ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 20 ກຸມພານີ້, ກອງປະຊຸມລະດົມການສຶກສາຮ່ຳຮຽນປະຫວັດສາດຂອງພັກກອມມູນິດຈີນໄດ້ຈັດຂຶ້ນຢູ່ນະຄອນຫຼວງປັກກິ່ງ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນໄດ້ຮຽກຮ້ອງໃຫ້ທົ່ວພັກດຳເນີນການສຶກສາຮ່ຳຮຽນປະຫວັດສາດຂອງພັກ, ຮຽນຮູ້ປະຫວັດສາດຂອງພັກ ຊາບຊຶ້ງແນວຄິດຂອງພັກ ເຮັດແທ້ທຳຈິງ ແລະ ເປີດສະພາບການໃໝ່, ພະຍາຍາມບາກບັ່ນສູ້ຊົນເພື່ອເປີດຂະບວນການໃໝ່ຂອງການສ້າງສາປະເທດສັງຄົມນິຍົມທີ່ທັນສະໄໝຢ່າງຮອບດ້ານ.
ປີນີ້ແມ່ນປີທີ່ພັກກອມມູນິດຈີນສ້າງຕັ້ງຂຶ້ນຄົບຮອບ 100 ປີ, ໃນກອງປະຊຸມດັ່ງກ່າວ, ທ່ານສີຈິ້ນຜິງກ່າວເນັ້ນວ່າ: ໃນຂະບວນການສູ້ຊົນຕະຫຼອດໄລຍະຮ້ອຍປີ ຜ່ານມາ, ພັກກອມມູນິດຈີນໄດ້ວິເຄາະ ແລະ ກຳແໜ້ນທ່ວງທ່າລວມຂອງປະຫວັດສາດດ້ວຍຫຼັກມູນພື້ນຖານຂອງລັດທິມາກ, ແກ້ໄຂບັນຫາສາຍພົວພັນລະຫວ່າງຈີນ ແລະໂລກຢ່າງຖືກຕ້ອງ, ຊຳນານໃນການກຳແໜ້ນ ແລະນຳໃຊ້ໂອກາດທາງປະຫວັດສາດຕ່າງໆໃຫ້ເປັນປະໂຫຍດ. ຕ້ອງສຶກສາ ແລະ ນຳພາທົ່ວພັກໂດຍຖືເອົາປະຊາຊົນໄວ້ຢູ່ຖານະສູງກວ່າໝູ່ໃນດວງໃຈຂອງຕົນຢ່າງສະເໝີຕົ້ນສະເໝີປາຍ, ແລະຖືເອົາຄວາມປາຖະໜາຂອງປະຊາຊົນທີ່ມີຕໍ່ຊີວິດການເປັນຢູ່ທີ່ດີງາມນັ້ນເປັນເປົ້າໝາຍສູ້ຊົນຂອງຕົນ, ຊຸກຍູ້ໃຫ້ການປະຕິຮູບ ແລະ ການພັດທະນາໃຫ້ມີຜົນປະໂຫຍດຕົວຈິງແກ່ປະຊາຊົນທັງປວງຫຼາຍກວ່າເກົ່າ ແລະ ຍຸດຕິທຳກວ່າເກົ່າ, ຊຸກຍູ້ໃຫ້ການສ້າງຄວາມຮັ່ງມີຮ່ວມກັນໄດ້ຮັບຄວາມຄືບໜ້າທີ່ແທ້ຈິງ ແລະ ພົ້ນເດັ່ນກວ່າເກົ່າ. ຕ້ອງສະຫຼຸບ ແລະນຳໃຊ້ບົດຮຽນຂອງພັກໃນການຮັບມື້ກັບຄວາມສ່ຽງ ແລະ ສິ່ງທ້າທາຍໃນໄລຍະຕ່າງໆຂອງປະຫວັດສາດ, ກະກຽມຮັບມືກັບການປ່ຽນແປງຂອງສະພາບແວດລ້ອມພາຍນອກທີ່ເປັນໄລຍະຍາວ, ຍົກສູງຄວາມສາມາດ ແລະ ລະດັບໃນການປົກຄອງປະເທດ ແລະ ການຄຸ້ມຄອງລັດຢ່າງບໍ່ຢຸດຢັ້ງ, ເສີມສ້າງຄວາມສາມາດໃນການຕ້ານການສໍ້ລາດບັງຫຼວງ ແລະ ຕ້ານກັບຄວາມສ່ຽງ.
ຄຳເຫັນ
0