງ​ທຳ​ອິດ​ຂອງ​ຈີນ​ໄດ້​ສຳ​ເລັດ​ຜົນ​ຢ່າງ​ຈົບ​ງາມ.

ໃນ​ພາ​ລະ​ກິດ​ຄັ້ງ​ນີ້, ຍານ​ສຳ​ຫຼວດ​ດວງ​ຈັນ “ສາງ​ເອີ 5” ໄດ້​ບັນ​ລຸ​ການ​ບຸກ​ທະ​ລຸ​​ຄັ້ງສຳ​ຄັນ​ຫຼາຍ​ຢ່າງ​ຢ່າງ​ຕໍ່​ເນື່ອງ​ເຊັ່ນ: ​ການເກັບ​ເອົາ​ຕົວ​ຢ່າງ​​ດິນຢູ່​ຜິວ​​ດວງ​ຈັນ, ການ​ບິນ​ຂຶ້ນ​ຈາກ​ພື້ນ​ຜິວດວງ​ຈັນ, ການ​ເຊື່ອມ​ຕໍ່​ຍານ​​​ຢູ່ວົງ​ໂຄ​ຈອນດວງ​ຈັນ, ການ​ນຳ​ເອົາ​ຕົວ​​ດິນຢ່າງ​ກັບ​ຄືນ​ສູ່​​ໂລກ​ແລະ​ອື່ນໆ, ​ເປັນ​ການ​ສະ​ຫຼຸດ​ຜົນ​ສຳ​ເລັດ​ຜົນ​ຢ່າງ​ຈົບ​ງາມ​ໃນ 3 ບາດ​ກ້າວ​ສຳ​ລັບ​ໂຄງ​ການ​ສຳ​ຫຼວດດວງ​ຈັນ​ຄື: “​ໂຄ​ຈອນ, ລົງ​ຈອດ​ແລະ​ກັບ​ຄືນ​ສູ່​ໂລກ”. ພ້ອມດຽວ​ກັນ​ນີ້, ​ພາ​ລະ​ກິດ​ຂອງ​ຍານ​ສຳ​ຫຼວດດວງ​ຈັນ “ສາງ​ເອີ 5” ໃນ​ຖາ​ນະ​ເປັນ​ໂຄງ​ການ​ທີ່​ສະ​ລັບ​ຊັບ​ຊ້ອນ​ທີ່​ສຸດ​ແລະ​ນຳ​ໃຊ້​ເຕັກ​ນິກກ້າວ​ໜ້າ​ທັນ​ສະ​ໄໝ​ທີ່​ສຸດ​ຂອງ​​ໂຄງ​ການການ​ບິນ​ອະ​ວະ​ກາດ​ຂອງ​ຈີນ, ໄດ້​ບັນ​ລຸ​ການ​ປະ​ດິດ​ສ້າງ​ໃໝ່​ໃນ​ຫຼາຍ​ດ້ານ​ຢ່າງ​ສຳ​ເລັດ​ຜົນ​ແລະ​ໄດ້​ບຸກ​ທະ​ລຸ​​ໃນ​ດ້ານເຕັກ​ນິກ​ທີ່​ເປັນ​ຂໍ​ກະ​ແຈ​ສຳ​ຄັນ​ຕ່າງໆ, ​ນີ້ມີ​ຄວາມ​ໝາຍ​ສຳ​ຄັນ​ທີ່​ມີ​ລັກ​ສະ​ນະ​ທີ່​ເປັນ​ຂີດ​ໝາຍ​ແລະ​ລັກ​ສະ​ນະສືບ​ທອດ​​ຜົນ​ສຳ​ເລັດ​ທີ່​ມີ​ຢູ່​ແລະ​ພັດ​ທະ​ນາອັນ​ໃໝ່​ໃນ​ການ​ຍົກ​ລະ​ດັບ​ເຕັກ​ນິກ​ການ​ບິນ​ອະ​ວະ​ກາດຂອງ​ຈີນ, ​ພັດ​ທະ​ນາ​ໂຄງ​ການ​ສຳ​ຫຼວດດວງ​ຈັນ​ໃຫ້​ສົມ​ບູນ, ດຳ​ເນີນ​ການ​ຄົ້ນ​ຄວ້າ​ວິ​ທະ​ຍາ​ສາດ​ກ່ຽວ​ກັບ​ດວງ​ຈັນ, ແລະ​ວາງ​ແຜນ​ສຳ​ຫຼວດດວງ​ຈັນ​ແລ​ດາວນອກ​ໂລກ​ຕາມ​ພາຍ​ຫຼັງ.

ຄຳ​ເຫັນ

0