ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
“ຕາວັນໄດ້ສ່ອງແສງຄວາມອົບອຸ່ນມອບໃຫ້ທຸກຄອບຄົວເປັນພັນເປັນໝື່ນຄອບຄົວ, ນຳເອົາສິ່ງທີ່ເປັນສິລິມຸງຄຸນອັນໃໝ່ປ່ຽນແທນອັນເກົ່າ” ເຊິ່ງບົດກະວິນີ້ແຕ່ງຂຶ້ນປະມານ 1000 ກວ່າປີກ່ອນ, ໄດ້ເວົ້າເຖິງປະເພນີທີ່ຕິດຄະຕິຄູ່ສະຫຼອງບຸນກຸດຈີນຕາມວັດທະນະທຳອັນເປັນມູນເຊື້ອດີງາມຂອງຈີນ, ມີຄວາມໝາຍວ່າ ປະຊາຊົນຈີນທຸກໆຄອບຄົວໄດ້ຕິດຄະຕິຄູ່ເພື່ອສະຫຼອງບຸນກຸດຈີນເນື່ອງໃນໂອກາດສົ່ງທ້າຍປີເກົ່າ ຕ້ອນຮັບປີໃໝ່, ຕາເວັນແຫ່ງລະດູບານໃໝ່ໄດ້ສ່ອງແສງແຫ່ງຄວາມອົບອຸ່ນ, ແລະໄດ້ຕ້ອນຮັບອະນາຄົດທີ່ສົດໃສ ແລະ ດີງາມ.
ອີງຕາມປະເພນີຂອງປະຊາຊົນຈີນ, ໃນຄືນສົ່ງທ້າຍປີເກົ່າຕ້ອນຮັບປີໃໝ່ຕາມຈັນທະຄະຕິຈີນ, ທຸກໆຄອບຄົວຈະຕິດຄະຕິຄູ່ສະຫຼອງບຸນກຸດຈີນ. ຄະຕິຄູ່ສະຫຼອງບຸນກຸດຈີນປະກອບດ້ວຍ “ຕຸ້ຍລຽນ”(ກອນຄູ່ທີ່ຕິດໃນແລວຕັ້ງ) ແລະ “ເຫີງພີ່” (ປ້າຍມຸງຄຸນ,ຄຳອວຍພອນທີ່ຕິດໃນແລວຂວາງ). “ຕຸ້ຍລຽນ” ຈະຕິດຢູ່ສອງຂ້າງປະຕູ, ໃຊ້ກາບກອນແບບກະທັດຮັດເພື່ອສະແດງຄວາມມຸ່ງຫວັງທີ່ມີຕໍ່ຊີວິດການເປັນຢູ່ອັນດີງາມໃນປີໃໝ່. ສຳລັບ “ເຫີງພີ່” ທີ່ຕິດໃນແລວຂວາງຢູ່ດ້ານເທິງປະຕູນັ້ນກໍຄືການສະຫຼຸບທາດແທ້ຂອງຄະຕິຄູ່.
ເນື້ອໃນຂອງຄະຕິຄູ່ບຸນກຸດຈີນສ່ວນຫຼາຍມີເຄົ້າມາຈາກຕຳນານອະມະຕະຂອງຈີນ. ເຊິ່ງຕຳນານເຫຼົ່ານີ້ກໍຈະຖືກນຳໃຊ້ເລື້ອຍໆໃນຊີວິດປະຈຳວັນ. ຜູ້ນຳປະເທດກໍມັກນຳໃຊ້ຄຳເວົ້າອະມະຕະເພື່ອສະແດງຄຳອວຍພອນ ຄວາມມຸ່ງຫວັງ ແລະ ໃຫ້ກຳລັງໃຈແກ່ປະຊາຊົນ.
ມື້ນີ້ ພວກເຮົາຈະໃຊ້ຄະຕິຄູ່ 7 ຊຸດເພື່ອສົ່ງຄວາມອວຍພອນໃຫ້ແກ່ທ່ານ, ຈົ່ງຕັ້ງໃຈອ່ານ “ເຫີງພີ່” ແດ່! ມັນມີຄວາມໝາຍເປັນພິເສດໄດ໋! “ທຸກຄົນລ້ວນແຕ່ສຸດຍອດອີ່ຫຼີ” “ສະຖານທີ່ທີ່ເຮັດໃຫ້ຈິດໃຈຂ້ອຍສະຫງົບກໍຖືວ່າເປັນບ້ານເກີດເມືອງນອນຂອງຂ້ອຍ”. ຂໍແນະນຳທ່ານສົ່ງຄະຕິຄູ່ເຫຼົ່ານີ້ຕໍ່ໃຫ້ກັບຍາດຕິພີ່ນ້ອງ ແລະເພື່ອນມິດຂອງທ່ານ, ເນື່ອງໃນໂອກາດເລີກງາມຍາມດີນີ້, ພວກເຮົາຈົ່ງຮ່ວມກັນອະທິຖານຂໍພອນໃຫ້ໂລກຈົ່ງມີແຕ່ສັນຕິພາບ ຄວາມສາມັກຄີປອງດອງ ທຸກໆຄອບຄົວຢູ່ເຢັນເປັນສຸກ.
ໃນຄະຕິຄູ່ດັ່ງລຸ່ມນີ້, ທ່ານມັກຄະຕິຄູ່ຊຸດໃດຫຼາຍທີ່ສຸດ? ຍ້ອນຫຍັງ? ເຊີນທ່ານສະແດງຄວາມຄິດເຫັນຂອງທ່ານເຖິງພວກເຮົາທາງເຟັສບຸກ. ສຳລັບມິດລາຍການຜູ້ເຂົ້າຮ່ວມກິດຈະກຳປະກອບຄຳເຫັນຄັ້ງນີ້, ຈະມີໂອກາດໄດ້ຮັບຂອງຂວັນປີໃໝ່ບຸນກຸດຈີນຈາກ CRI ພວກເຮົາ. ເວລາດຳເນີນກິດຈະກຳຄັ້ງນີ້ ເລີ່ມຈາກວັນທີ 9 ກຸມພາ ຫາ 17 ກຸມພາ ປີ 2021 ນີ້.
1 ກອນຄູ່: ກົ້ງຮ່ວນຊິ່ນກູ້ຊຸ້ຍ ຢິງຊົ້ງອີ້ຊ່ຽວຈົ່ງ
ເຫີງພີ່(ປ້າຍມຸງຄຸນ): ຊືຊິ່ນອ່ານຊູ້ຊື້ອູສ່ຽງ
ຄວາມໝາຍ: ເນື່ອງໃນໂອກາດ ປີໃໝ່ບຸນກຸດຈີນໄດ້ໝູນວຽນມາເຖິງນີ້, ຂໍອວຍພອນໃຫ້ທ່ານຈົ່ງມີແຕ່ຄວາມສາມັກຄີປອງດອງພາຍໃນຄອບຄົວ, ແລະ ສຸກສົມຫວັງທຸກປະການ!
ການເຊີດສິງໂຕ ແລະ ຈູດໝາກກະໂພກແມ່ນປະເພນີເກົ່າແກ່ບູຮານໃນການສະຫຼອງບຸນກຸດຈີນ, ການເຕົ້າໂຮມກັນເພື່ອນັບຖອຍຫຼັງໃນຄືນສົ່ງທ້າຍປີເກົ່າຕ້ອນຮັບປີໃໝ່ ແລະ ຊົມງານລາຕີສະຫຼອງບຸນກຸດຈີນກໍໄດ້ກາຍເປັນປະເພນີໃໝ່. ປີໃໝ່ ພວກເຮົາມາເຖິງແລ້ວ!
ຄຳເຫັນ
0