ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ນັບແຕ່ໄດ້ດຳເນີນການປະຕິຮູບ ແລະ ເປີດປະຕູສູ່ພາຍນອກຂອງຈີນເປັນຕົ້ນມາ, ອີງຕາມມາດຕະຖານຄວາມທຸກຍາກໃນປະຈຸບັນ, ປະຊາກອນຜູ້ທຸກຍາກໃນຊົນນະບົດຈີນ770ລ້ານຄົນໄດ້ຫຼຸດພົ້ນອອກຈາກຄວາມທຸກຍາກ, ອີງຕາມມາດຕະຖານຄວາມທຸກຍາກໃນສາກົນຂອງທະນາຄານໂລກ, ຈຳນວນປະຊາຊົນຈີນທີ່ໄດ້ຫຼຸດພົ້ນອອກຈາກຄວາມທຸກຍາກກວມເອົາ 70 % ຂອງໂລກໃນໄລຍະດຽວກັນ.
ວັນທີ 25 ກຸມພານີ້, ທ່ານສີຈິ້ນຜິງໄດ້ກ່າວຢູ່ໃນພິທີສະຫຼຸບຜົນງານ,ຍ້ອງຍໍບຸກຄົນ ແລະ ໜ່ວຍງານທີ່ມີຜົນງານດີເດັ່ນໃນບັ້ນລຶບລ້າງຄວາມທຸກຍາກວ່າ, ຈີນຕັ້ງໜ້າດຳເນີນການຮ່ວມມືກັບສາກົນໃນດ້ານການຫຼຸດຜ່ອນຄວາມທຸກຍາກ, ປະຕິບັດພັນທະສາກົນໃນການຫຼຸດຜ່ອນຄວາມທຸກຍາກ, ໃຫ້ການຊ່ວຍເຫຼືອແກ່ປະເທດພວມພັດທະນາຕາມຄວາມສາມາດຂອງຕົນ, ຈີນເປັນຜູ້ຊຸກຍູ້ພາລະກິດຫຼຸດຜ່ອນຄວາມທຸກຍາກສາກົນຢ່າງເຂັ້ມແຂງ. ຜົນງານການລຶບລ້າງຄວາມທຸກຍາກຂອງຈີນແມ່ນເປັນຂອງປະເທດຈີນ, ທັງເປັນຂອງໂລກເຊັ່ນກັນ, ເຊິ່ງຈີນໄດ້ປະກອບສ່ວນອັນໃຫຍ່ຫຼວງເຂົ້າໃນການຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.
ຄຳເຫັນ
0