ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນເດືອນທັນວາປີ 2012, ທ່ານສີຈິ້ນຜິງ ປະທານປະເທດຈີນໄດ້ເດີນທາງມາໄປຢ້ຽມຢາມປະຊາຊົນຜູ້ທຸກຍາກຢູ່ເມືອງຟູ້ຜິງແຂວງເຮີເປີຍໃນລະດູໜາວທີ່ມີອຸນຫະພູມລົບ 10 ກວ່າອົງສາ, ເພື່ອກວດເບິ່ງສະພາບຄວາມເປັນຕົວຈິງ, ເພື່ອສ້າງນະໂຍບາຍທີ່ຖືກຕ້ອງ.
ວັນທີ 30 ທັນວາປີ 2012, ທ່ານສີຈິ້ນຜິງໄດ້ໄປຢ້ຽມຢາມເຮືອນຂອງທ່ານຖັງຣົງປິ່ນ ແລະນາງຖັງຈົ່ງຊິ້ວ, ຖາມເຖິງລາຍຮັບສະເລ່ຍຕໍ່ປີຂອງເຂົາເຈົ້າ, ຖາມວ່າມີອາຫານພຽງພໍບໍ, ມີຜ້າຫົ່ມໃຊ້ໃນລະດູໜາວບໍ, ມີຖ່ານຫີນເຮັດອາຍອຸ່ນພຽງພໍບໍ, ເດັກນ້ອຍໄປຮຽນໄກຫຼືບໍ, ໄປປິ່ນປົວສະດວກບໍ. ເມື່ອເຫັນບາງຄົນຍັງບໍ່ທັນຫຼຸດພົ້ນອອກຈາກຄວາມທຸກຍາກ, ທ່ານສີຈິ້ນຜິງກ່າວເນັ້ນວ່າ: ຂໍພຽງແຕ່ມີຄວາມໝັ້ນໃຈ, ດິນກໍສາມາດຫັນເປັນເງິນຄຳໄດ້.
ໜ້າເຮືອນຂອງນາງທັງຈົ່ງສີ້ວ ມີເສັ້ນທາງທີ່ເຮັດດ້ວຍຫີນແຮ່, ຍ່າງໄປບໍ່ສະດວກ. ເມື່ອທ່ານສີຈິ້ນຜິງຍ່າງອອກຈາກເຮືອນ, ນາງໄດ້ຍ່າງຈູງແຂນທ່ານສີຈິ້ນຜິງເພື່ອສົ່ງທາງ. ເມື່ອທວນຄືນເຫດການໃນຄັ້ງນັ້ນ, ນາງຖັງຈົ່ງຊິ້ວເວົ້າດ້ວຍຮອຍຍິ້ມວ່າ: ໃນເວລານັ້ນ ຂ້ອຍບອກໃຫ້ທ່ານຄ່ອຍໆຍ່າງເດີ ແລະທ່ານກໍບອກຂ້ອຍວ່າຄ່ອຍໆຍ່າງເດີ, ເພາະທາງຍ່າງບໍ່ຄ່ອຍສະດວກ.
ໃນເດືອນກຸມພາປີ 2020, ເມືອງຟູ້ຜິງໄດ້ຫຼຸດພົ້ນອອກຈາກຄວາມທຸກຍາກ, ລາຍຮັບທີ່ຈັບຈ່າຍໄດ້ສະເລ່ຍຕໍ່ຫົວຄົນໄດ້ຍົກສູງຂຶ້ນຈາກ 3262 ຢວນໃນປີ 2012 ເປັນ 10830 ຢວນໃນປີ 2020. ທິດຊີ້ນຳຂອງທ່ານສີຈິ້ນຜິງທີ່ໃຫ້ພີ່ນ້ອງປະຊາຊົນມີຊີວິດການເປັນຢູ່ທີ່ດີຂຶ້ນໂດຍໄວໄດ້ບັນລຸຜົນເປັນຈິງແລ້ວຢູ່ເມືອງຟູ້ຜິງ.
ຄຳເຫັນ
0