ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເວົ້າສຳລັບ ຄຳວ່າ “ຫຼຸດພາລະ”ມັນບໍ່ແມ່ນສັບໃໝ່ຢູ່ຈີນ, ແຕ່ຄຳວ່າ “ການຫຼຸດພາລະໃຫ້ຂັ້ນຮາກຖານ”ພັດແມ່ນຄຳສັບໃໝ່ທີ່ເຫີ່ກັນໃນໄລຍະສອງປີຜ່ານມານີ້.
ໃນ ທ້າຍປີ 2018, ທ່ານສີຈິ້ນຜິງໄດ້ໃຫ້ທິດຊີ້ນຳອັນສຳຄັນໂດຍເນັ້ນວ່າ ປີ 2019 ຕ້ອງແກ້ໄຂບັນຫາລັດທິຮູບການທີ່ສ້າງຄວາມເດືອດຮ້ອນໃຫ້ຂັ້ນຮາກຖານໃຫ້ໄດ້ຈຳນວນໜຶ່ງເພື່ອຫຼຸດພາລະໃຫ້ຂັ້ນຮາກຖານຢ່າງແທ້ຈິງ. ຫຼັງຈາກນັ້ນ, ຄະນະກຳມະການສູນກາງພັກກອມມູນິດຈີນໄດ້ກຳນົດເອົາປີ 2019 ເປັນ “ປີຫຼຸດພາລະໃຫ້ຂັ້ນຮາກຖານ”ປີທຳອິດຂອງຈີນ. ປີ 2020, ສູນກາງພັກກອມມູນິດຈີນທີ່ມີສະຫາຍສີຈິ້ນຜິງເປັນແກນນຳໄດ້ລົງເລິກເປີດກວ້າງວຽກງານຫຼຸດພາລະໃຫ້ຂັ້ນຮາກຖານຢ່າງຕໍ່ເນື່ອງ.
ແນ່ນອນແລ້ວ, ການຫຼຸດພາລະບໍ່ໄດ້ໝາຍເຖິງການຫຼຸດປະລິມານໜ້າວຽກ, ຫາກແມ່ນຫຼຸດພາລະທີ່ລັດທິຮູບການແລະລັດທິອາຍາສິດໄດ້ສ້າງໄວ້ໃຫ້ພະນັກງານຂັ້ນຮາກຖານ ທັງນີ້ກໍເພື່ອເຮັດໃຫ້ເຂົາເຈົ້າສາມາດທຸ້ມເທເຫື່ອແຮງແລະສະຕິປັນຍາເຂົ້າໃນວຽກງານຕົວຈິງໃຫ້ຫຼາຍກວ່າເກົ່າ. ເຊິ່ງມາດຕະການທີ່ກ່ຽວຂ້ອງມີດັ່ງນີ້:
ໜຶ່ງແມ່ນປ່ຽນແປງແບບແຜນວິທີເຮັດວຽກແບບອາຍາສິດທີ່ອອກຄຳສັ່ງຕາມລຳພັງໃຈ. ບາງອົງການຂັ້ນເທິງມັກຈະອອກຄຳສັ່ງໃຫ້ຂັ້ນຮາກຖານເລື້ອຍໆ, ບາງພາກສ່ວນເມື່ອຄິດພໍ້ແນວຄວາມຄິດໃດກໍອອກແຈ້ງການ,ຈັດກອງປະຊຸມແລະກຽມເອກະສານລາຍງານເລີຍ, “ຂັ້ນເທິງພຽງເວົ້າຄຳໃດໜຶ່ງ, ຂັ້ນລຸ່ມກໍຟ້າວແລ່ນວຽກນັ້ນເມື່ອຍເກືອບຂາປັ່ນ” ວິທີການປະຕິບັດງານເຫຼົ່ານີ້ເບິ່ງແລ້ວຄືວ່າເພື່ອຊຸກຍູ້ການຈັດຕັ້ງປະຕິບັດວຽກງານ, ແຕ່ໃນຄວາມເປັນຈິງແລ້ວແມ່ນເປັນບັນຫາລັດທິອາຍາສິດ.
ສອງແມ່ນຫຼຸດຜ່ອນບັນຫາລັດທິຮູບການໃນການຈັດກອງປະຊຸມ,ໃຫ້ຂັ້ນລຸ່ມມອບເອກະສານລາຍງານຢ່າງລຽນຕິດເປັນຈຳນວນຫຼວງຫຼາຍປານປານກັບພູເອກະສານແລະທະເລກອງປະຊຸມເປັນຕົ້ນ. ລັດທິຮູບການໄດ້ພາໃຫ້ເກີດບັນຫາຫຍໍ້ທໍ້ຕ່າງໆຢູ່ຂັ້ນຮາກຖານເຊັ່ນ: ບໍ່ມີເວລາເຮັດວຽກຕົວຈິງ, ຈິ່ງລາຍງານຂໍ້ມູນເອກະສານປອມຫຼື ສ້າງພາບລວງຕາຂັ້ນເທິງ ເປັນຕົ້ນ.
ສາມ,ຄັນຢາກຫຼຸດພາລະໃຫ້ຂັ້ນຮາກຖານກໍຕ້ອງກ້າປ່ຽນແປງວິທີກວດກາກວດສອບວຽກງານໂດຍອາໃສການກວດບັນຊີວຽກງານ,ຂໍ້ມູນ ແລະອື່ນໆຄືທີ່ໄດ້ປະຕິບັດຜ່ານມາ. ໃຫ້ພະນັກງານອົງການຂັ້ນເທິງລົງໄປສຳຫຼວດກວດເບິ່ງໃນພື້ນທີ່ຕົວຈິງ, ເຂົ້າຫາປະຊາຊົນຢ່າງໃກ້ຊິດຕິດແທດ,ນຳໃຊ້ຄວາມເພິ່ງພໍໃຈຂອງປະຊາຊົນເປັນມາດຕະຖານໃນການກວດສອບວຽກງານຂອງໜ່ວຍງານໃດໜຶ່ງ.
ເດືອນກັນຍາປີ 2020, ຫ້ອງວ່າການສູນກາງພັກກອມມູນິດຈີນໄດ້ຈັດຕັ້ງປະຕິບັດການສຳຫຼວດແລະຄົ້ນຄວ້າກ່ຽວກັບສະພາບການປະຕິບັດວຽກງານຕິດຕາມການແກ້ໄຂບັນຫາລັດທິຮູບການເພື່ອຫຼຸດພາລະໃຫ້ຂັ້ນຮາກຖານ ເຊິ່ງຜົນການສຳຫຼວດແບບສອບຖາມສະແດງໃຫ້ເຫັນວ່າ: ພະນັກງານ 85% ຂຶ້ນໄປເຫັນວ່າ ພາລະທີ່ເກີດຈາກລັດທິອາຍາສິດໄດ້ຫຼຸດໜ້ອຍລົງຢ່າງຕໍ່ເນື່ອງ. ສິ່ງທີ່ອຸດຕັນການປະຕິບັດພາລະກິດຂອງພະນັກງານຂັ້ນຮາກຖານນັ້ນໄດ້ຮັບການແກ້ໄຂ, ບັນຫາຕ່າງໆຢູ່ຮາກຖານໄດ້ຮັບການແກ້ໄຂໄດ້ຫຼາຍກວ່າເກົ່າ, ຄວາມຫຍຸ້ງຍາກຢູ່ຂັ້ນຮາກຖານກໍໄດ້ຮັບການແກ້ໄຂໄດ້ຫຼາຍກວ່າເກົ່າເຊັ່ນກັນ.
ການຫຼຸດພາລະໃຫ້ພະນັກງານຂັ້ນຮາກຖານໄດ້ສະແດງໃຫ້ເຫັນຢ່າງເຕັມສ່ວນວ່າ ທ່ານສີຈິ້ນຜິງໄດ້ເອົາໃຈໃສ່ຂັ້ນຮາກຖານ, ຮັກແພງພະນັກງານຢ່າງເລິກເຊິ່ງ ທັງໄດ້ສະແດງໃຫ້ເຫັນວ່າ ສູນກາງພັກກອມມູນິດຈີນມີຄວາມຕັດສິນໃຈອັນເດັດດ່ຽວໜຽວແໜ້ນໃນການຄຸ້ມຄອງພັກຢ່າງເຂັ້ມງວດຮອບດ້ານ, ສຸມຄວາມພະຍາຍາມສຸດຂີດໃນການກໍ່ສ້າງແບບແຜນວິທີເຮັດວຽກຢ່າງບໍ່ລົດລະ, ແລະໄດ້ກຳນົດທິດທາງເຮັດແທ້ທຳຈິງໃນການຫຼດພາລະໃຫ້ຂັ້ນຮາກຖານ, ປຸກລະດົມໃຫ້ພະນັກງານທັງຫຼາຍກ້າຮັບຜິດຊອບກ້າສ້າງຜົນງານ. ກ່ຽວກັບການຫຼຸດພາລະໃຫ້ຂັ້ນຮາກຖານຂອງຈີນ, ທ່ານມີຄວາມເຫັນແນວໃດແດ່ ຍິນດີຕ້ອນຮັບທ່ານປະກອບຄຳຄິດຄຳເຫັນ.
ຄຳເຫັນ
0