​ເນື່ອງ​ໃນ​ໂອ​ກາດ​ວັນ​ແມ່​ຍິງ​ສາ​ກົນ 3 ມີ​ນາ ໄດ້​ໝູນ​ວຽນ​ມາ​ເຖິງ, ທ່ານ​ສີ​ຈິ້ນ​ຜິງ ​ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ຈີນ​ໄດ້ຕາງ​ໜ້າ​ໃຫ້​ສູນ​ກາງ​ພັກສົ່ງ​ຄຳ​ອວຍ​ພອນ​ອັນ​ດີ​ງາມ​ແລະ​ພອນ​ໄຊ​ອັນ​ປະ​ເສີດ​ໄປ​ຍັງ​ແມ່​ຍິງ​ບັນ​ດາ​ເຜົ່າ​ແລະ​ວົງ​ການ​ຕ່າງໆ​ໃນ​ທົ່ວ​ປະ​ເທດ​ຈີນ.

 

 ທ່ານ​ສີ​ຈິ້ນ​ຜິງ​ກ່າວ​ວ່າ: ແມ່​ຍິງ​ທັງຫຼາຍ​ໄດ້​ຕັ້ງ​ໜ້າ​ເຂົ້າ​ຮ່ວມ​ພາ​ລະ​ກິດ​ສ້າງ​ສາ​ສັງ​ຄົມ​ນິ​ຍົມ​ທີ່​ມີ​ສີ​ສັນ​ພິ​ເສດ​ຂອງ​ຈີນ​ໃນ​ຍຸກ​ໃໝ່ດ້ວຍ​ຄວາມ​ສະ​ຫງ່າ​ຜ່າ​ເຜີຍ​ແລະ​ຄວາມ​ພະ​ຍາ​ຍາມ​ທີ່​ບໍ່​ນ້ອຍ​ໜ້າ​ຜູ້​ຊາຍ, ໄດ້​ເສີມ​ຂະ​ຫຍາຍ​ບົດ​ບາດ​ສຳ​ຄັນ​ຂອງ​ຕົນ, ໂດຍ​ສະ​ເພາະ​ໃນ​ແນວ​ຮົບ​ຕ່າງໆ​ເຊັ່ນ​: ໃນບັ້ນ​ສູ້​ຊົນ​ຍາດ​ເອົາ​ໄຊ​ຊະ​ນະ​ຂັ້ນ​ສຸດ​ທ້າຍ​ໃນ​ການ​ສ້າງ​ສັງ​ຄົມ​ທີ່​ອີ່ມ​ໜຳ​ສຳ​ລານ​ໃຫ້​ສຳ​ເລັດ​ຮອບ​ດ້ານ, ບັ້ນ​ລຶບ​ລ້າງ​ຄວາມ​ທຸກ​ຍາກ, ບັ້ນ​ຕ້ານ​ກັບ​ພະ​ຍາດ​ໂຄວິດ-19ເປັນ​ຕົ້ນ, ແມ່​ຍິງ​ທັງຫຼາຍ​ໄດ້​ແຂ່ງ​ຂັນ​ກັນ​ສ້າງ​ຜົນ​ງານ, ບຸກ​ບືນ​ສູ້​ຊົນ​ດ້ວຍ​ຄວາມ​ອົດ​ທົນ ເຊິ່ງ​ໄດ້​ສ່ອງ​ແສງ​ໃຫ້​ເຫັນ​ເຖິງ​​ໂສມ​ໜ້າ​ຂອງແມ່​ຍິງຈີນ​ໃນ​ຍຸກ​ໃໝ່​ຢ່າງ​ເຕັມ​ສ່ວນ.
 

ໂສມ​ໜ້າ​ຂອງ​ແມ່​ຍິງ​ຈີນ​ໃນ​ຍຸກ​ໃໝ່