ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນເຊົ້າວັນທີ 5 ມີນານີ້, ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນສະໄໝທີ13ໄດ້ໄຂຂຶ້ນຢູ່ນະຄອນຫຼວງປັກກິ່ງ. ຕອນບ່າຍມື້ດຽວກັນ, ທ່ານສີຈິ້ນຜິງປະທານປະເທດຈີນໄດ້ປຶກສາຫາລືກັບຄະນະຜູ້ແທນເຂດປົກຄອງຕົນເອງມົງໂກໃນທີ່ເຂົ້າຮ່ວມກອງປະຊຸມຄັ້ງນີ້ເພື່ອຮ່ວມກັນພິຈາລະນາບົດລາຍງານວຽກງານຂອງລັດຖະບານ. ນີ້ແມ່ນເທື່ອທີ 4 ແລ້ວທີ່ທ່ານໄດ້ປຶກສາຫາລືກັບຄະນະຜູ້ແທນມົງໂກໃນ.
ບັນຫາກ່ຽວກັບການປ້ອງກັນແລະປົວແປງມົນລະພິດຂອງໜອງຮູລຸນ, ໜອງອູລຽງຊູ້ແລະໜອງໄຕ້ໄຫຢູ່ເຂດມົງໂກໃນເປັນສິ່ງທີ່ທ່ານສີຈິ້ນຜິງໄດ້ເອົາໃຈໃສ່ມາໂດຍຕະຫຼອດ. ໃນໂອກາດປຶກສາຫາລືກັບຄະນະຜູ້ແທນມົງໂກໃນເທື່ອນີ້, ທ່ານໄດ້ກ່າວເນັ້ນອີກຄັ້ງໜຶ່ງວ່າ: ຕ້ອງປົກປ້ອງສິ່ງແວດລ້ອມນິເວດຢູ່ມົງໂກໃນໃຫ້ດີ, ສ້າງແນວປ້ອງກັນຄວາມໝັ້ນຄົງດ້ານນິເວດຂອງພາກເໜືອປະເທດຊາດໃຫ້ໝັ້ນແກ່ນ.
ທ່ານສີຈິ້ນຜິງຊີ້ອອກວ່າ:ຕ້ອງກຳນົດທີ່ຕັ້ງຂອງມົງໂກໃນຢູ່ໃນຂະບວນການສ້າງສະພາບການພັດທະນາໃໝ່ຂອງທົ່ວປະເທດໃຫ້ຖືກຕ້ອງ,ລົງເລິກວິເຄາະຂົງເຂດທີ່ມີທ່າແຮງແລະຈຸດອ່ອນຂອງຕົນ, ກຳນົດອຸດສາຫະກຳຈຸດສຸມແລະທິດທາງຈຸດສຸມໃນການພັດທະນາເສດຖະກິດຢ່າງຈະແຈ້ງຕື່ມອີກ
ນອກນີ້, ທ່ານສີຈິ້ນຜິງຍັງໄດ້ກ່າວເຖິງສິ່ງສຳຄັນສອງຢ່າງຄື: ການປັບປຸງແລະເສີມຂະຫຍາຍຄວາມສາມັກຄີແຫ່ງຊາດ ແລະ ກຳແໜ້ນວຽກງານການສຶກສາອົບຮົມກ່ຽວກັບປະຫວັດສາດຂອງພັກໃຫ້ດີ.
ທ່ານສີຈິ້ນຜິງກ່າວວ່າ:ການຍອມຮັບວັດທະນະທຳເປັນການຍອມຮັບໃນລະດັບທີ່ເລິກເຊິ່ງທີ່ສຸດ, ເປັນຮາກເຫງົ້າຂອງຄວາມສາມັກຄີແຫ່ງຊາດ, ເປັນຈິດວິນຍານຂອງຄວາມປອດດອງແຫ່ງຊາດ. ຕ້ອງເອົາໃຈໃສ່ປະຕິບັດວຽກງານໂຄສະນາເຜີຍແຜ່ພາສາທາງການແລະຕົວໜັງສືຈີນທີ່ໃຊ້ທົ່ວໄປໃຫ້ດີ, ຊຸກຍູ້ການນຳໃຊ້ປຶ້ມແບບຮຽນທີ່ລັດຮຽບຮຽງໃຫ້ເປັນເອກະພາບ ຢ່າງຮອບດ້ານ, ເຮັດໃຫ້ປະຊາຊົນບັນດາເຜົ່າເພີ່ມການຍອມຮັບຕໍ່ປະເທດຊາດທີ່ຍິ່ງໃຫຍ່, ຊົນຊາດຈີນ, ວັດທະນະທຳຈີນ,ພັກກອມມູນິດຈີນແລະສັງຄົມນິຍົມທີ່ມີສີສັນພິເສດຂອງຈີນ.
ການປຶກສາຫາລືກັບຄະນະຜູ້ແທນມົງໂກໃນເທື່ອນີ້, ທ່ານສີຈິ້ນຜິງຮູ້ດີກ່ຽວກັບຊັບພະຍາກອນການປະຕິວັດ ຢູ່ເຂດມົງໂກໃນທັງໄດ້ຍົກໃຫ້ເຫັນຢ່າງລະອຽດ,ທ່ານກ່າວວ່າ: ໃນຂະບວນການສຶກສາອົບຮົມປະຫວັດສາດຂອງພັກຄວນໝູນໃຊ້ຊັບພະຍາກອນການປະຕິວັດເຫຼົ່ານີ້ໃຫ້ມີປະສິດທິຜົນ, ຕ້ອງເຮັດໃຫ້ໄດ້ເຖິງຂັ້ນທີ່ຮຽນປະຫວັດສາດຂອງພັກ, ເຊື່ອຊຶມແນວຄິດຂອງພັກ, ເຮັດແທ້ທຳຈິງແລະເປີດສະພາບການໃໝ່.
ຄຳເຫັນ
0