尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ໃນ​ໂລກ​ມີ​ຫຼາຍກວ່າ 100 ລ້ານ​ຄົນ

2021-01-28 15:53:19 cri

ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ໃນ​ໂລກ​ມີ​ຫຼາຍກວ່າ 100 ລ້ານ​ຄົນ_fororder_314e251f95cad1c80f2cea4f86a8920ec83d5165

ໃນ​ສັງ​ຄົມຍຸກ​ປັດ​ຈຸ​ບັນ, ​ຕາມ​ທຳ​ມະ​ດາ​ແລ້ວ, ຕົວ​ເລກ​ສະ​ຖິ​ຕິ​ແຮ່ງ​ຫຼາຍ​ແຮ່ງ​ດີ. ຊັບ​ສິນ​ມູນ​ຄ່າ​ຫຼາຍກວ່າ 100 ລ້ານ, ມູນ​ຄ່າ​ການ​ຈຳ​ໜ່າຍ​ຫຼາຍກວ່າ 100 ລ້ານ, ປະ​ລິ​ມານ​ການ​​ເຂົ້າ​ເບິ່ງ​ຫຼາຍກວ່າ 100 ລ້ານເທື່ອຄົນ, ທັງ​ໝົດ​ເຫຼົ່າ​ນີ້​ລ້ວນ​ແຕ່​ຈະ​ເຮັດ​ໃຫ້​ຄົນ​ຮູ້​ສຶກ​ສະ​ບາຍ​ໃຈ. ແຕ່​ວ່າ, ໃນ​ວັນ​ທີ 26 ມັງ​ກອນ​ນີ້, ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ໃນ​ໂລກ​ມີ​ຫຼາຍກວ່າ 100 ລ້ານ​ຄົນ, ຕົວ​ເລກ​ດັ່ງ​ກ່າວ​ມີ​ແຕ່​ຈະ​ເຮັດ​ໃຫ້​ຄົນ​ຮູ້​ສຶກ​​ເສົ້າໃຈ,​ເພາະ​ມັນໝາຍ​ຄວາມ​ວ່າ​ສະ​ພາບ​ການ​ຕ້ານ​ກັບ​ພະ​ຍາດ​ໂຄວິດ-19 ໃນ​ໂລກ​ມີ​ຄວາມ​ຂ້ຽວ​ຂາດ​ທີ່​ສຸດ.
 

ນັບ​ແຕ່​​ເກີດ​ມີ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ເປັນ​ເວ​ລາ 1 ປີ​ຜ່ານ​ມາ, ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ​ຕໍ່​ມື້ໄດ້​ເພີ່ມ​ຂຶ້ນ​ໄວ​ຢ່າງ​ໜ້າ​ຢ້ານ​ກົວ, ​ຊາວ​ໂລກ​ທີ່​ບໍ່​ມີ​ໂທດ​ກຳ​ຫຍັງ​ໄດ້​ເສຍຊີ​ວິດ​ເປັນ​ພັນ​ເປັນ​ໝື່ນ​ຄົນ, ສັງ​ຄົມ​ຕົກ​ຢູ່​ໃນ​ສະ​ພາບ​ຄວາມ​ປັ່ນ​ປ່ວນ​ວຸ້ນ​ວາຍ, ເສດ​ຖະ​ກິດ​ໂລກ​ຊຸດ​ໂຊມ​ລົງ​ຢ່າງ​ຕໍ່​ເນື່ອງ. ເຖິງວ່າ​ໄດ້​ເລີ່ມ​ໂຄງ​ການ​ສັກ​ວັກ​​ຊີນ​​ພະ​ຍາດ​ໂຄວິດ-19 ຢ່າງ​ຮີບ​ດ່ວນ​ຢູ່​ຫຼາຍ​ປະ​ເທດ​ໃນ​ໂລກ​ກໍ​ຕາມ, ​ທັງການ​ຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ​ກໍ​ມີ​ສະ​ພາບ​ດີ​ຂຶ້ນ, ແຕ່​ຈຳ​ນວນ​ຜູ້​ຖືກ​ບົ່ງ​ມະ​ຕິ​ດັ່ງ​ກ່າວ​ຍັງ​ເປັນ​ການ​ເຕືອນ​ຊາວ​ໂລກ​ອີກ​ເທື່ອ​ໜຶ່ງວ່າ:ການ​ຕ້ານກັບ​ພະ​ຍາດ​ໂຄວິດ-19 ຍັງ​ເປັນ​ໜ້າ​ທີ່​ອັນ​ໜັກ​ໜ່ວງຄື​ເກົ່າ.
 

ການ​ຮ່ວມ​ມື​ຍັງ​ແມ່ນ​ອາ​ວຸດ​ທີ່​ເຂັ້ມ​ແຂງ​ທີ່​ສຸດ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19. ໃນ​ຖາ​ນະ​ເປັນ​ປະ​ເທດ​ໃຫຍ່​ທີ່​ມີ​ຄວາມ​ຮັບ​ຜິດ​ຊອບ, ຈີນ​​ໄດ້ເປັນ​ແບບ​ຢ່າງ​ທີ່​ດີ​​ໃຫ້​ກັບ​ບັນ​ດາ​ປະ​ເທດ​ໃນ​ໂລກ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19. ຫຼັງ​ຈາກ​​ສາ​ມາດຄວບ​ຄຸມ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ​​ຢູ່ພາຍ​ໃນ​ປະ​ເທດຢ່າງ​ສຳ​ເລັດ​ຜົນ​ແລ້ວ, ຈີນ​ໄດ້​ສະ​ໜອງວັດ​ຖຸ​ອຸ​ປະ​ກອນ​ການ​ແພດ​ແລະ​​ໄດ້​ສົ່ງ​ໜ່ວຍແພດ​ໝໍ​​ໄປ​ຊ່ວຍ​ເຫຼືອ​ປະ​ເທດ​ຕ່າງໆ​ທີ່​ໄດ້​ຮັບຜົນ​ກະ​ທົບ​ຈາກ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19. ວັກ​ຊີນ​ພະ​ຍາດ​ໂຄວິດ-19 ຂອງ​ຈີນ​ກໍ​ເປັນ​ຜະ​ລິດ​ຕະ​ພັນ​ສາ​ທາ​ລະ​ນະ​ຂອງ​ໂລກ,ໄດ້​ສະ​ໜອງ​ໃຫ້​ແກ່​ປະ​ເທດພວມ​ພັດ​ທະ​ນາ​ທີ່​ມີ​ສະ​ພາບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ໜັກ​ໜ່ວງ​ທີ່​ສຸດ​ຢ່າງ​ທັນ​ເວ​ລາ. ວັນ​ທີ 27 ມັງ​ກອນ​ນີ້, ລາວ​ໄດ້​ຈັດ​ພິ​ທີ​ສັກ​ວັກຊີນ​ພະ​ຍາດ​ໂຄວິດ-19, ທ່ານຮອງ​ນາ​ຍົກ​ລັດ​ຖະ​ມົນ​ຕີ​ລາວ, ລັດ​ຖະ​ມົນ​ຕີ​ກະ​ຊວງ​ສາ​ທາ​ລະ​ນະ​ສຸກ​ລາວ​ແລະ​ພະ​ນັກ​ງານ​ທີ່​ກ່ຽວ​ຂ້ອງ​ທັງ​ໝົດ 600 ຄົນ​ໄດ້​ສັກ​ວັກ​ຊີນ​ພະ​ຍາດ​ໂຄວິດ-19 ທີ່​ຈີນ​ໄດ້​ຊ່ວຍ​ເຫຼືອ. ປັດ​ຈຸ​ບັນ, ອິນ​ໂດ​ເນ​ເຊຍ, ເອ​ຢິບ, ຕວກ​ກີ, ແຊັກ​ບີ, ຊັອກດານີແລະປະເທດອື່ນໆກໍໄດ້ສັກວັກຊີນພະຍາດໂຄວິດ-19 ທີ່ຈີນຜະລິດແລ້ວ, ​ນີ້ໄດ້ສະແດງໃຫ້ເຫັນເຖິງຄວາມຕັດສິນໃຈຂອງຈີນອີກເທື່ອໜຶ່ງໃນການຮ່ວມມືກັບບັນດາປະເທດໃນໂລກ​ເພື່ອຮ່ວມກັນຕ້ານ​ກັບພະຍາດໂຄວິດ-19.
 

ເຊື້ອພະຍາດບໍ່ມີພົມແດນ, ການປ້ອງກັນຊີວິດຂອງຄົນກໍ່ບໍ່ມີພົມແດນ​ເຊັ່ນ​ກັນ. ບັນດາປະເທດໃນໂລກຄວນຍຶດຖືແນວຄວາມຄິດຄູ່ຮ່ວມຊາຕາກຳ​ຂອງມວນມະນຸດ, ຮ່ວມມືກັນສະກັດກັ້ນການແຜ່ລະບາດຂອງພະຍາດໂຄວິດ-19 ຢ່າງຕໍ່ເນື່ອງ, ປ້ອງກັນສຸຂະພາບແລະຄວາມສຸກຂອງປະຊາຊົນຫຼາຍຫຼາຍ​ລ້ານ​ຄົນ.

ຄຳ​ເຫັນ

0