ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ເມສາປີ 2019, ທ່ານສີຈິ້ນຜິງ ປະທານປະເທດຈີນໄດ້ອອກຈາກນະຄອນຫຼວງປັກກິ່ງແຕ່ເຊົ້າ ເດີນທາງດ້ວຍເຮືອບິນໄປເຖິງກຳແພງນະຄອນຈຸ່ງກິ່ງ , ແລ້ວຂີ່ລົດໄຟ ຈາກນັ້ນໄດ້ຂີ່ລົດຕໍ່ດ້ວຍຄວາມອິດເມື່ອຍລຳບາກຈິ່ງໄປເຖິງ ໂຮງຮຽນປະຖົມຕາແສງຈົ່ງຢີ້ເມືອງປົກຄອງຕົນເອງເຜົ່າຖູເຈ່ຍສືຈູ້ ກຳແພງນະຄອນຈຸ່ງກິ່ງ.
ຕາແສງຈົ່ງຢີ້ຕັ້ງຢູ່ສ່ວນເລິກຂອງພູຜາປ່າດົງ, ປະຊາຊົນດຳລົງຊີວິດຢູ່ແບບກະແຈກກະຈາຍ, ສະນັ້ນ, ການໄປໂຮງຮຽນຂອງພວກເດັກນ້ອຍຈິ່ງກາຍເປັນບັນຫາຫຍຸ້ງຍາກຂອງທ້ອງຖິ່ນແຫ່ງນັ້ນ. ທ່ານສີຈິ້ນຜິງໄດ້ຊີ້ອອກວ່າ: ກ່ຽວກັບນະໂຍບາຍ “ສອງບໍ່ກັງວົນແລະສາມຮັບປະກັນ”, ເນື້ອໃນສຳຄັນອັນໜຶ່ງກໍແມ່ນ ການສຶກສາພາກບັງຄັບຕ້ອງມີການຮັບປະກັນ. ເຖິງຈະຫຍຸ້ງຍາກລຳບາກແນວໃດກໍຈະບໍ່ປ່ອຍໃຫ້ເດັກນ້ອຍລຳບາກ, ເຖິງຈະທຸກຍາກສ່ຳໃດກໍຕາມກໍຈະບໍ່ໃຫ້ການສຶກສາທຸກຍາກ. ຕ້ອງຮັບປະກັນໃຫ້ເດັກນ້ອຍຢູ່ເຂດພູດອຍທີ່ທຸກຍາກໄດ້ຮັບການສຶກສາ ແລະຊົມໃຊ້ຊີວິດໄວເດັກຢ່າງມີຄວາມສຸກແລະເບີກບານມ່ວນຊື່ນ. ທ່ານສີຈິ້ນຜິງໄດ້ຍ່າງເຂົ້າໂຮງອາຫານຂອງໂຮງຮຽນເພື່ອກວດເບິ່ງຫ້ອງກິນເຂົ້າຕະຫຼອດຮອດຫ້ອງຄົວຢ່າງລະອຽດ ທັງຮັບຮູ້ສະພາບກ່ຽວກັບເງິນອຸດໜູນຄ່າອາຫານສຳລັບນັກຮຽນທຸກຍາກພ້ອມດ້ວຍສະພາບຄວາມປອດໄພແລະຄວາມສະອາດຂອງອາຫານອີກດ້ວຍ. ທ່ານສີຈິ້ນຜິງໄດ້ສັ່ງໃຫ້ທາງໂຮງຮຽນແລະຄູສອນທັງຫຼາຍຈົ່ງປະຕິບັດໜ້າທີ່ການສອນໃຫ້ດີ ທັງຄວນເປັນຜູ້ປົກຄອງຊົ່ວຄາວໃຫ້ດີ ເພື່ອສິດສອນແລະຄຸ້ມຄອງນັກຮຽນໃຫ້ດີ. ຕ້ອງຖືເອົາ ຄວາມປອດໄພເປັນວຽກງານສຳຄັນກວ່າໝູ່, ຮັບປະກັນໃຫ້ການຮຽນ, ທີ່ຢູ່ອາໄສ,ການກິນຂອງນັກຮຽນຢູ່ໃນໂຮງຮຽນໃຫ້ມີຄວາມປອດໄພ ເພື່ອໃຫ້ພໍ່ແມ່ຜູ້ປົກຄອງທັງຫຼາຍໄວ້ວາງໃຈ.
ອາຫານທ່ຽງຄາບໜຶ່ງທີ່ດີຕໍ່ສຸຂະພາບຂອງນັກຮຽນ ປະກອບມີ ອາຫານ 4 ເຍື່ອງ ບວກກັບແກງ1ເຍື່ອງ, ໂຮງຮຽນປະຖົມຕາແສງຈົ່ງຢີ້ໄດ້ເອົາໃຈໃສ່ຊອກຫາທຸກວິທີທາງເພື່ອໃຫ້ນັກຮຽນທັງຫຼາຍໄດ້ກິນດີກວ່າເກົ່າ.
ໃນໄລຍະໜຶ່ງປີປາຍມານີ້, ໂຮງອາຫານຂອງໂຮງຮຽນແຫ່ງນີ້ໄດ້ມີການປ່ຽນແປງໃໝ່ຕື່ມອີກຄື: ຫ້ອງອາຫານໃຫຍ່ຂຶ້ນກວ່າເກົ່າ. ໂຮງອາຫານແຕ່ກີ້ເປັນອາຄານຊັ້ນດຽວ ໄດ້ປຸກເປັນສອງຊັ້ນ, ເຊິ່ງສາມາດຮອງຮັບຄົນກິນເຂົ້າໄດ້ 150 ຄົນ.
ອາຫານການກິນມີຄວາມປອດໄພຫຼາຍຂຶ້ນ. ທາງໂຮງອາຫານໄດ້ປະຕິບັດມາດຕະການຈັດຫ້ອງຄົວທີ່ໂປ່ງໃສ, ຕິດຕັ້ງກ້ອງວົງຈອນປິດແລະໜ້າຈໍໂທລະພາບຂະໜາດໃຫຍ່ ເພື່ອຕິດຕາມສະພາບການປຸງແຕ່ງອາຫານໃນຫ້ອງຄົວຕະຫຼອດເວລາ.
ອາຫານການກິນໄດ້ເນັ້ນຫຼັກໂພຊະນາການຫຼາຍກວ່າ. ທາງໂຮງຮຽນໄດ້ເຊື້ອເຊີນຊ່ຽວຊານດ້ານໂພຊະນາການມາສ້າງມາດຕະຖານຕາມຫຼັກວິທະຍາສາດ, ປັບປຸງບັນຊີລາຍການອາຫານໃຫ້ດີຂຶ້ນ. ເຖິງວ່າບັນຊີອາຫານຍັງເປັນ “ອາຫານ 4 ເຍື່ອງບວກກັບແກງ1ເຍື່ອງ”ກໍຕາມ, ແຕ່ປັດຈຸບັນ, ມີຊີ້ນທີ່ບໍ່ມີໄຂມັນແລະມີຜັກຂຽວຫຼາຍຂຶ້ນ.
ເມື່ອເບິ່ງສະພາບການໃນທົ່ວປະເທດຈີນແລ້ວເຫັນວ່າ, ການເງິນສູນກາງໄດ້ຈັດສັນງົບປະມານເປັນທຶນອຸດໜູນອາຫານການກິນຕາມຫຼັກໂພຊະນາການ 170 ກວ່າຕື້ຢວນ, ວຽກງານດ້ານຕ່າງໆເປັນຕົ້ນແມ່ນ ຮູບແບບການສະໜອງອາຫານ, ການຄຸ້ມຄອງຄວາມປອດໄພດ້ານອາຫານ, ການຄຸ້ມຄອງການນຳໃຊ້ເງິນທຶນ, ການຕິດຕາມກວດສຸຂະພາບດ້ານໂພຊະນາການແລະອື່ນໆໄດ້ຮັບການຊຸກຍູ້ປະຕິບັດຢ່າງໜັກແໜ້ນ. ນັບມາຮອດເດືອນມີຖຸນາປີ2020, ໂຄງການປັບປຸງອາຫານການກິນຕາມຫຼັກໂພຊະນາການໄດ້ປົກຄຸມໂຮງຮຽນການສຶກສາພາກບັງຄັບ 130.000 ກວ່າແຫ່ງຢູ່ເຂດຊົນນະບົດ, ໄດ້ສ້າງຜົນປະໂຫຍດໃຫ້ແກ່ນັກຮຽນເຖິງ 37 ລ້ານກວ່າຄົນ.
ຄຳເຫັນ
0