蔡宝峰

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ການຊົມງານ​​ປະ​ຕິ​ມາ​ກຳໂຄມ​ໄຟເມືອງ​ຈື້ກົ້ງ​ຈີນຜ່ານ​ທາງ​ອອນ​ລາຍຈະ​ເລີ່ມ​ຕົ້ນ​ຈັດຂື້ນໃນ​ໄວໆ​ນີ້

2021-02-09 21:44:25 CRI

ເວ​ລາ 20:00-22:00 ຂອງວັນ​ທີ 9 ແລະ​ວັນ​ທີ 12 ກຸມ​ພານີ້, ກິດ​ຈະ​ກຳ​ຖ່າຍ​ທອດ​ສົດ​ງານປະ​ຕິ​ມາ​ກຳ​ໂຄມ​ໄຟ​ເມືອງ​ຈື້ກົ້ງ​ຈີນ​ຈະ​ຈັດ​ຂຶ້ນ​ຢ່າງ​ເປັນ​ທາງ​ການ, ຜູ້​ຊົມ​ສາ​ມາດ​ຊົມ​ປະ​ຕິ​ມາ​ກຳ​ໂຄ​ມ​ໄຟ​ທີ່​ສວຍ​ສົດ​ງົດ​ງາມ​ໃນ​ງານ​ຄັ້ງ​ນີ້​ຜ່ານການຖ່າຍທອດສົດຜ່ານ App ແລະ​ສື່​ສັງ​ຄົມ​ອອນ​ລາຍ​ຕ່າງໆ ເຊັ່ນ Facebook, Yangshipin, TikTok, Kuaishou, Zhiyoutianfu ແລະ​ອື່ນໆ.

ງານປະ​ຕິ​ມາ​ກຳ​ໂຄມ​ໄຟ​ສາ​ກົນ​ເມືອງ​ຈື້ກົ້ງ​ຄັ້ງ​ນີ້​ມີ​ຫົວ​ຂໍ້​ວ່າ“ຊົມ​ປະ​ຕິ​ມາ​ກຳ​ໂຄມ​ໄຟ​ເມືອງ​ຈື້ກົ້ງເພື່ອສະຫລອງ​ບຸນ​ກຸດ​ຈີນ​ຢ່າງ​ເບີກບານມ່ວນ​ຊື່ນ”. ເຂດ​ວາງ​ສະ​ແດງປະຕິມາກຳຕ່າງໆມີເນື້ອທີ່ກວ້າງ​ປະ​ມານ 3 ແສນ 7 ໝື່ນ​ຕາ​ແມັດ, ມີ 15 ຫົວ​ຂໍ້, ມີປະ​ຕິ​ມາ​ກຳ​ໂຄມ​ໄຟ 100 ກວ່າຊຸດ, ການຖ່າຍທອດສົດຈະ​ນຳ​ເອົາ​ພາບ​ວິວ​ທີ່​ສວຍ​ງາມ​ມາ​ໃຫ້​ທ່ານຜູ້​ຊົມ​ທັງ​ຫຼາຍໄດ້ເຫັນຢ່າງປະທັບໃຈ. ອຸ​ປະ​ກອນ​ທັນ​ສະ​ໄໝ 20 ກວ່າ​ຊຸດ​ທີ່​ນຳ​ເຂົ້າມາຈາກ​ຕ່າງ​ປະ​ເທດ​ຈະ​ເຮັດ​ໃຫ້​ຜູ້​ຊົມ​ບໍ່​ພຽງ​ແຕ່ສາມາດ​ເບິ່ງຊົມໄດ້ເທົ່ານັ້ນ ຍັງສາ​ມາດຫຼິ້ນ​ໂຄມ​ໄຟ​ຢ່າງ​ມ່ວນ​ຊື່ນໂດຍ​ບໍ່​ໄດ້​ປະ​ຕິ​ບັດຕາມແນວ​ຄິດຂອງການ​ຈັດ​ງານ​ໂຄມ​ໄຟ​ແບບ​ເກົ່າ, ບົນ​ພື້ນ​ຖານ​ສືບ​ທອດ​ໂຄມ​ໄຟ​ອັນ​ເປັນມູນ​ເຊື້ອ, ຍັງ​ສາ​ມາດ​ໃຫ້​ຜູ້​ຊົມ​ມີ​ຄວາມ​ບັນ​ເທີງ​ຢ່າງ​ມ່ວນ​ຊື່ນ​ໄດ້ອີກ.

ກິດ​ຈະ​ກຳ​ຊົມ​ປະ​ຕິ​ມາ​ກຳ​ໂຄມ​ໄຟຜ່ານ​ທາງ​ອອນ​ລາຍ​ທີ່​ຈະ​ຈັດ​ຂຶ້ນໃນ​ຕອນ​ຄ່ຳ​ວັນ​ທີ 12 ກຸມ​ພານີ້​ຈະ​ມີ​ຜູ້​ດຳ​ເນີນ​ລາຍ​ການຈາກ 3 ໜ່ວຍງານຖ່າຍ​ທອດ​ສົດ​ເປັນຜູ້ພາທາງທ່ານ​ຜູ້​ຊົມໄປທ່ຽວ​ຊົມງານຄັ້ງນີ້, ເຊິ່ງຈະເຮັດ​ໃຫ້​ຜູ້​ຊົມ​ທັງ​ຫຼາຍ​ສາ​ມາດ​ສຳ​ຜັດໄດ້ເຖິງ​ບັນ​ຍາ​ກາດ​ງານ​ໂຄມ​ໄຟ​ທີ່​ເປັນ​ເອ​ກະ​ລັກ​ພິ​ເສດຂອງ​ຈີນ​ຜ່ານ​ໜ້າ​ຈໍໂທ​ລະ​ສັບ​ຫຼື​ຄອມ​ພີວ​ເຕີ ເພື່ອ​ຊອກ​ຮູ້​ກ່ຽວ​ກັບວັດ​ທະ​ນະ​ທຳ​ງານ​ໂຄມ​ໄຟທີ່​ສືບ​ທອດ​ກັນ​ມາ​ເປັນ​ເວ​ລາພັນ​ປີ​ຢູ່​ເມືອງ​ຈື້ກົ້ງຂອງຈີນ.

图片默认标题_fororder_1

图片默认标题_fororder_2

图片默认标题_fororder_3

(ສະໜອງຮູບ​ພາບໂດຍ​ພະ​ແນກວັດ​ທະ​ນະ​ທຳ​ແລະ​ທ່ອງ​ທ່ຽວ​ແຂວງ​ເສ​ສວນ​ຈີນ)

 

ຄຳ​ເຫັນ

0