ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 26 ກຸມພານີ້, ກົມການເມືອງສູນກາງພັກກອມມູນິດຈີນໄດ້ດຳເນີນການຮ່ຳຮຽນລວມໝູ່ເປັນຄັ້ງທີ 28 ກ່ຽວກັບການປັບປຸງລະບົບປະກັນສັງຄົມທີ່ປົກຄຸມທົ່ວປວງຊົນໃຫ້ສົມບູນຂຶ້ນ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ເປັນປະທານຂອງການຮ່ຳຮຽນລວມໝູ່ໃນຄັ້ງນີ້ໂດຍກ່າວເນັ້ນວ່າ: ການປະກັນສັງຄົມເປັນລະບຽບການພື້ນຖານເພື່ອຮັບປະກັນແລະປັບປຸງຊີວິດການເປັນຢູ່ຂອງປະຊາຊົນ,ປົກປັກຮັກສາຄວາມຍຸຕິທຳທາງສັງຄົມ, ເພີ່ມຄວາມຜາສຸກໃຫ້ກັບປະຊາຊົນ, ເປັນການຈັດວາງອັນສຳຄັນໃນດ້ານລະບຽບການເພື່ອຊຸກຍູ້ການພັດທະນາເສດຖະກິດສັງຄົມ, ບັນລຸເປົ້າໝາຍໃຫ້ປະຊາຊົນທັງຫຼາຍສາມາດຮ່ວມກັນຊົມໃຊ້ໝາກຜົນຈາກການປະຕິຮູບແລະການພັດທະນາ, ເປັນບັນຫາສຳຄັນຍິ່ງໃນການບໍລິຫານປະເທດໃຫ້ມີຄວາມສະຫງົບ.ຕ້ອງເພີ່ມຄວາມແຮງໃນການແຈກຢາຍເທື່ອທີສອງ, ເພີ່ມທະວີບົດບາດການຊ່ວຍເຫຼືອເຊິ່ງກັນແລະກັນ, ຈັດເອົາປະຊາຊົນເຂົ້າໃນລະບົບປະກັນສັງຄົມໃຫ້ຫຼາຍກວ່າເກົ່າ, ສະໜອງການຮັບປະກັນທີ່ໜ້າເຊື່ອຖືແລະເຕັມສ່ວນກວ່າເກົ່າໃຫ້ແກ່ປະຊາຊົນທັງຫຼາຍ, ຕອບສະໜອງກັບຄວາມຮຽກຮ້ອງຕ້ອງການທີ່ມີຫຼາຍຮູບແບບແລະຫຼາຍລະດັບຂອງປະຊາຊົນຢ່າງບໍ່ຢຸດຢັ້ງ, ປັບປຸງລະບົບປະກັນສັງຄົມໃນຫຼາຍລະດັບທີ່ປົກຄຸມທົ່ວປວງຊົນ,ປະສົມປະສານຕົວເມືອງແລະຊົນນະບົດໃຫ້ເປັນເອກະພາບກັນ,ມີຄວາມຍຸຕິທຳ, ເອກະພາບແລະຍືນຍົງໃຫ້ສົມບູນຂຶ້ນ. ຮັດແໜ້ນເຄືອຂ່າຍຄວາມປອດໄພດ້ານການປະກັນສັງຄົມໃຫ້ແໜ້ນແຟ້ນຂຶ້ນຕື່ມ, ສົ່ງເສີມໃຫ້ວຽກງານປະກັນສັງຄົມຂອງຈີນມີການພັດທະນາດ້ວຍຄຸນນະພາບສູງແລະພັດທະນາແບບຍືນຍົງ.
ຄຳເຫັນ
0