尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ເປັນ​ຫຍັງ​ອາ​ເມ​ຣິ​ກາ​ປະ​ລາ​ໄຊ​ໃນ​ການຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19

2021-01-05 17:32:08 cri

ເປັນ​ຫຍັງ​ອາ​ເມ​ຣິ​ກາ​ປະ​ລາ​ໄຊ​ໃນ​ການຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19_fororder_314e251f95cad1c85173a985ecb7b70ecb3d51dd

ພໍເຂົ້າ​ສູ່​ປີ​ໃໝ່,ຈຳ​ນວນ​ຜູ້​ຖື​ກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ຢູ່​ອາ​ເມ​ຣິ​ກາ​ໄດ້ເພີ່ມ​ຂຶ້ນ​ເປັນ​ຈຳ​ນວນ​ຫຼາຍກວ່າ 20 ລ້ານ​​ກໍ​ລະ​ນີ, ຈຳ​ນວນ​ຜູ້​ເສຍ​ຊີ​ວິດ​ຍ້ອນ​ເປັນ​ພະ​ຍາດ​ມີເກືອບ 3,5 ແສນ​ຄົນ. ແຕ່​ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ເຊິ່ງ​ເລີ່ມ​ມາ​ແຕ່​ວັນ​ທີ 9 ພະ​ຈິກ​ຜ່ານ​ມາ​ທີ່​ມີ​ຈຳ​ນວນ​ຫຼາຍກວ່າ 10 ລ້າ​ນ​ກໍ​ລະ​ນີ​ຫາຕົວ​ເລກ​ຫຼາຍກວ່າ 20 ລ້ານ​ກໍ​ລະ​ນີ​ໃນ​ປັດ​ຈຸ​ບັນໃຊ້​ເວ​ລາ​ພຽງ 53 ວັນ​ເທົ່າ​ນັ້ນ. ຄຽງ​ຄູ່​ກັບ​ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ແລະ​ຈຳ​ນວນ​ຜູ້​ເສຍ​ຊີ​ວິດ​ຍ້ອນ​ເປັນ​ພະ​ຍາດ​​ດັ່ງ​ກ່າວເພີ່ມ​ຂຶ້ນ​ຢ່າງ​ນັບ​ມື້​ນັບວ່ອງ​ໄວ, ​ຜູ້​ທີ່​ຮັບ​ພາ​ລະ​ໜັກ​ໜ່ວງບໍ່ພຽງແຕ່ແມ່ນລະບົບການແພດແລະພະນັກງານການແພດຂອງອາເມຣິກາເທົ່ານັ້ນ,ຍັງມີໂຮງເກັບສົບແລະຜູ້ເຜົາສົບຢູ່ແຫ່ງຕ່າງໆຂອງອາເມຣິກາອີກດ້ວຍ.

ເປັນ​ຫຍັງ​ອາ​ເມ​ຣິ​ກາ​ປະ​ລາ​ໄຊ​ໃນ​ການຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19_fororder_3801213fb80e7bec0550fd6fbca7693f99506bc3

ເປັນ​ເວ​ລາ​ດົນ​ນານ​ມາ​ແລ້ວ, ສັງຄົມແລະປະຊາຊົນອາເມຣິກາໄດ້​ເກີດ​ມີລັດທິເສ​ລີ​ທີ່​ຖື​ຄວາມ​ເປັນ​ສ່ວນ​ຕົວ​ສູງກໍຄືແນວຄວາມຄິດ​ຄວາມ​ເປັນສິດສ່ວນຕົວ. ນັບແຕ່ໄດ້ເກີດ​ມີການແຜ່ລະບາດຂອງພະຍາດໂຄວິດ-19 ເປັນຕົ້ນມາ, ພາຍໃຕ້ຄວາມ​ລະ​ເຫຼິງ​ແລະ​ຂາດ​ຄວາມ​ເອົາ​ໃຈ​ໃສ່​ຊ້ຳ​ບໍ່​ໜຳ​ຍັງ​ຖືກ​ປົກ​ປິດ​ດ້ວຍ​ຄຳ​ເວົ້າ​ຂີ້​ຕົວະຈາກຜູ້ນຳ​ທາງການເມືອງ, ປະຊາຊົນອາເມຣິກາມີ​ພຶ​ດ​ຕິ​ກຳ​ຕໍ່​ຕ້ານ​ລັດ​ທິ​ປັນ​ຍາ​ນິ​ຍົມ​ແລະ​ຕ້ານ​ວິ​ທະ​ຍາ​ສາດ​ຮ້າຍ​ແຮງ​ຂຶ້ນກວ່າເກົ່າ. ການຮັກສາ​ໄລ​ຍະ​ຫ່າງ​ທາງ​ສັງ​ຄົມແລະການໃສ່ຜ້າປິດປາກທີ່ເປັນມາດຕະການປ້ອງກັນເຊື້ອພະຍາດແລະ​ເປັນ​ມາດ​ຕະ​ການດ້ານວິທະຍາສາດທີ່ງ່າຍໆດັ້ງເດີມແບບນີ້ໄດ້ກາຍເປັນບັນຫາ​ລະ​ເມີດ​ສິດ​ທິແລະຄວາມ​ເປັນສ່ວນຕົວ,ຈົນໃນ​ທີ່ສຸດໄດ້ກາຍເປັນບັນຫາທາງການເມືອງທີ່​ພົ້ນ​ເດັ່ນແລະສຳຄັນ​ຢ່າງໜຶ່ງ.
 

ການແຜ່ລະບາດຂອງພະຍາດໂຄວິດ-19 ໃນສັດຕະວັດນີ້ພໍດີຖືກກັບ​ໄລ​ຍະເລືອກຕັ້ງປະທານາທິບໍດີອາ​ເມ​ຣິ​ກາ ເຊິ່ງໄດ້ເພີ່ມຄວາມຫຍຸ້ງຍາກ​ໃຫ້​ກັບ​ການ​ປ້ອງ​ກັນ​ແລະ​ຄວບ​ຄຸມພະຍາດໂຄວິດ-19 ຕື່ມອີກ. ພາຍໃຕ້ລະບອບປະຊາທິປະໄຕ​ແບບຕາເວັນຕົກ, ການເລືອກຕັ້ງທົ່ວໄປທີ່ຈັດຂຶ້ນ 4 ປີຄັ້ງໜຶ່ງແມ່ນຂະບວນການທາງການເມືອງທີ່ສຳຄັນ​ແລະ​ຢູ່​ເໜືອ​ທຸກຢ່າງ. ຄຽງຄູ່ກັບສື່ສັງຄົມອອນລາຍນັບມື້ນັບມີຄວາມວ່ອງ​ໄວ​ທັນ​ສະ​ໄໝກໍຄື​ປະ​ຊາ​ນິ​ຍົມ​ດ້ານການເມືອງ​ຮອບ​ໃໝ່​ໄດ້​ແຜ່​ຂະ​ຫຍາຍ​ໃຫ້​ກວ້າງ​ອອກ​ໃນ​ໂລກຕາເວັນຕົກ, ພວກນັກການເມືອງ​ທີ່​ມັກສະແຫວງຫາແຕ່ຜົນປະໂຫຍດຊົ່ວຄາວຫຼາຍກວ່າເກົ່າ​ຈຶ່ງ​ແຮ່ງ​ຂາດ​ນ້ຳ​ໃຈຮັບຜິດຊອບຕໍ່ປະເທດແລະປະຊາຊົນ. ການເລືອກຕັ້ງທົ່ວໄປຂອງອາເມຣິກາໃນຄັ້ງນີ້, ບັດເລືອກຕັ້ງທົ່ວໄປຂອງ ທ່ານ ໂຈ ໄບ​ເດັນ ແລະ ທ່ານ ໂດໂນ ທຣຳ ລ້ວນແຕ່ໄດ້ຫຼາຍກວ່າ 70 ລ້ານບັດ, ເຊິ່ງໄດ້ສ້າງສະຖິິຕິສູງອັນດັບ 1 ແລະອັນດັບ 2 ໃນປະຫວັດສາດຂອງອາເມຣິກາ. ເຊິ່ງໄດ້ສະແດງໃຫ້ເຫັນເຖິງ​ການເປັນປໍລະປັກກັນທາງການເມືອງແລະການແບ່ງແຍກເຊື້ອຊາດຂອງອາເມຣິກາ​ທີ່ໄດ້ພັດທະນາເຖິງສະພາບທີ່ຮຸນແຮງທີ່ສຸດ. ເພື່ອ​ໃຫ້ໄດ້ຮັບໄຊຊະນະໃນການເລືອກຕັ້ງ, ທ່ານ ໂດໂນ ທຣຳ ບໍ່​ໄດ້ເອົາຫົວຊານຳສະພາບການແຜ່ລະບາດຂອງພະຍາດໂຄວິດ-19 ທີ່ໜັກໜ່ວງ ​ຫາກ​ແຕ່​ໄດ້​ຈັດການໂຮມຊຸມນຸມ​ຫາ​ສຽງຂະໜາດໃຫຍ່ຫຼາຍຄັ້ງ. ​ນອກ​ນີ້ເພື່ອເຮັດໃຫ້ຕົວເລກທາງເສດຖະກິດດີ​ຂຶ້ນ, ທ່ານ ໂດໂນ ທຣຳ ໄດ້ຟື້ນຟູເສດຖະກິດຄືນໃໝ່ແລະເປີດໂຮງຮຽນຄືນໃໝ່ໂດຍບໍ່ເອົາຫົວຊານຳສະພາບການແຜ່ລະບາດຂອງພະຍາດໂຄວິດ-19.

ເປັນ​ຫຍັງ​ອາ​ເມ​ຣິ​ກາ​ປະ​ລາ​ໄຊ​ໃນ​ການຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19_fororder_0b8af1d54882419e804efe2b64de719b

ຄວາມປະລາໄຊໃນການຕ້ານ​ກັບພະຍາດໂຄວິດ-19 ​ຢູ່ອາເມຣິກາບໍ່ພຽງແຕ່ແມ່ນຄວາມປະລາໄຊ​ຂອງ​ລັດ​ທິ​ເສ​ລີ​ທຶ​ນ​ນິ​ຍົມເທົ່ານັ້ນ, ​ແຕ່​ຍິ່ງ​ເປັນໂສກ​ນາດ​ຕະ​ກຳ​ຄັ້ງ​ປະ​ຫວັດ​ສາດ​ໃນການພັດທະນາວັດທະນະທຳຂອງມວນມະນຸດ​ຫຼາຍກວ່າ. ​ກ່ອນ​ເກີດ​ມີ​ສະ​ພາບການແຜ່ລະບາດຂອງພະຍາດໂຄວິດ-19 ​ອາ​ເມ​ຣິ​ກາແມ່ນປະເທດທີ່ມີຈຸດພົ້ນເດັ່ນຫຼາຍ​ທີ່​ສຸດທີ່ເຮັດໃຫ້ຊາວໂລກ​ນຳເອົາມາເປັນແບບຢ່າງ, ​ຫຼັງ​ເກີດ​ມີການແຜ່ລະບາດຂອງພະຍາດໂຄວິດ-19 ​ແລ້ວພັດໄດ້ສ້າງພາບພົດທີ່ໝົດ​ຫວັງ,ໝົດ​ວິ​ທີ​ແລະ​ບໍ່​ຮູ້​ຈະ​ເຮັດ​ຫຍັງ​ຈົນ​ຖືກ​ຊາວ​ໂລກ​ດູ​ຖູກ.

ເປັນ​ຫຍັງ​ອາ​ເມ​ຣິ​ກາ​ປະ​ລາ​ໄຊ​ໃນ​ການຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19_fororder_08f790529822720ed6ded594e842da41f31fabd9

ເນື່ອງໃນໂອກາດຕ້ອນຮັບປີໃໝ່ນີ້, ຊາວຈີນໄດ້ຮັບກຳລັງໃຈ​ຢ່າງ​ຫຼວງ​ຫຼາຍຍ້ອນຄຳອວຍພອນປີໃໝ່ຂອງທ່ານປະທານ ສີຈິ້ນຜິງ , ​ຊາວ​ຈີນໄດ້ມີຄວາມ​ເບີກ​ບານມ່ວນຊື່ນຍ້ອນໄດ້ຍິນຂ່າວ​ການສັກວັກຊີນ​ຕ້ານພະຍາດໂຄວິດ-19 ໂດຍບໍ່ຕ້ອງເສຍຄ່າ​ໃດໆ. ເຖິງວ່າໄດ້ມີຜູ້ຖືກບົ່ງມະຕິເປັນພະຍາດໂຄວິດ-19 ​ຈຳ​ນວນ​ໜ້ອຍ​ໜຶ່ງກໍຕາມ, ແຕ່ຢູ່ທົ່ວປະເທດ​ຈີນຍັງມີຊີວິດຊີວາແລະມີ​ຄວາມ​ຈູບ​ຈ້າວ​ຫ້າວ​ຫັນ. ຮູບ​ພາບອູຮັ້ນແລະນິວຢອກຕ້ອນຮັບປີໃໝ່ ໄດ້ຮັບຄວາມ​ສົນ​ໃຈ​ຫຼາຍຈາກຄົນທັງຫຼາຍ. ຢູ່ນະຄອນອູຮັ້ນປະຊາຊົນຕ້ອນຮັບປີໃໝ່ນຳກັນຢ່າງເບີກບານມ່ວນຊື່ນ,ແຕ່ຢູ່ສະໜາມຫຼວງ​ທ້າມ​ສ໌​ໃນ​ນະ​ຄອນນິວຢອກ​ພັດ​ເກືອບ​ບໍ່​ມີ​ຄົນ​ເລີຍ. ໃນຂະນະນີ້,ທ່ານ ໂດໂນ ທຣຳ ປະທານາທິບໍດີອາເມຣິກາຍັງພວມພະຍາຍາມຈົນສຸດ​ຂີດ​ຄື​ເກົ່າ​ເພື່ອ​ລົ້ມ​ລ້າງຜົນການເລືອກຕັ້ງທົ່ວໄປ.

ເປັນ​ຫຍັງ​ອາ​ເມ​ຣິ​ກາ​ປະ​ລາ​ໄຊ​ໃນ​ການຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19_fororder_0dd7912397dda14498cc8dd8213e00a50df48620

ຈັ່ງ​ໃດ​ກໍ​ຕາມ,ກໍຂໍສະແດງຄວາມ​​ປາ​ຖະ​ໜາ​ດີດ້ວຍຄວາມຈິງໃຈ​ເຖິງ​ນະ​ຄອນນິວຢອກຕົວເມືອງທີ່ເຄີຍເປັນຕົວແທນຂອງອາເມຣິກາແລະ​ເປັນ​ຕົວ​ແທນ​ຂອງຄວາມຈະເລີນຮຸ່ງເຮືອງແລະກຳລັງປະດິດສ້າງໃໝ່ຂອງສັງຄົມມະນຸດນັ້ນສາມາດຟື້ນຟູຄວາມ​ມີຊີວິດຊີວາ​ໄດ້ໂດຍໄວ,​ແລະ​ກໍ​ມີ​ຄວາມ​ປາ​ຖະ​ໜາ​ດີດ້ວຍຄວາມຈິງໃຈວ່າຊີວິດການເປັນຢູ່ຂອງປະຊາຊົນອາເມຣິກາທີ່​ກຳ​ລັງປະສົບ​ກັບຄວາມຫຍຸ້ງຍາກທີ່ໜັກໜ່ວງ​ຈະສາມາດຟື້ນຟູ​ສູ່ສະພາບປົກກະຕິຄືນໃໝ່ໂດຍໄວ. ທີ່ຈິງແລ້ວ, ໂດຍປະເຊີນໜ້າກັບການປ່ຽນແປງ​ໃໝ່​ຢ່າງໃຫຍ່ຂອງສັງຄົມມະນຸດແລະການປ່ຽນແປງ​ຢ່າງໃຫຍ່ຂອງສະ​ພາບ​ການສາກົນ, ພວກເຮົາກໍຫວັງ​ຢ່າງຈິງໃຈວ່າອາເມຣິກາທີ່ເປັນປະເທດມະຫາອຳນາດປະເທດໜຶ່ງ​ຈະສາມາດສະແດງໃຫ້ເຫັນເຖິງ​ທ່າ​ທີ​ແລະພາບພົດທີ່ສຸກງອມ,ໝັ້ນໃຈຕົນເອງແລະມີຄວາມຮັບຜິດຊອບຕໍ່ຊາວໂລກໂດຍໄວ.

ຄຳ​ເຫັນ

0