ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຜູ້ຕາງໜ້າຂອງຝ່າຍທີ່ກ່ຽວຂ້ອງກັບສັນຍາຮອບດ້ານວ່າດ້ວຍບັນຫານີວເຄລຍອີຣານໄດ້ຈັດກອງປະຊຸມທາງວິດີໂອໃນວັນທີ 2 ເມສານີ້. ຫຼັງກອງປະຊຸມສິ້ນສຸດລົງ, ອົງການເຄື່ອນໄຫວວຽກຕ່າງປະເທດຂອງສະຫະພາບເອີຣົບໄດ້ອອກຖະແຫຼງການວ່າ ຜູ້ຕາງໜ້າຂອງບັນດາຝ່າຍຕົກລົງຈະສືບຕໍ່ດຳເນີນກອງປະຊຸມຢູ່ນະຄອນຫຼວງວຽນປະເທດໂອຕຣິສໃນອາທິດໜ້າ. ເມື່ອຮອດເວລານັ້ນ, ຜູ້ຕາງໜ້າອາເມຣິກາຈະພົບປະກັບຜູ້ຕາງໜ້າຂອງເອີຣົບ, ຣັດເຊຍແລະຈີນ.
ເດືອນກໍລະກົດປີ2015, ອີຣານກັບອາເມຣິກາ,ອັງກິດ, ຝະຣັ່ງ, ຣັດເຊຍ, ຈີນແລະເຢຍລະມັນໄດ້ບັນລຸສັນຍານີວເຄລຍອີຣານ. ຕາມສັນຍາສະບັບນີ້, ອີຣານໃຫ້ຄຳໝັ້ນສັນຍາວ່າຈະຈຳກັດແຜນການນີວເຄລຍຂອງຕົນ, ປະຊາຄົມໂລກຈະຍົກເລີກການຂວ້ຳຍາດຕໍ່ອີຣານ. ນັບແຕ່ເດືອນພຶດສະພາປີ2019ເປັນຕົ້ນມາ, ອີຣານໄດ້ໂຈະການປະຕິບັດມາດຕາຈຳນວນໜຶ່ງໃນສັນຍານີວເຄລຍອີຣານເປັນເທື່ອລະກ້າວ, ແຕ່ກໍໄດ້ໃຫ້ຄຳໝັ້ນສັນຍາວ່າ ມາດຕະການທີ່ຕົນໃຊ້ມານັ້ນແມ່ນສາມາດຍົກເລີກໄດ້.
ຄຳເຫັນ
0