秦瑛莲

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ປະເທດຈີນໃນສາຍຕາທີ່ບິດເບືອນຄວາມຈິງຂອງສື່ມວນຊົນຕາເວັນຕົກ

2021-01-27 15:58:59 cri

ປະເທດຈີນໃນສາຍຕາທີ່ບິດເບືອນຄວາມຈິງຂອງສື່ມວນຊົນຕາເວັນຕົກ_fororder_61146e37b76fcd54cde5b3c0570af9e

ໃນ​ຫວ່າງ​ມໍ່​ໆ​​ມານີ້, BBC ​ໄດ້​ລົງ​ຂ່າວ​ໜຶ່ງ​ທີ່​ມີ​ຫົວ​ຂໍ້​ວ່າ“ ​ໂອ ຊີ​ນ​ຈ່ຽງ​ຈີນ ເດັກ​ນ້ອຍ​ຂອງ​ຂ້ອຍ​ຢູ່​ໃສ? ”(《Xinjiang: China, where are my children?》) ໂດຍ​ໄດ້ບິດ​ເບືອນຄວາມ​ຈິງວ່າ​: ໂຮງ​ຮຽນ​ອະ​ນຸ​ບານ​ແຫ່ງ​ໜຶ່ງ​ຢູ່​ເຂດ​ຊິ່ນ​ຈ່ຽງ​ຂອງ​ຈີນ​ເປັນ​ໂຮງ​ຮຽນອະ​ນຸ​ບານ​ສຳ​ລັບ​ລູກຫຼານ​ຂອງ“​ຜູ້​ທີ່​ຖືກ​ກັກ​ຂັງ” ແລະ​ເດັກ​ນ້ອຍ​ຢູ່​ໃນ​ໂຮງ​ຮຽນ​ອະ​ນຸ​ບານ​ແຫ່ງ​ນີ້“​ຖືກ​ບັງ​ຄັບ​ໃຫ້ໃຊ້​ແຕ່​ພາ​ສາ​ຈີນ​ກາງ​ເທົ່າ​ນັ້ນ”. ແຕ່​​ພາຍຫຼັງ​ຂ່າວ​ນີ້​ແຜ່​ອອກ​ໄປແລ້ວ, ມີ​ນັກ​ຂ່າວໄດ້​ໄປ​ສຳຫຼວດ​ຕົວ​ຈິງ ພັດພົບ​ເຫັນວ່າ: ພໍ່​ແມ່​ຂອງ​ເດັກ​ນ້ອຍ​ຂອງໂຮງ​ຮຽນ​​ອະ​ນຸ​ບານ​ທີ່ ​BBC ​ກ່າວ​ເຖິງ​ນັ້ນ​ໄດ້ເຮັດ​ວຽກ​ຢູ່​ບ່ອນ​ໃກ້​ຄຽງ ແລະ​ທຸກ​ມື້​​ເຂົາ​ເຈົ້າ​ກໍ​ຈະສົ່ງ​ລູກ​ໄປ​ໂຮງ​ຮຽນ. ຢູ່​ໃນ​ໂຮງ​ຮຽນ​ອະ​ນຸ​ບານ​ແຫ່ງ​ນີ້, ມີ​ທັງ​ສຽງ​ເວົ້າ​ພາ​ສາ​ອຸຍ​ເກີ ແລະ​ພາ​ສາ​ຈີນ​ກາງ. ເໝືອນ​ດັ່ງ​ຮູບ​ກາ​ຕູນ​ຮູບ​ນີ້, BBC ໃຊ້​ຈິນ​ຕະ​ນາ​ການ​ຂອງ​ຕົນ​ເອງ ເພື່ອ​ບິດ​ເບືອນ​​ສະ​ພາບ​ການ​ສອນ​ພາ​ສາ​ຈີນ​ກາງ​ຢູ່​ທີ່​ໂຮງ​ຮຽນ​ອະ​ນຸ​ບານ​ຂອງ​ເຂດ​ຊິ່ນ​ຈ່ຽງ​ຂອງ​ຈີນ. ຜ່ານ​ກ້ອງ​ຖ່າຍ​ທີ່​ບິດ​ເບືອນ​ຄວາມ​ຈິງຂອງ​ເຂົາ​ເຈົ້າ, ສະ​ພາບ​ການ​​ສິດສອນ​ທີ່​ມີ​ຊີ​ວິດ​ຊີ​ວາ​ຢູ່​ໃນ​ໂຮງ​ຮຽນ​ອະ​ນຸ​ບານ​ພັດໄດ້​ກາຍ​ເປັນ​ໂລກ​ຜີ​ມານ.

ນອກ​ນີ້, ໃນ​ວັນ​ທີ 19 ມັງ​ກອນ​ນີ້, BBC  ຍັງ​ໄດ້​ລົງ​ສາ​ລະ​ຄະ​ດີ​ສັ້ນ​ເລື່ອງ​ໜຶ່ງ​ທີ່​ມີ​ຫົວ​ຂໍ້​ວ່າ“​ກັບ​ຄືນ​ສູ່​ຫູ​ເປີຍ”​ໂດຍ​ຜ່ານ​ສື່​ສັງ​ຄົມ​ອອນ​ລາຍ ໂດຍ​ອ້າງວ່າ​ຈະ​ບັນ​ທຶກ​ສະ​ພາບ​ການ​ຂອງ​ຫູ​ເປີຍ​ຫຼັງ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ຄົບ​ຮອບ​ໜຶ່ງ​ປີ. ​ແຕ່​ເບິ່ງ​ຈາກ​ມູມ​​ກ້ອງ​ຂອງ​ເຂົາ​ເຈົ້າ​ແລ້ວ, ສ່ວນຫຼາຍ​ແມ່ນ​ເລືອກ​ເອົາຫຼັງ​ສາກ ແລະ​ສະ​ຖານ​ທີ່​ທີ່ຫຼ້າຫຼັງ ແລະ​ເສື່ອມ​ໂຊມ, ນີ້​ກໍ​ຄື​ສາຍ​ຕາ​ລຳ​ອຽງ​ຂອງ​ເຂົາ​ເຈົ້າ​ທີ່​ມີ​ຕໍ່​ປະ​ເທດ​ຈີນ. ແຕ່​ຄວາມ​ຈິງ​ກໍ​ຄືຄວາມ​ຈິງ, ​ກົນ​ອຸ​ບາຍ​ຂອງ BBC ບໍ່​ບັນ​ລຸ​ເ​ປົ້າໝາຍດອກ, ​ແຕ່​ວ່າໄດ້​​ກາຍ​ເປັນ​ການບັນ​ທຶກ​ຄ​ວາມ​ພໍ​ໃຈ​ຂອງ​ຊາວ​ຫູ​ເປີຍ​ທີ່​ມີ​ຕໍ່ຜົນ​​ສຳ​ເລັດຂອງ​ຈີນ​ໃນ​ການຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19. ​ດັ່ງ​ຄຳ​ເວົ້າ​ຂອງ​ຊາວ​ນະ​ຄອນ​ອູ​ຮັ້ນ​ຢູ່​ໃນ​ສາ​ລະ​ຄະ​ດີເລື່ອງ​ນີ້​ວ່າ: “ດຽວ​ນີ້​ຂ້ອຍ​ຮູ້​ສຶກ​ດີ​ໃຈ​ຫຼາຍ​ແທ້ໆ ເພາະ​ວ່າ​ນະ​ຄອນ​ອູ​ຮັ້ນ​ເປັນ​ບ່ອນ​ທີ່​ປອດ​ໄພ​ທີ່​ສຸດ​ຢູ່​ປະ​ເທດ​ຈີນ ແລະ​ປະ​ເທດ​ຈີນ​ກໍ​ເປັນ​ບ່ອນ​ທີ່​ປອດ​ໄພ​ທີ່​ສຸດ​​ຢູ່ໃນ​ໂລກເຊັ່ນ​ກັນ. ”

​ສື່ມວນ​ຊົນ​ຕາ​ເວັນ​ຕົກ​ມັກ​ໃຊ້​ຈິນ​ຕະ​ນາ​ການ​ບິດ​ເບືອນ​ຄວາມ​ຈິງໃນ​ການ​ລາຍ​ງານ​ຂ່າວ​ກ່ຽວ​ກັ​ບ​ຈີນ ໂດຍ​ມີ​ຈຸດ​ປະ​ສົງ​ເພື່ອ​​ໃສ່​ຮ້າຍ​ປ້າຍ​ສີ​ຈີນ. ເຖິງ​ວ່າ​ພວກ​ເຂົາ​ມີ​ກົນ​ອຸ​ບາຍຫຼາຍ​ຢ່າງ​ກໍ​ຕາມ, ​ແຕ່ປະ​ຊາ​ຊົນ​ກໍ​ສາ​ມາດ​ຈຳ​ແນກ​ໄດ້​ວ່າ​ອັນ​ໃດ​ຈິງ ອັນ​ໃດ​ປອມ. ການ​ເສກ​ສັນ​ປັ້ນ​ແຕ່ງຂ່າວ ແລະ​ການ​ບິດ​ເບືອນ​​ຄວາມ​ຈິງ​​ນັບ​ມື້​ກໍ​ມີ​ຄົນ​ສົນ​ໃຈ​ໜ້ອຍ​ລົງ ແລະມີ​ແຕ່​ຈະ​ກາຍ​ເປັນ​ເລື່ອ​ງ​ຕະຫຼົກ​ຊື່ໆ. ​​ອັນ​ນັ້ນ​ຈຶ່ງຢາກ​ຖາມ​ນັກ​ຂ່າວ​ທີ່​ມັກ​​ເສດ​ສັນປັ້ນ​ແຕ່ງ​ຂ່າວ​ປອມ​ວ່າ: ​ຖ້າພວກ​ເຈົ້າ​ຢາກ​ດຶງ​ດູດ​ຄວາມ​ສົນ​ໃຈ​ຂອງ​ຜູ້​ຊົມ​ຜ່ານ​ເລື່ອງ​ເລົ່າ​ທີ່​ຈິນ​ຕະ​ນາ​ການ​ແບບ​ເຫຼື​ອ​ເຊື່ອ​ນີ້, ເປັນ​ຫຍັງ​ບໍ່​ໄປ​ເຮັດ​ວຽກ​ເປັນ​ຜູ້​ກຳ​ກັບ​ຮູບ​ເງົາ​ເລີຍ? ນັ້ນ​ຈຶ່ງ​ແມ່ນ​ເວ​ທີ​​ທີ່ແທ້ງ​ຈິງ​ສຳ​ລັບ​ພວກ​ເຈົ້າ.

ພາບ: ແກ້ວ​ປະ​ເສີດ

ບົດ: ດວງ​ພະ​ຈັນ ບົວ​ສະ​ຫວັນ

ຄຳ​ເຫັນ

0