ກອງ​ປະ​ຊຸມ​ວຽກ​ງານ​ເສດ​ຖະ​ກິດ​ສູນ​ກາງ​ຈີນ​ໄດ້​ຈັດ​ຂຶ້ນ​ຢູ່​ນະ​ຄອນ​ຫຼວງ​ປັກ​ກິ່ງ ສ​ປ ຈີນ​ແຕ່​ວັນ​ທີ 16 ຫາ​ວັນ​ທີ 18 ທັນ​ວາ​ນີ້, ໃນກອງ​ປ​ະ​ຊຸມ​ດັ່ງ​ກ່າວ​ໄດ້​ສະ​ເໜີ​ວ່າ​ຄວນ​ສືບ​ຕໍ່​ປະ​ຕິ​ບັດ​ນະ​ໂຍ​ບາຍ​ການ​ເງິນ​ຢ່າງ​ຕັ້ງ​ໜ້າ​ແລະ​ນະ​ໂຍ​ບາຍ​ເງິນ​ຕາ​ທີ່​ໝັ້ນ​ທ່ຽງ. ທ່ານ​ເອ​ຣິກ ເ​ບີກ​ລົ​ຟ ຫົວ​ໜ້າ​ນັກ​ເສດ​ຖະ​ສາດ​ຂອງ​ທະ​ນາ​ຄານ​ລົງ​ທຶນ​ພື້ນ​ຖານ​ໂຄງ​ລ່າງ​ອາ​ຊີ​ຫຼື AIIB ເຫັນ​ວ່າ: “ສຳ​ລັບ​ກຸ່ມ​ເສດ​ຖ​ະ​ກິດ​ທີ່​ໃຫຍ່​ຫຼວງ​ຄື​ປະ​ເທດ​ຈີນ, ມັນ​ມີ​ຊັບ​ພະ​ຍາ​ກອນ, ແຮງ​ງານ​ແລະ​ຄວາມ​ສາ​ມາດ​​ທາງການ​ເງິນ​ທີ່​ພຽງ​ພໍ​ໃນ​ການ​ພັດ​ທະ​ນາ​ເສດ​ຖະ​ກິດ​ພາຍ​ໃນ, ສະ​ນັ້ນ​ຈີນ​ຄວນ​ສືບ​ຕໍ່​ເປີດ​ປະ​ຕູ​ສູ່​ພາຍນອກ​ຢ່າງ​ຕໍ່​ເນື່ອງ.”