秦瑛莲

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ຫຼາຍປະເທດກົດໄລໃຫ້ວັກຊີນປ້ອງກັນໂຄວິດ-19 ຂອງຈີນ

2021-02-09 14:57:44 cri

ຫຼາຍປະເທດກົດໄລໃຫ້ວັກຊີນປ້ອງກັນໂຄວິດ-19 ຂອງຈີນ_fororder_255a4b80b3c82facbcd833a7e192224

ຕອນ​ເຊົ້າ​ວັນ​ທີ 8 ກຸມ​ພາ​ນີ້, ວັກ​​ຊີນ​ປ້ອງ​ກັນ​ໂຄວິດ-19 ທີ່​ ສ​ປ ຈີນ​ໃຫ້​ການ​ຊ່ວຍ​ເຫຼືອ​ລ້​າ​ແກ່ ສ​ປ​ປ ລາວ ໄດ້ຂົນ​ສົ່ງ​ໄປ​ຮອດ​ນະ​ຄອນຫຼວງວຽງ​ຈັນ. ກ່ອນ​ໜ້າ​ນີ້, ໂດຍ​ຕອບ​ສະ​ໜອງ​ຕາມ​ຄຳ​ຮຽກ​ຮ້ອງ​ຂອງ​ອົງ​ການ​ອະ​ນາ​ໄມ​ໂລກ, ໃນ​ວັນ​ທີ 3 ກຸມ​ພາ​ນີ້, ຝ່າຍ​ຈີນ​ໄດ້​ປະ​ກາດວ່າ​ໄດ້​ສະ​ໜ​ອງ​ວັກ​ຊີ​ນ​ປ້ອງ​ກັນ​ໂຄວິດ-19 ຈຳ​ນວນ 10 ລ້ານ​ຫຼອດໃຫ້​ແກ່ “ແຜນ​ດຳ​ເນີນ​ງານ​ວັກ​ຊີນປ້ອງ​ກັນໂຄວິດ-19” ​ເພື່ອ​ຕອບ​ສະ​ໜອງກັບ​ຄວາມ​ຕ້ອງ​ການ​ດ່ວນ​ຂອງ​ປະ​ເທດ​ພວມພັດ​ທະ​ນາ. ຝ່າຍ​ຈີນ​ຈະ​ສືບ​ຕໍ່​ຍຶດ​ໝັ້ນ​ໃນ​ຄຳ​ໝັ້ນ​ສັນ​ຍາ​ທີ່​ໃຫ້​ວັກ​ຊີນ​ກາຍ​ເປັນ​ຜະ​ລິດ​ຕະ​ພັນ​ສາ​ທາ​ລະ​ນະ​ຂອງ​ໂລກ.

ຕາມ​ສະ​ຖິ​ຕິ​ທີ່​ບໍ່​ຄົບ​ຖ້ວນ, ນັບ​ມາ​ຮອດ​ປັດ​ຈຸ​ບັນ, ມີ 40 ກ​ວ່າ​ປະ​ເທດ​ໄດ້​ສະ​ເໜີ​ຄວາມ​ຕ້ອງ​ການ​ຢາກ​​ນຳ​ເຂົ້າ​ວັກ​​ຊີນ​ຂອງ​ຈີນ. ເວົ້າ​ກ່ຽວ​ກັບ​ຈຳ​ນວນ​ໃບ​ສັ່ງ​ຊື້, ​ຢ່າງ​ໜ້ອຍ​ມີ 16 ປະ​ເທດ​ແລະ​ເຂດ​ແຄວ້ນ​ໄດ້​ເຊັນ​ສັນ​ຍາ​ສັ່ງ​ຊື້​ວັກ​ຊີນ​ຈີນ​ທີ່​ມີ​ຈຳ​ນວນຫຼາຍກວ່າ 500 ລ້ານຫຼອດ​. ​ເຂົ້າ​ແຖວ​ຈັດ​ຊື້ວັກ​​ຊີນ​ຈີນ, ຜູ້​ນຳ​ຫຼາຍປະ​ເທດ​ໄດ້​ສະ​ໝັກ​​ໃຈສັກ​ວັກ​ຊີນ​ຈີນ​ກ່ອນ​ໝູ່, ​ເມື່ອ​ບໍ່​ດົນ​ມາ​ນີ້, ມີປະ​ທາ​ນາ​ທິ​ບໍ​ດີ​ບາງ​ປະ​ເທດ​ໄປ​ຕ້ອນ​ຮັບ​ວັກ​ຊີນ​ຈີນ​ຢູ່​ສະ​ໜາມ​ບິນ……​ປະ​ເທດ​ຕ່າງໆ​ໄດ້​ກົດ​ໄລ​ວັກ​​ຊິນ​ປ້ອງ​ກັນໂຄວິດ-19 ຂອງ​ຈີນ​ດ້ວຍ​​ຄວາມ​ຈິງ​ໃຈ. ​ໃນ​ພິ​ທີ​ມອບ​-ຮັບ​ວັກ​ຊິນ​ທີ່​ຈັດ​ຂຶ້ນ​ໃນ​ວັນ​ທີ 8 ກຸມ​ພາ​ນີ້,  ທ່າ​ນ​ພັນ​ຄຳ ວິ​ພາ​ວັນ, ກຳ​ມະ​ການ​ກົມ​ການ​ເມືອງ​ສູນ​ກາງ​ພັກປະ​ຊາ​ຊົນ​ປະ​ຕິ​ວັດ​ລາວ, ຮອງ​ປະ​ທານ​ປະ​ເທດ​ແຫ່ງ ສ​ປ​ປ ລາວ ກ່າວ​ວ່າ, ​ກ່ອນ​ໜ້າ​ນີ້, ລັດ​ຖະ​ບານລາວ​ໄດ້​ສັກ​ວັກ​ຊີນ​ທີ່​ຜະ​ລິດ​ໂດຍ​ຈີນ​ໃຫ້​ແກ່​ກຸ່ມ​ຄົນ​ທີ່​ມີ​ຄວາມ​ສ່ຽງ​ສູງ​ໃນ​ການ​ຕິດ​ພະ​ຍາດ​ໂຄວິດ-19, ​ຜົນ​ການ​ສັກ​ວັກ​ຊີນບໍ່​​ໄດ້​ເກີດ​ມີ​ອາ​ການ​ແພ້​ຢາ ເຊິ່ງ​ໄດ້​ຢືນ​ຢັນ​ໃຫ້​ເຫັນ​ວ່າ​ວັກ​​ຊີນ​ຂອງ​ຈີ​ນ​ເປັນ​ວັກ​ຊິນ​ທີ່​ມີ​ປ​ະ​ສິດ​ທິ​​ຜົນ ແລະ​ມີ​ຄວາມ​ປອດ​ໄພ. ໃນ​ໄລ​ຍະ​ຕໍ່​ໄປ, ​ຝ່າຍ​ລາວ​ຈະ​ນຳ​ໃຊ້​ວັກ​ຊີນ​ປ້​ອງ​ກັນ​ໂຄວິດ-19 ຂອງ​ຈີນ​ໃຫ້​ເກີດ​ປະ​ໂຫຍດ​ສູງສຸດ. ໃນ​ຕອນ​ບ່າຍ​ຂອງວັນ​ທີ 7 ກຸມ​ພາ​ນີ້, ທ່ານ​ຮຸ​ນ​ແຊນ ນາ​ຍົກ​ລັດ​ຖະ​ມົນ​ຕີ​ກຳ​ປູ​ເຈຍ​ໄດ້​​ອອກໄປ​ຕ້ອນ​ຮັບ​ວັກ​ຊິນ​ຂອງ​ຈີນ​ຢູ່​ສະ​ໜາມ​ບິນ ໂດຍ​ກ່າວ​ເນັ້ນ​ວ່າ: ວັກ​ຊີນ​ປ້ອງ​ກັນ​ໂຄວິ​ດ-19 ມີ​ປະ​ສິ​ດ​ທິຜົນ ແລະ​ມີ​ຄວາມ​ປອດ​ໄພ, ຈີນ​ຈະ​ກາຍ​ເປັນ​ປະ​ເທດ​​ທີ່ສະ​ໜອງວັກ​​ຊີນ​ປ້ອງ​ກັນ​ໂຄ

ວິ​ດ-19 ທີ່​ປອດ​ໄພ ແລະ​ໝັ້ນ​ທ່​ຽງ​ທີ່​ສຸດ. ​ທ່ານ​ໂຈ​ໂກ ວີ​ໂດ​ໂດ, ປະ​ທາ​ນາ​ທິ​ບໍ​ດີ​ອິນ​ໂດ​ເນ​ເຊຍ ໄດ້​ເປັນ​ຜູ້​ທຳ​ອິດຂອງ​ປະ​ເທດ​ອິນ​​ໂດ​ເນ​ເຊຍ​ທີ່​ສະ​ໝັກ​ໃຈ​ສັກ​​ວັກ​ຊີນ​ປ້ອງ​ກັນ​ໂຄວິ​ດ-19 ຂອງ​ຈີນ, ການ​ສັກວັກ​ຊີນ​ປ້ອງ​ກັນ​ໂຄວິດ-19 ຈະ​ເປັນ​ກ​ານ​ປ້ອງ​ກັນ​ສຸ​ຂະ​ພາບ ແລະ​ຄວາມ​ປອ​ດ​ໄພ​ຂ​ອງ​ປະ​ຊາ​ຊົນ​ອິນ​ໂດ​ເນ​ເຊຍ.

ພາຍ​ໃຕ້​ສະ​ພາບ​ການ​ປັດ​ຈຸ​ບັນ​ທີ່​ວັກ​ຊີນ​ປ້ອງ​ກັນ​ໂຄວິ​ດ-19 ຢູ່​ທົ່ວ​ໂລກຂາດ​​ແຄນ ແລະ​ການ​ຈັດ​ສັນ​ບໍ່​ມີ​ຄວາມ​ທ່ຽງ​ທຳ, ວັກ​ຊີນ​ຂອງ​ຈີນ​ກໍ​ເໝືອນ​ດັ່ງ​ຄົນ​ກ້າ​ຫານ​ທີ່​ເກັ່ງ​ມວຍ​ກັ່ງ​ຟູ່, ​ຊ່ວຍ​ເປັນ​ຮົ້ວ​ທີ່​ໝັ້ນ​ແກ່ນ​ໃນ​ການ​ປ້ອງ​ກັນ ແລະ​ຄວບ​ຄຸມ​ພະ​ຍາດ​ໂຄວິ​ດ-19 ​ໃຫ້​ກັບ​ໂລກ. ຊີ​ວິດ​ຂອງ​ຄົນ​ມີຄ່າ​ທີ່​ສຸດ, ວັກ​​ຊີນ​ຂອງ​ຈີນ​ໄດ້​ສ່ອງ​ແສງ​ໃຫ້​ເຫັນ​ເຖິງ​ຄຳ​ທີ່​ວ່າ “ຖື​ຄົນ​ເປັນ​ກົກ ແລະຊີ​ວິດ​ຢູ່​ເໜືອ​ທຸກ​ສິ່ງ​ທຸກ​ຢ່າງ”​​ໄດ້​ຢ່າງ​ຈະ​ແຈ້ງ, ຈີນ​ໄດ້​ຊຸກ​ຍູ້​ການ​ສ້າງ​ປະ​ຊາ​ຄົມ​ຮ່ວມ​ສາ​ທາ​ລະ​ນະ​ສຸກ​ຂອງມ​ວ​ນ​ມະ​ນຸດ​ດ້ວຍ​ການ​ກະ​ທຳ​ຕົວ​ຈິງ.

​ພາບ: ແກ້ວ​ປະ​ເສີດ

ຂ່າວ: ດວງ​ພະ​ຈັນ ບົວ​ສະ​ຫວັນ

ຄຳ​ເຫັນ

0