ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ກຸມພານີ້, ທ່ານນາງເຜີງລີ້ຢວນ ພັນລະຍາຂອງທ່ານສີຈິ້ນຜິງ ປະທານປະເທດຈີນໄດ້ສົ່ງຈົດໝາຍໄປເຖິງຄູແລະນັກຮຽນຂອງໂຮງຮຽນມັດທະຍົມເບີກີນາຊິມເຢຍລະມັນ ເພື່ອໃຫ້ກຳລັງໃຈແກ່ເຂົາເຈົ້າປະກອບສ່ວນອັນໃໝ່ເຂົ້າໃນການເພີ່ມທະວີສາຍພົວພັນມິດຕະພາບລະຫວ່າງປະຊາຊົນຈີນ-ເຢຍລະມັນດ້ວຍຄວາມສະໜິດສະໜົມ.
ຈົດໝາຍຂອງທ່ານນາງເຜີງລີ້ຢວນໄດ້ລະບຸວ່າ: ຂ້າພະເຈົ້າໄດ້ຕັ້ງໃຈເບິ່ງວິດີໂອກ່ຽວກັບນັກຮຽນ 4 ຄົນຂອງຄະນະຮ້ອງເພງໝູ່ຂອງໂຮງຮຽນທີ່ໄດ້ຮ້ອງເພງພາສາຈີນທີ່ຊື່ວ່າ “ຫຼັງພະຍາດໂຄວິດ-19”, ພວກລູກຫຼານນັກຮຽນ ໄດ້ຮ້ອງເພງເພື່ອສະແດງໃຫ້ເຫັນເຖິງຄວາມປາຖະໜາທີ່ດີງາມໃນການສະໜັບສະໜູນປະຊາຊົນບັນດາປະເທດເອົາຊະນະພະຍາດໂຄວິດ-19ໂດຍໄວ. ເມື່ອ 1 ປີກ່ອນ, ພວກລູກຫຼານນັກຮຽນ ໄດ້ຮ້ອງເພງທີ່ຊື່ວ່າ “ຈົ່ງໃຫ້ໂລກເຕັມໄປດ້ວຍຄວາມຮັກ” ເພື່ອສະໜັບສະໜູນຈີນຕ້ານກັບພະຍາດ ເຊິ່ງໄດ້ສະແດງເຖິງມິດຕະພາບຕໍ່ປະຊາຊົນຈີນ. ປັດຈຸບັນ, ພະຍາດໂຄວິດ-19 ຍັງສືບຕໍ່ແຜ່ລະບາດຢ່າງຮ້າຍແຮງໃນທົ່ວໂລກ, ຂ້າພະເຈົ້າເປັນຫ່ວງທີ່ສຸດຕໍ່ສຸຂະພາບຂອງນັກຮຽນທັງຫຼາຍ, ຫວັງວ່າພວກລູກຫຼານນັກຮຽນພ້ອມດ້ວຍຄອບຄົວຈົ່ງເອົາໃຈໃສ່ປົກປ້ອງຕົນເອງໃຫ້ດີ. ຂ້າພະເຈົ້າເຊື່ອໝັ້ນວ່າ, ຫິມະນ້ຳກ້ອນຍ່ອມຈະລະລາຍໃນທີ່ສຸດ, ລະດູໃບໄມ້ປົ່ງກຳລັງໝູນວຽນມາເຖິງ. ປະຊາຊົນບັນດາປະເທດຮ່ວມກັນສຸມທຸກຄວາມພະຍາຍາມກໍຈະສາມາດເອົາຊະນະພະຍາດໄດ້ແນ່ນອນ. ຍິນດີຕ້ອນຮັບພວກລູກຫຼານນັກຮຽນມາແລກປ່ຽນແລະຮ່ຳຮຽນຢູ່ຈີນອີກຫຼັງຈາກການລະບາດຂອງພະຍາດສິ້ນສຸດລົງ, ເພື່ອເພີ່ມທະວີສາຍພົວພັນມິດຕະພາບລະຫວ່າງປະຊາຊົນໂດຍສະເພາະ ລະຫວ່າງຊາວໜຸ່ມຈີນ-ເຢຍລະມັນ.
ຄຳເຫັນ
0