ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ການເດີນທາງໄປສຳຫຼວດກວດກາວຽກງານໃນປີໃໝ່2021ນີ້, ທ່ານສີຈິ້ນຜິງ ປະທານປະເທດຈີນໄດ້ໃຊ້ເວລາສອງວັນເດີນທາງໄປເຂດທີ່ໃຊ້ໃນການແຂ່ງຂັນທັງໝົດ 3 ແຫ່ງສຳລັບງານກິລາໂອລິມປິກລະດູໜາວປັກກິ່ງ 2022. ບໍ່ວ່າຈະເປັນສະໜາມກິລາ ຫຼືໂຄງການທີ່ກ່ຽວຂ້ອງ, ວຽກງານກະກຽມຈັດງານກິລາໂອລິມປິກລະດູໜາວປັກກິ່ງກຳລັງໄດ້ຮັບການຊຸກຍູ້ປະຕິບັດ ຢ່າງໜັກແໜ້ນ. ປີ 2015, ຄະນະຜູ້ແທນປັກກິ່ງເລີ່ມດຳເນີນຂັ້ນຕອນສຸດທ້າຍເພື່ອຮ້ອງຂໍເປັນເຈົ້າພາບຈັດງານກິລາໂອລິມປິກລະດູໜາວປີ 2022, ທ່ານປະທານສີຈິ້ນຜິງໄດ້ປະກອບຄຳເຫັນຜ່ານທາງວີດີໂອໂດຍຢືນຢັນວ່າ ຖ້າຫາກຄະນະກຳມະການໂອລິມປິກສາກົນເລືອກເອົາຈີນເປັນປະເທດເຈົ້າພາບ, ຈີນຈະຈັດງານໂອລິມປິກລະດູໜາວທີ່ໜ້າປະທັບໃຈ,ໂດດເດັ່ນແລະສຸດຍອດຄັ້ງໜຶ່ງ, ລັດຖະບານຈີນຈະປະຕິບັດຕາມຄຳໝັ້ນສັນຍາທຸກປະການຢ່າງຮອບດ້ານ.
ພາຍຫຼັງຈີນປະສົບຜົນສຳເລັດໃນການຮ້ອງຂໍເປັນເຈົ້າພາບຈັດງານໂອລິມປິກລະດູໜາວແລ້ວ, ໃນໂອກາດສຳຄັນຫຼາຍຄັ້ງເຊັ່ນໃນເວລາພົບປະກັບທ່ານໂທມັສ ບາສ ປະທານຄະນະກຳມະການໂອລິມປິກສາກົນ ເປັນຕົ້ນ, ທ່ານສີຈິ້ນຜິງໄດ້ກ່າວເປັນປະຈຳກ່ຽວກັບ “ການປະຕິບັດຕາມຄຳໝັ້ນສັນຍາທຸກປະການຢ່າງຮອບດ້ານ”, “ໃຫ້ຄຳໝັ້ນສັນຍາວ່າຈະຈັດງານໃຫ້ສຳເລັດຜົນແນ່ນອນ” ເຊິ່ງໄດ້ສະແດງໃຫ້ເຫັນເຖິງຄວາມສຳຄັນຂອງຄຳໝັ້ນສັນຍາດັ່ງກ່າວນີ້.
ພາຍຫຼັງຈີນປະສົບຜົນສຳເລັດໃນການຮ້ອງຂໍເປັນເຈົ້າພາບຈັດງານໂອລິມປິກລະດູໜາວແລ້ວ, ທ່ານສີຈິ້ນຜິງໄດ້ສະເໜີແນວຄວາມຄິດໃນການຈັດງານກິລາໂອລິມປິກແບບສີຂຽວ, ຊົມໃຊ້ຮ່ວມກັນ, ເປີດກວ້າງ, ປອດໃສຂາວສະອາດ. ແນວຄວາມຄິດນີ້ໄດ້ສະແດງໃຫ້ເຫັນຢູ່ໃນວຽກງານທີ່ລະອຽດທຸກຢ່າງ ຕະຫຼອດຂະບວນການກະກຽມຈັດງານ, ມາດຕະຖານໃໝ່ຂອງງານໂອລິມປິກ ກໍໄດ້ປະກົດຜົນເປັນຈິງເທື່ອລະກ້າວ.
ຫຼາຍປີຜ່ານມາ, ການກໍ່ສ້າງສິ່ງອຳນວຍຄວາມສະດວກສຳລັບງານກິລາໂອລິມປິກລະດູໜາວໄດ້ມີການປ່ຽນແປງທີ່ປະທັບໃຈ, ເຊິ່ງໄດ້ພິສູດໃຫ້ເຫັນວ່າຈີນໄດ້ປະຕິບັດຕາມຄຳໝັ້ນສັນຍາຢ່າງໜັກແໜ້ນຄື “ຕ້ອງຈັດງານໃຫ້ສຳເລັດຜົນແນ່ນອນ”.
ນັບຕັ້ງແຕ່ເກີດມີການແຜ່ລະບາດຂອງພະຍາດໂຄວິດ-19 ເປັນຕົ້ນມາ, ເຖິງວ່າໄດ້ຜະເຊີນໜ້າກັບສິ່ງທ້າຍທີ່ຂ້ຽວຂາດຕ່າງໆກໍຕາມ, ຈີນຍັງຄົງຍຶດໝັ້ນໃນການປະຕິບັດຕາມຄຳໝັ້ນສັນຍາໃນເວລາຮ້ອງຂໍເປັນເຈົ້າພາບຈັດງານກິລາໂອລິມປິກທຸກປະການ.
ສຳລັບການກໍ່ສ້າງສະໜາມກິລາ ເຊິ່ງທ່ານສີຈິ້ນຜິງໄດ້ເອີ້ນວ່າ ເປັນວຽກງານສຳຄັນທີ່ສຸດ. ໂຄງການກໍ່ສ້າງ ສະໜາມກິລາ 12 ແຫ່ງເມື່ອໄດ້ຜ່ານຜ່າຄວາມຫຍຸ້ງຍາກນານາປະການແລ້ວໄດ້ສຳເລັດການກໍ່ສ້າງໃນທ້າຍປີ 2020, ແລະສາມາດມອບການນຳໃຊ້ຕາມມາດຕະຖານການຈັດງານກິລາໂອລິມປິກລະດູໜາວ, ເຊິ່ງໄດ້ເພີ່ມຄວາມໝັ້ນໃຈໃຫ້ແກ່ການຈັດງານກິລາໂອລິມປິກທີ່ພວມຕົກຢູ່ໃນຄວາມບໍ່ແນ່ນອນ.
ຄຳເຫັນ
0