ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຮັດໃຫ້ນັກຮຽນຢູ່ເຂດຊົນນະບົດສາມາດໄດ້ຮັບການສຶກສາເປັນຢ່າງດີແມ່ນໜ້າທີ່ສຳຄັນໃນການພັດທະນາ ແລະຫຼຸດຜ່ອນຄວາມທຸກຍາກ, ທັງແມ່ນຊ່ອງທາງສຳຄັນໃນການສະກັດກັ້ນບໍ່ໃຫ້ຄວາມທຸກຍາກຕົກທອດຈາກລຸ້ນນີ້ສູ່ລຸ້ນໜ້າ. ທ່ານສີຈິ້ນຜິງໄດ້ກ່າວເນັ້ນມາຫຼາຍເທື່ອແລ້ວວ່າ: ການແກ້ໄຂຄວາມທຸກຍາກຕ້ອງແກ້ໄຂຄວາມເຊື່ອຖືງົມງວາຍກ່ອນ, ການຊ່ວຍເຫຼືອເພື່ອຫຼຸດພົ້ນອອກຈາກຄວາມທຸກຍາກຕ້ອງຊ່ວຍເຫຼືອການສຶກສາກ່ອນ. ເພື່ອໃຫ້ຄົນລຸ້ນຕໍ່ໄປມີຊີວິດການເປັນຢູ່ທີ່ດີ, ຕ້ອງສ້າງໃຫ້ເຂົາເຈົ້າມີຄວາມຮູ້. ບຳລຸງສ້າງເດັກນ້ອຍຢູ່ເຂດທຸກຍາກໃຫ້ມີຄວາມຮູ້ຄວາມສາມາດແມ່ນວິທີພື້ນຖານໃນການຫຼຸດພົ້ນອອກຈາກຄວາມທຸກຍາກ.
ໃນໄລຍະ 8 ປີຜ່ານມາ, ຈີນມີເມືອງທຸກຍາກ 832 ແຫ່ງ ແລະມີຜູ້ທຸກຍາກເກືອບ 100 ລ້ານຄົນໄດ້ຫຼຸດພົ້ນອອກຈາກຄວາມທຸກຍາກ. ໃນນັ້ນ, ໄດ້ຊ່ວຍເຫຼືອນັກຮຽນຜູ້ທຸກຍາກທີ່ປະລະການຮຽນຈຳນວນ 2 ແສນກວ່າຄົນ, ຮັບປະກັນ “ບໍ່ໃຫ້ເດັກນ້ອຍຈາກຄອບຄົວທຸກຍາກປະລະການຮຽນແມ່ນແຕ່ຄົນດຽວ”; ນະໂຍບາຍ “ຊ່ວຍເຫຼືອຜູ້ທຸກຍາກໃນດ້ານການສຶກສາ ແລະຈິດໃຈ” ໄດ້ເຮັດໃຫ້ນັກຮຽນທຸກຍາກທີ່ໄດ້ລົງທະບຽນຈຳນວນ 5140500 ຄົນສາມາດຮຽນຢູ່ມະຫາວິທະຍາໄລໄດ້.
ໃນຖານະເປັນປະເທດທີ່ພວມພັດທະນາ, ເສັ້ນທາງການລຶບລ້າງຄວາມທຸກຍາກຂອງລາວກໍຜະເຊີນໜ້າກັບບັນຫາດ້ານການສຶກສາເຊັ່ນກັນ. ໂດຍສະເພາະຢູ່ເຂດຊົນນະບົດ, ລະດັບການສຶກສາຕ່ຳ ແລະລະດັບການພັດທະນາເສດຖະກິດຕ່ຳກໍເຮັດໃຫ້ປະຊາຊົນມີທັດສະນະການພັດທະນາ, ການປະດິດສ້າງໃໝ່ ແລະການສູ້ຊົນໂດຍຜ່ານການສຶກສາ, ເຮັດໃຫ້ປະຊາຊົນມີຄວາມຮູ້ຄວາມສາມາດຫຼາຍຂຶ້ນ ແລະມີສິດອຳນາດພື້ນຖານທີ່ສຸດໃນເລືອກວິທີການດຳລົງຊີວິດ.
ຈີນ ແລະລາວເປັນປະເທດທີ່ມີການໄປມາຫາສູ່ກັນຢ່າງມີໄມຕີຈິດມິດຕະພາບທີ່ດີມາເປັນເວລາດົນນານ, ໃນຊຸມປີຜ່ານມາ ມີນັກສຶກສາລາວທີ່ຮຽນຢູ່ຈີນນັບມື້ນັບຫຼາຍຂຶ້ນ, ສະເພາະໃນປີ 2018 ຫາ 2019, ຕາມຕົວເລກຂອງສະຖານທູດລາວປະຈຳຈີນທີ່ນະຄອນຫຼວງປັກກິ່ງໄດ້ຄຸ້ມຄອງນັກສຶກສາລາວທີ່ຮຽນຢູ່ຈີນທັງໝົດ 7271 ຄົນ. ຕາມສັນຍາຂອບການຮ່ວມມືລາວ-ຈີນ, ລັດຖະບານຈີນໄດ້ສະໜອງທຶນການສຶກສາໃຫ້ລາວ 350 ລາຍການ. ນອກຈາກນີ້, ລັດຖະບານຈີນໄດ້ສະໜອງທຶນການສຶກສາດ້ານການພັດທະນາທາງລົດໄຟຫຼາຍກວ່າ 20 ລາຍການ, ເພື່ອບຳລຸງສ້າງຜູ້ມີຄວາມຮູ້ຄວາມສາມາດດ້ານໃຫ້ແກ່ການພັດທະນາເສດຖະກິດ-ສັງຄົມຂອງລາວຢ່າງຮອບດ້ານ.
“ເຖິງຈະຫຍຸ້ງຍາກລຳບາກແນວໃດກໍຈະບໍ່ປ້ອຍໃຫ້ເດັກນ້ອຍ; ເຖິງຈະທຸກຍາກສ່ຳໃດກໍຕາມກໍຈະບໍ່ໃຫ້ການສຶກສາທຸກຍາກ.” ພາຍໃຕ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແນວຄວາມຄິດຫຼຸດຜ່ອນຄວາມທຸກຍາກດ້ວຍການສຶກສາຂອງທ່ານສີຈິ້ນຜິງໄດ້ໃຫ້ຄວາມຫວັງແກ່ນັກຮຽນຢູ່ເຂດຊົນນະບົດ, ແລະໃຫ້ທິດຊີ້ນຳກ່ຽວກັບການຮ່ວມມືດ້ານການລຶບລ້າງຄວາມທຸກຍາກລະຫວ່າງຈີນ-ລາວ.
ຄຳເຫັນ
0