ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 1 ມີນາປີ 2021, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ກ່າວຄຳປາໄສສຳຄັນໃນພິທີເປີດຊຸດຝຶກອົບຮົມໃຫ້ພະນັກງານໄວກາງຄົນແລະໄວໜຸ່ມຢູ່ໂຮງຮຽນທິດສະດີສູນກາງພັກຫຼືສະຖາບັນການປົກຄອງແຫ່ງຊາດໂດຍກ່າວເນັ້ນວ່າ: ພະນັກງານໜຸ່ມບໍ່ວ່າຈະຢູ່ໃນການເຄື່ອນໄຫວທາງສັງຄົມຫຼືເຮັດວຽກການບໍລິຫານທາງການເມືອງ, ກ່ອນອື່ນຕ້ອງແກ້ໄຂບັນຫາທີ່ວ່າ “ຕົນເອງແມ່ນໃຜ, ເຮັດເພື່ອໃຜແລະອາໄສໃຜ?” ຕ້ອງສະແຫວງຫາຢ່າງບໍ່ລົດລະເພື່ອຝຶກຝົນຫຼໍ່ຫຼອມຕົນເອງໃຫ້ມີຈິດໃຈທີ່ສູງສົ່ງຄື “ບໍ່ຄິດເພື່ອຕົນເອງ ແລະ ບໍ່ເຮັດໃຫ້ປະຊາຊົນຜິດຫວັງ”.
ສຳລັບຄຳທີ່ວ່າ “ບໍ່ຄິດເພື່ອຕົນເອງ ແລະ ບໍ່ເຮັດໃຫ້ປະຊາຊົນຜິດຫວັງ”, ທ່ານສີຈິ້ນຜິງໄດ້ເວົ້າມາຫຼາຍເທື່ອແລ້ວ.
ວັນທີ 22 ມີນາປີ2019, ທ່ານສີຈິ້ນຜິງໄດ້ພົບປະກັບທ່ານໂຣເບີໂຕ ຟີໂຄ ປະທານສະພາຕ່ຳອີຕາລີ
ເດືອນມີນາປີ 2019, ໃນໂອກາດທີ່ທ່ານສີຈິ້ນຜິງ ປະທານປະເທດຈີນຢ້ຽມຢາມປະເທດອີຕາລີ, ທ່ານໂຣເບີໂຕ ຟີໂຄ ປະທານສະພາຕ່ຳອີຕາລີໄດ້ຖາມທ່ານ ສີຈິ້ນຜິງບັນຫາໜຶ່ງທີ່ບໍ່ໄດ້ນອນຢູ່ໃນວາລະພົບປະ ຄື: “ໃນເວລາທ່ານໄດ້ຮັບເລືອກຕັ້ງເປັນປະທານປະເທດຈີນ, ທ່ານມີຄວາມຮູ້ສຶກແນວໃດ?”
ເມື່ອໄດ້ຍິນຄຳນີ້, ຄົນທັງຫຼາຍຢູ່ໃນຫ້ອງພົບປະພາກັນຫົວຂຶ້ນ, ທ່ານຟີໂຄກໍເວົ້າຕື່ມວ່າ: “ເມື່ອຂ້າພະເຈົ້າເອງໄດ້ຮັບເລືອກຕັ້ງເປັນປະທານສະພາຕ່ຳກໍຮູ້ສຶກຕື່ນເຕັ້ນຫຼາຍ, ສຳລັບປະເທດຈີນໃຫຍ່ປານນີ້, ທ່ານຂຶ້ນຮັບຕຳແໜ່ງເປັນຜູ້ນຳຂອງປະເທດທີ່ມີຄວາມສຳຄັນຫຼາຍໃນໂລກ, ທ່ານມີຄວາມຮູ້ສຶກແນວໃດ?”
ທ່ານສີຈິ້ນຜິງໄດ້ຕອບດ້ວຍຄວາມທຸ່ນທ່ຽງ ແລະນ້ຳສຽງທີ່ມີພະລັງວ່າ: “ປະເທດໃຫຍ່ປານນີ້, ເປັນພາລະໜ້າທີ່ທີ່ໜັກໜ່ວງ ແລະເປັນວຽກທີ່ລຳບາກທີ່ສຸດ. ຂ້າພະເຈົ້າຈະບໍ່ຄິດເພື່ອຕົນເອງ ແລະ ບໍ່ເຮັດໃຫ້ປະຊາຊົນຜິດຫວັງ. ຂ້າພະເຈົ້າຍິນດີເຮັດເຖິງຂັ້ນທີ່ວ່າ “ບໍ່ຄິດເພື່ອຕົນເອງ”, ອຸທິດຕົນເອງເຂົ້າໃນການພັດທະນາປະເທດຈີນ.”
ທ່ານ ຟີໂຄ ທີ່ໄດ້ຮັບອິດທິພົນຈາກວັດທະນະທຳຕາເວັນຕົກຄົງຍາກທີ່ຈະເຂົ້າໃຈໄດ້ທັນທີກ່ຽວກັບຄວາມໝາຍຂອງຄຳວ່າ “ບໍ່ຄິດເພື່ອຕົນເອງ ແລະ ບໍ່ເຮັດໃຫ້ປະຊາຊົນຜິດຫວັງ”, ເພາະວ່າ ຄົນຄົນໜຶ່ງ ແນ່ນອນແລ້ວຕ້ອງມີຜົນປະໂຫຍດສ່ວນຕົວ: ມີຕັນຫາ, ມີຄວາມຕ້ອງການເຄື່ອງນຸ່ງຖື,ຂອງກິນ,ເຮືອນຢູ່,ການເດີນທາງ, ເກີດແກ່ເຈັບຕາຍ, ຄຳວ່າ “ຕົວເອງ” ສະແດງໃຫ້ເຫັນຢູ່ໃນວັດຖຸຕົວຈິງແຕ່ລະອັນແລະເຫດການຕົວຈິງແຕ່ລະເລື່ອງ, ແຕ່ວ່ານີ້ຄື “ຕົວເອງ”ໃນຄວາມໝາຍແຄບ. ໃນວັດທະນະທຳດັ້ງເດີມຂອງຈີນ, ຄຳວ່າ “ບໍ່ຄິດເພື່ອຕົນເອງ”ເປັນພູມປັນຍາຊະນິດໜຶ່ງ, ເປັນການຫັນຜົນປະໂຫຍດສ່ວນຕົວໃຫ້ເປັນຜົນປະໂຫຍດຂອງມວນຊົນ. ໝາຍຄວາມວ່າ, ບໍ່ວ່າສິ່ງໃດກໍຕາມກໍຄິດເຫັນມວນຊົນ ກ່ອນ, ອຸທິດຕົນເພື່ອມວນຊົນດ້ວຍຈິດໃຈເອື້ອເຜື່ອເຜື່ອແຜ່. ນີ້ຄື “ຕົວເອງ”ທີ່ມີຈິດໃຈອັນສູງສົ່ງ.
ນີ້ຍັງໝາຍຄວາມວ່າ, ຄົນຄົນໜຶ່ງມີຖານະຍິ່ງສູງເທົ່າໃດ, ກໍຍິ່ງຕ້ອງແບກຫາບຄວາມຮັບຜິດຊອບຍິ່ງຫຼາຍເທົ່ານັ້ນ.
“ບໍ່ຄິດເພື່ອຕົນເອງ ແລະ ບໍ່ເຮັດໃຫ້ປະຊາຊົນຜິດຫວັງ” ຄຳນີ້ໄດ້ສະແດງໃຫ້ເຫັນຢ່າງແທ້ຈິງວ່າ ຜູ້ນຳປະເທດໃຫຍ່ຕາເວັນອອກຜູ້ໜຶ່ງທີ່ມີຄວາມຮັບຜິດຊອບຕໍ່ປະຊາຊົນຢ່າງຫຼວງຫຼາຍໂດຍບໍ່ມີຈຸດສິ້ນສຸດ, ແລະໄດ້ເຂັ້ມງວດຕໍ່ຕົນເອງ. ຂະນະດຽວກັນ, ນີ້ກໍເປັນຈິດໃຈອັນສູງສົ່ງທີ່ສຸດຂອງຊາວພັກກອມມູນິດຈີນ.
ວັນທີ 17 ມີນາປີ 2013, ທ່ານສີຈິ້ນຜິງໄດ້ໃຫ້ຄຳໝັ້ນສັນຍາຢ່າງໜັກແໜ້ນໃນພິທີອັດກອງປະຊຸມເທື່ອທຳອິດຂອງສະພາປະຊາຊົນແຫ່ງຊາດຈີນຊຸດທີ 12ວ່າ: ຈົງຮັກພັກດີຕໍ່ປະເທດຊາດ, ຈົງຮັກພັກດີຕໍ່ປະຊາຊົນ,ປະຕິບັດຕາມໜ້າທີ່ຕຳແໜ່ງດ້ວຍຄວາມຮັບຜິດຊອບສູງ, ດຸໝັ່ນເຮັດວຽກເພື່ອສ່ວນລວມ, ຮັບໃຊ້ປະຊາຊົນ,ປະກອບສ່ວນເພື່ອປະເທດຊາດ.
ທ່ານສີຈິ້ນຜິງໄປຢ້ຽມຢາມປະຊາຊົນຜູ້ທຸກຍາກ
ຫຼາຍປີຜ່ານມານີ້, ທ່ານສີຈິ້ນຜິງໄດ້ເວົ້າແບບນີ້ແລ້ວກໍໄດ້ເຮັດແບບນັ້ນແທ້. ແຕ່ລະປີ,ກ່ອນບຸນກຸດຈີນໃກ້ຈະໝູນວຽນມາເຖິງ ທ່ານຍັງຄົງປະຕີບັດໜ້າທີ່ວຽກງານໃຫ້ທິດຊີ້ນຳສຳຄັນ, ໃນລະຫວ່າງທ້າຍປີເກົ່າຫາຕົ້ນປີໃໝ່, ທ່ານໄດ້ເດີນທາງໄປຢ້ຽມຢາມປະຊາຊົນຜູ້ທຸກຍາກທີ່ຕົນຫ່ວງໃຍທີ່ສຸດ. ສິ່ງທີ່ທ່ານເອົາໃຈໃສ່ຢູ່ສະເໝີນັ້ນກໍຄື ເຮັດແນວໃດເພື່ອໃຫ້ຄຸນນະພາບອາກາດດີຂຶ້ນ, ໃຫ້ໝອກຄວັນພິດຫຼຸດໜ້ອຍລົງ, ແມ່ນ້ຳລຳເຊ,ຫ້ວຍໜອງຄອງບຶງສົດໃສຂຶ້ນ,ວຽກງານບໍລິການລ້ຽງດູຜູ້ເຖົ້າດຳເນີນໄປໄດ້ດີຫຼືບໍ?... ທັງໝົດນີ້ກໍຍ້ອນວ່າ ທ່ານໄດ້ຖືປະຊາຊົນໄວ້ໃນໃຈໃນຖານະສຳຄັນທີ່ສຸດ, ຈິ່ງສາມາດເຮັດໄດ້ເຖິງຂັ້ນບໍ່ຄິດເພື່ອຕົນເອງ, ໄດ້ໃຊ້ການກະທຳຕົວຈິງເພື່ອອະທິບາຍຄຳວ່າ “ພັກກອມມູນິດຈີນບໍ່ມີຜົນປະໂຫຍດພິເສດຂອງຕົນ”.
ທ່ານສີຈິ້ນຜິງໄປຢ້ຽມຢາມປະຊາຊົນຢູ່ທ້ອງຖິ່ນ
“ບໍ່ຄິດເພື່ອຕົນເອງ ແລະ ບໍ່ເຮັດໃຫ້ປະຊາຊົນຜິດຫວັງ” ຄຳນີ້ຍັງໄດ້ອະທິບາຍດ້ວຍຄຳສັບທີ່ເຂົ້າໃຈໄດ້ງ່າຍໃຫ້ກັບໂລກໄດ້ຮັບຮູ້ເຖິງສະຕິປັນຍາຂອງຈີນໃນການບໍລິຫານປະເທດ.
ເປັນຫຍັງຈິ່ງວ່າຊັ້ນ? ກໍຍ້ອນວ່າ ສິ່ງທີ່ຈີນມອບໃຫ້ໂລກນັ້ນ ບໍ່ພຽງແຕ່ແມ່ນສິນຄ້າ, ເຕັກນິກແລະເງິນທຶນເທົ່ານັ້ນ, ຍັງມີແນວຄິດ, ທັດສະນະທີ່ມີລະດັບສູງພ້ອມດ້ວຍຈະລິຍະທຳແລະຄຸນສົມບັດ. ການທີ່ເພີ່ມທະວີການແລກປ່ຽນ ບົດຮຽນດ້ານການບໍລິຫານປະເທດ ກັບປະເທດອື່ນນັ້ນແມ່ນສິ່ງສຳຄັນທີ່ຈີນປະກອບສ່ວນໃນດ້ານສະຕິປັນຍາຂອງຕົນໃຫ້ກັບປະຊາຄົມໂລກໃນປັດຈຸບັນ.
ທ່ານສີຈິ້ນຜິງໄປຢ້ຽມຢາມປະຊາຊົນຜູ້ທຸກຍາກ
ໃນການເດີນທາງໄປຢ້ຽມຢາມຕ່າງປະເທດທຸກເທື່ອ, ທ່ານສີຈິ້ນກໍໄດ້ນຳໃຊ້ໂອກາດຕ່າງໆເຊັ່ນ:ການພົບປະເຈລະຈາ, ການເຂົ້າຮ່ວມກອງປະຊຸມ,ການສຳມະນາແລະການຢ້ຽມຊົມ, ເພື່ອອະທິບາຍແນວທາງແລະແນວຄິດການພັດທະນາຂອງຈີນທີ່ວົງການພາຍນອກໃຫ້ຄວາມສົນໃຈ, ທັງໄດ້ແບ່ງປັນບົດຮຽນການບໍລິຫານປະເທດກັບຜູ້ນຳບັນດາປະເທດ. ຫຼັກການເພື່ອປະຊາຊົນເປັນຫຼັກໝັ້ນພື້ນຖານທາງດ້ານການເມືອງຂອງພັກກອມມູນິດຈີນ, ເປັນຂີດໝາຍອັນພົ້ນເດັ່ນຂອງພັກການເມືອງທີ່ຖືລັດທິມາກທີ່ແຕກຕ່າງກັນກັບພັກການເມືອງອື່ນ.
“ບໍ່ຄິດເພື່ອຕົນເອງ ແລະ ບໍ່ເຮັດໃຫ້ປະຊາຊົນຜິດຫວັງ” ໄດ້ອະທິບາຍຢ່າງຈະແຈ້ງແລະເຂັ້ມແຂງວ່າ ໃນດ້ານການສະແຫວງຫາສັດທາຈາກປະຊາຊົນນັ້ນ, ເມື່ອທຽບໃສ່ປະເທດຕາເວັນຕົກແລ້ວ, ຈີນບໍ່ພຽງແຕ່ບໍ່ມີໜ້ອຍກວ່າປະເທດຕາເວັນຕົກເທົ່ານັ້ນ, ແຕ່ຍັງຫຼາຍກວ່າອີກ. ບາງພັກການເມືອງຂອງປະເທດຕາເວັນຕົກທຳມະດາແລ້ວເປັນຜູ້ຕາງໜ້າໃຫ້ແກ່ຊົນຊັ້ນໃດໜຶ່ງຫຼືດ້ານໃດໜຶ່ງ, ແຕ່ພັກກອມມູນິດຈີນແມ່ນຕ້ອງຕາງໜ້າໃຫ້ປະຊາຊົນທຸກຖ້ວນໜ້າ.
ຕະຫຼອດຊີວິດຂອງຄົນເຮົາທຸກຄົນອາດຈະມີຄຳຖາມໜຶ່ງທີ່ຄົນເຮົາໄດ້ສະແຫວງຫາຄຳຕອບຢ່າງບໍ່ຢຸດຢັ້ງຄື “ຂ້ອຍແມ່ນໃຜ? ມາຈາກໃສ ແລະຈະໄປທາງໃດ?”
ທ່ານສີຈິ້ນຜິງໄດ້ບອກໃຫ້ຮູ້ດ້ວຍການກະທຳຕົວຈິງວ່າ: ເພິ່ນແມ່ນຜູ້ຮັບໃຊ້ປະຊາຊົນ, ມາຈາກປະຊາຊົນແລະຮັບໃຊ້ປະຊາຊົນ. ທ່ານຍັງໄດ້ປະຕິບັດຕົວຈິງຕາມຄຳເວົ້າທີ່ຕົນເຄີຍເວົ້າຜ່ານມາຄື: “ໃນເມື່ອພັກແລະລັດໄດ້ມອບຊາຕາກຳໄວ້ໃຫ້ກັບພວກເຮົາ, ພວກເຮົາກໍຕ້ອງແບກຫາບຄວາມຮັບຜິດຊອບອັນນີ້.” ບໍ່ວ່າຈະມີຖານະຕຳແໜ່ງສູງປານໃດ, ສິດອຳນາດລ້ວນແຕ່ແມ່ນປະຊາຊົນມອບໃຫ້. “ບໍ່ຄິດເພື່ອຕົນເອງ" ຈຸດປະສົງກໍເພື່ອ ບໍ່ເຮັດໃຫ້ປະຊາຊົນຜິດຫວັງ”
ຄຳເຫັນ
0