ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ23ມີນານີ້ ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ສືບຕໍ່ສຳຫຼວດກວດກາວຽກງານຢູ່ແຂງຟູຈ້ຽນ. ໂດຍທ່ານໄດ້ເດີນທາງໄປໂຮງໝໍເມືອງຊ່າຊ້ຽນນະຄອນຊ່ານມີງ, ບ້ານຢວີປ່າງທີ່ມີຊື່ສຽງຍ້ອນອາຫານພື້ນເມືອງຊ່າຊ້ຽນ” ແລະສູນຊື້ຂາຍສິດຊັບສິນໃນຊົນນະບົດຂອງເມືອງຊ່າຊ້ຽນຕາມລຳດັບ,ເພື່ອຮັບຮູ້ສະພາບການປະຕິຮູບລະບຽບການສາທາລະນະສຸກ,ວຽກງານການຊຸກຍູ້ການພັດທະນາຊົນນະບົດໃຫ້ຈະເລີນຮຸ່ງເຮືອງ, ລົງເລິກປະຕິຮູບລະບຽບການວ່າດ້ວຍສິດໃນປ່າໄມ້ ແລະອື່ນໆ.
ການປະຕິຮູບລະບຽບການສາທາລະນະສຸກຂອງນະຄອນຊ່ານມີງທີ່ເລີ່ມດຳເນີນມາແຕ່ປີ2012ນັ້ນ ບໍ່ພຽງແຕ່ມີຊື່ສຽງຢູ່ປະເທດຈີນ,ຍັງໄດ້ຮັບຄວາມເອົາໃຈໃສ່ແລະຍ້ອງຍໍຊົມເຊີຍຈາກອົງການອະນາໄມໂລກແລະທະນາຄານໂລກອີກ. ປັດຈຸບັນ,ມາດຕະການຫຼາຍປະການໃນການປະຕິຮູບດ້ານສາທາລະນະສຸກຂອງນະຄອນຊ່ານມີງໄດ້ນຳໄປເຜີຍແຜ່ຈັດຕັ້ງປະຕິບັດໃນທົ່ວປະເທດຈີນແລ້ວ. ໂຮງໝໍເມືອງຊ່າຊ້ຽນທີ່ທ່ານສີຈິ້ນຜິງໄປສຳຫຼວດກວດເບິ່ງເທື່ອນີ້ ສາມາດສ້າງຕັ້ງຂຶ້ນ ກໍຍ້ອນການປະຕິບັດໜຶ່ງໃນມາດຕະການຕ່າງໆຂອງການປະຕິຮູບລະບຽບການສາທາລະນະສຸກໃນທ້ອງຖິ່ນ.
“ອາຫານພື້ນເມືອງຊ່າຊ້ຽນ”ກໍຖືກຂະໜານນາມໃຫ້ເປັນ“ອາຫານພື້ນເມືອງຍອດນິຍົມຂອງຊາດ”.ເມື່ອກ່ອນເພື່ອຫາລ້ຽງຊີບ ຊາວກະສິກອນເມືອງຊ່າຊ້ຽນໄດ້ຫາບອາຫານພື້ນເມືອງໄປຂາຍຢູ່ນອກບ້ານ, ປັດຈຸບັນ“ອາຫານພື້ນເມືອງຊ່າຊ້ຽນ”ບໍ່ພຽງແຕ່ມີຮ້ານສາຂາຫຼາຍກວ່າ8ໝື່ນແຫ່ງໃນທົ່ວປະເທດເທົ່ານັ້ນ,ຍັງມີຮ້ານສາຂາຢູ່62ປະເທດແລະເຂດແຄວ້ນໃນໂລກອີກ,ກາຍເປັນອຸດສາຫະກຳອາຫານຂະໜາດໃຫຍ່ທີ່ມີຊື່ສຽງດົ່ງດັງໄປເຖິງຕ່າງປະເທດ.
ຢູ່ສູນຊື້ຂາຍສິດຊັບສິນໃນຊົນນະບົດເມືອງຊ່າຊ້ຽນ,ທ່ານສີຈິ້ນຜິງໄດ້ຮັບຮູ້ສະພາບການປະຕິຮູບລະບຽບການວ່າດ້ວຍສິດໃນປ່າໄມ້ຢ່າງລະອຽດ. ໃນເວລາດຳລົງຕຳແໜ່ງຢູ່ແຂວງຟູຈ້ຽນປີ2002,ທ່ານສີຈິ້ນຜິງໄດ້ເປັນຜູ້ຊີ້ນຳແລະຊຸກຍູ້ການປະຕິຮູບລະບຽບການວ່າດ້ວຍສິດໃນປ່າໄມ້ລວມໝູ່. ການປະຕິຮູບດັ່ງກ່າວນີ້ບໍ່ພຽງແຕ່ໄດ້ປ້ອງກັນສິ່ງແວດລ້ອມນິເວດໃຫ້ດີຂຶ້ນເທົ່ານັ້ນ,ຍັງເຮັດໃຫ້ປະຊາຊົນກ້າວເດີນຕາມເສັ້ນທາງສ້າງຄວາມຮັ່ງມີຂຶ້ນໄດ້ໂດຍບໍ່ຕ້ອງຕັດຕົ້ນໄມ້. ມາຮອດທ້າຍປີ2019,ຍອດມູນຄ່າການຜະລິດດ້ານປ່າໄມ້ຂອງນະຄອນຊ່ານມີງໄດ້ບັນລຸ114,6ຕື້ຢວນ, ລາຍໄດ້ສົດທິສະເລ່ຍຕໍ່ຫົວຄົນບັນລຸຫຼາຍກວ່າ5ພັນຢວນ, ກວມ30%ຂອງລາຍໄດ້ທີ່ສາມາດຈັບຈ່າຍໄດ້ທີ່ສະເລ່ຍຕໍ່ຫົວຄົນ.
ຄຳເຫັນ
0