ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນໄລຍະມໍ່ໆມານີ້, ນັກການເມືອງ ແລະສື່ມວນຊົນຂອງປະເທດຕາເວັນຕົກຈຳນວນໜຶ່ງ ໄດ້ເສກສັນປັ້ນແຕ່ງຂ່າວລືກ່ຽວກັບບັນຫາຊີ່ນຈ່ຽງຂອງຈີນຢ່າງປ່ວງບ້າ ໂດຍບໍ່ພຽງແຕ່ໄດ້ຕຳໜິຈີນວ່າໄດ້ປະຕິບັດນະໂຍບາຍ “ຂ້າລ້າງເຊື້ອຊາດຜິວພັນ” ເຜົ່າອຸຍເກີເທົ່ານັ້ນ, ຍັງໄດ້ອ້າງ “ບັນຫາສິດທິມະນຸດຢູ່ເຂດຊີ່ນຈ່ຽງ”ໄປຜູກພັນກັບງານກິລາໂອລິມປິກປັກກິ່ງອີກດ້ວຍ.
ໂດຍນແນໃສ່ປະເທດຕາເວັນຕົກຈຳນວນໜຶ່ງຕັ້ງໃຈໃສ່ຮ້າຍປ້າຍສີຈີນ ແລະໂຈມຕີລັດຖະບານຈີນດ້ວຍຂໍ້ອ້າງບັນຫາຊີ່ນຈ່ຽງ, ທ່ານຫວາງຢີ້, ທີ່ປຶກສາແຫ່ງລັດ, ທັງເປັນລັດຖະມົນຕີກະຊວງການຕ່າງປະເທດຈີນໄດ້ກ່າວໃນກອງປະຊຸມຂັ້ນສູງຄັ້ງທີ 46 ຂອງສະພາສິດທິມະນຸດອົງການສະຫະປະຊາຊາດວ່າ: ໂດຍຜ່ານຄວາມພະຍາຍາມຂອງປະຊາຊົນບັນດາເຜົ່າຂອງຈີນ, ສັງຄົມໃນເຂດຊີ່ນຈ່ຽງມີຄວາມປອດໄພ ແລະໝັ້ນທ່ຽງ, ການພັດທະນາກໍມີທ່ວງທ່າທີ່ດີ, ຊີວິດການເປັນຢູ່ຂອງປະຊາຊົນມີຄວາມຜາສຸກ. ຫຼາຍປີມານີ້, ປະຊາກອນເຜົ່າອຸຍເກີຢູ່ເຂດຊີ່ນຈ່ຽງໄດ້ເພີ່ມຂຶ້ນ 25% ເຊິ່ງ ເພີ່ມຂຶ້ນ 12 ເທົ່າເມື່ອທຽບກັບຈຳນວນເພີ່ມຂຶ້ນຂອງເຜົ່າຮັ້ນຂອງຈີນ. ສະນັ້ນ, ອັນທີ່ເອີ້ນວ່າ “ຊີ່ນຈ່ຽງມີການຂ້າລ້າງເຊື້ອຊາດຜິວພັນ” ແລະບັນຫາອື່ນໆ ບໍ່ແມ່ນຄວາມຈິງເລີຍ.
ສ່ວນປະເທດທີ່ເສກສັນປັ້ນແຕ່ງຂ່າວລືດັ່ງກ່າວ, ເຂົາເຈົ້າພັດໄດ້ຫຼົງລືມປະຫວັດສາດຂອງຕົນທີ່ຂ້າລ້າງຊົນເຜົ່າພື້ນເມືອງ, ເບິ່ງຂ້າມບັນຫາຕ່າງໆທີ່ຍັງຄົງມີຢູ່ໃນສັງຄົມຂອງປະເທດຕົນ ເຊັ່ນ: ບັນຫາການຈຳແນກເຊື້ອຊາດຜິວພັນທີ່ຮ້າຍແຮງ, ການລ່ວງລະເມີດສິດທິ ແລະຜົນປະໂຫຍດຂອງຊົນເຜົ່າພື້ນເມືອງ ແລະບັນຫາອຶ່ນໆ, ກໍເໝືອນດັ່ງຄົນທີ່ຢູ່ໃນຮູບກາຕູນແຜ່ນນີ້, ເຂົາເຈົ້າຢຽບຢ່ຳກຽດສັກສີຂອງຊົນເຜົ່າພື້ນເມືອງຂອງປະເທດຕົນ, ພັດໄດ້ສາດນ້ຳເປື້ອນໃສ່ຈີນດ້ວຍຂໍ້ອ້າງສິດທິມະນຸດ. ສະນັ້ນຈຶ່ງເວົ້າໄດ້ວ່າ: ປະເທດເຫຼົ່ານີ້ແຫຼະ ທີ່ເປັນຄົນ “ຂ້າລ້າງເຊື້ອຊາດຜິວພັນ”ນັ້ນເອງ.
ພາບ: ແກ້ວປະເສີດ
ບົດ: ດວງພະຈັນ ບົວສະຫວັນ
ຄຳເຫັນ
0