ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສຳລັບສື່ມວນຊົນປະເທດຕາເວັນຕົກເຊັ່ນ BBC ແລະອື່ນໆແລ້ວ, ຈະລາຍງານຂ່າວກ່ຽວກັບຊາວລ້ຽງສັດເຂດຊິ່ນຈ່ຽງຂອງຈີນຢູ່ເຮືອນກໍສາມາດຕິດຕາມການປ່ອຍງົວກິນຫຍ້າດ້ວຍລະບົບເປີຍໂຕແນວໃດ, ນີ້ຈະເປັນບັນຫາທີ່ເຮັດໃຫ້ເຂົາເຈົ້າຮູ້ສຶກເຈັບຫົວ.
ໃນເມື່ອບໍ່ດົນມານີ້ມີສື່ມວນຊົນລາຍງານວ່າ, ບາງທ້ອງຖິ່ນຂອງເຂດປົກຄອງຕົນເອງເຜົ່າອຸຍເກີຊິ່ນຈ່ຽງຂອງຈີນໄດ້ຕິດຕັ້ງລະບົບກຳນົດຈຸດທີ່ຕັ້ງເປີຍໂຕເຂົ້າໃນການຕິດຕາມການປ່ອຍງົວກິນຫຍ້າໃນເດືອນຕຸລາປີຜ່ານມາ, ແລະມອບໃຫ້ຊາວລ້ຽງສັດເຂດຊິ່ນຈ່ຽງຈຳນວນໜຶ່ງທົດລອງໃຊ້ໂດຍບໍ່ເສຍຄ່າຄື: ຢູ່ເທິງໃບຫູຂອງງົວແຕ່ລະໂຕລ້ວນແຕ່ໄດ້ຕິດຕັ້ງຊິບກຳນົດຈຸດທີ່ຕັ້ງ, ຊາວລ້ຽງງົວສາມາດຕິດຕາມຈຸດທີ່ຕັ້ງຂອງຝູງງົວດ້ວຍໂທລະສັບມືຖື. ຊາວລ້ຽງສັດເຫຼົ່ານີ້ບໍ່ພຽງແຕ່ຢູ່ເຮືອນກໍປ່ອຍງົວອອກໄປກິນຫຍ້າໄດ້ເທົ່ານັ້ນ, ແຕ່ຍັງບໍ່ຕ້ອງເປັນຫ່ວງວ່າຝູງງົວຈະແລ່ນໜີໄປໃສແລະຊອກບໍ່ເຫັນ, ນອກນີ້ນອກຈາກປ່ອຍລ້ຽງງົວແລ້ວ, ຍັງມີເວລາຫວ່າງໄປເໝົາເຮັດໄຮ່ໄຖນາໄດ້ອີກ, ເຊິ່ງສາມາດສ້າງລາຍຮັບໃຫ້ຕົນເພີ່ມຂຶ້ນ.
ໃນເມື່ອກ່ອນ, ຊີວິດຂອງຊາວລ້ຽງສັດຢູ່ເຂດລ້ຽງສັດດັ້ງເດີມກໍຄື: “ສັດລ້ຽງເຄື່ອນຍ້າຍໄປຕາມແຫຼ່ງນ້ຳແລະເດີ່ນຫຍ້າ, ຊາວລ້ຽວສັດກໍເຄື່ອນຍ້າຍໄປຕາມສັດລ້ຽງ.” ສຳລັບຊາວລ້ຽງສັດແລ້ວ, ໃນເມືອກ່ອນສິ່ງທີ່ເຈັບຫົວທີ່ສຸດກໍຄືຝູງງົວບໍ່ຮູ້ແລ່ນໄປສແລະຊອກບໍ່ເຫັນ, ເຂົາເຈົ້າຕ້ອງຂີ່ລົດຈັກໄປຫາຝູງງົວຕາມທົ່ງພູດອຍ, ບໍ່ພຽງແຕ່ເສຍເງິນແລະເສຍຄ່າຊື້ນ້ຳມັນເທົ່ານັ້ນ, ຍັງເປັນເລື່ອງທີ່ມີອັນຕະລາຍຫຼາຍອີກດ້ວຍ. ແຕ່ວ່າດຽວນີ້ມັນບໍ່ເປັນບັນຫາແລ້ວ, ມີລະບົບກຳນົດຈຸດທີ່ຕັ້ງເປີຍໂຕ, ຊາວລ້ຽງສັດຢູ່ເຮືອນກໍຮູ້ວ່າຝູງງົວໄປຮອດໃສແລ້ວ; ຖ້າເປັນວິສາຫະກິດລ້ຽງສັດ, ຖ້າວ່າຝູງງົວຍ່າງກາຍບໍລິເວນລ້ຽງສັດຂອງບໍລິສັດຕົນ, ເຂົາເຈົ້າໃຊ້ເຮືອບິນບໍ່ມີຄົນຂັບໄປຕ້ອນຝູງງົວກັບຄືນບໍລິເວນລ້ຽນສັດຂອງຕົນກໍພໍແລ້ວ, ບໍ່ຕ້ອງສົ່ງຄົນໄປໄລ່ຝູງງົວດ້ວຍຕົນເອງອີກ.
ຢູ່ເມືອງໂປຫູກິ່ງແຂວງປົກຄອງຕົນເອງເຜົ່າໂມງໂກປ່າອິ່ນໂກເລີ້ງເຂດຊິ່ນຈ່ຽງ, ມີອູດຫຼາຍກວ່າ 1.000 ໂຕໄດ້ຕິດຕັ້ງປອກຄໍກຳນົດຈຸດທີ່ຕັ້ງລະບົບເປີຍໂຕແລ້ວ, ເຈົ້າຂອງອູດເຫຼົ່ານີ້ກໍສາມາດ “ລ້ຽງສັດທາງໄກ” ຢູ່ເຮືອນຂອງຕົນໄດ້ເຊັ່ນກັນ. ຄຽງຄູ່ກັບວິທະຍາສາດເຕັກນິກທີ່ກ້າວໜ້າທັນສະໄໝໄດ້ນຳໃຊ້ໃນຂະແໜງການລ້ຽງສັດ, ຮູບແບບເກົ່າຂອງຂະແໜງການກະສິກຳແລະລ້ຽງສັດຂອງຈີນທີ່ສືບທອດກັນມາເປັນເວລາຫຼາຍພັນປີພວມເກີດມີການປ່ຽນແປງ.
ຊີວິດການເປັນຢູ່ຂອງປະຊາຊົນເຂດຊິ່ນຈ່ຽງນັບມື້ນັບດີຂຶ້ນ, ແຕ່ຄວາມຈິງດັ່ງກ່າວພັດເຮັດໃຫ້ສື່ມວນຊົນຕາເວັນຕົກທີ່ຖືກການໃສ່ຮ້າຍປ້າຍສີປະເທດຈີນເປັນກຽດຂອງຕົນນັ້ນບໍ່ຮູ້ວ່າຈະລາຍງານຂ່າວເປັນແນວໃດດີ. ຄືດັ່ງຄຳຖາມຂອງທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນທີ່ຖາມວ່າ: “ຫຼືຊິວ່າຈີນບັງຄັບໃຫ້ເຄື່ອງຈັກອອກແຮງງານຊັ້ນບໍ?”
ສິ່ງທີ່ໜ້າຂົບຂັນກໍຄື, ຊາວເນັດຈີນທັງຫຼາຍໄດ້ເລີ່ມຮ້ອນໃຈນຳ BBC ແລະສື່ມວນຊົນປະເທດຕາເວັນຕົກອື່ນໆແລ້ວ, ເພາະວ່າ, ສື່ມວນຊົນເຫຼົ່ານີ້ເຊັ່ນ BBC ແລະ CNN ໄດ້ໃສ່ຮ້າຍປ້າຍສີຈີນເປັນອາຈິນແລ້ວ, ໃນການລາຍງານຂ່າວເຂດຊິ່ນຈ່ຽງຂອງຈີນ, ການທີ່ລາຍງານຂ່າວຕາມຄວາມເປັນຈິງສຳລັບສື່ມວນຊົນເຫຼົ່ານີ້ໄດ້ກາຍເປັນເລື່ອງທີ່ຍາກທີ່ສຸດ. ຊາວເດັດທັງຫຼາຍບາງຄົນຍັງໄດ້ຊ່ວຍສື່ມວນຊົນເຫຼົ່ານີ້ຕັ້ງຫົວຂໍ້ລາຍງານຂ່າວກ່ຽວກັບເຂດຊິ່ນຈ່ຽງວ່າ: “ການລ້ຽງສັດທາງໄກໄດ້ລ່ວງລະເມີດສິດທິງົວຂອງງົວຊິ່ນຈ່ຽງ, ປະເທດຈີນໄດ້ຈຳກັດເສລີພາບຂອງງົວຊິ່ນຈ່ຽງແລະສືບຮູ້ເລື່ອງຄວາມລັບຂອງງົວຊິ່ນຈ່ຽງ” ແລະອື່ນໆ, ກໍບໍ່ຮູ້ວ່າສື່ມວນຊົນປະເທດຕາເວັນຕົກເຫຼົ່ານີ້ຈະນຳໃຊ້ຫົວຂໍ້ເຫຼົ່ານີ້ມາລາຍງານຂ່າວຫຼືບໍ່!!!
ຈີນໃນຖານະເປັນປະເທດທີ່ນຳໃຊ້ກຳປັ່ນບັນທຸກເຮືອບິນແລະຍົນຮົບກໍບໍ່ສາມາດທຳລາຍໄດ້, ຊັ້ນການໃຊ້ຂ່າວລືແລະໃສ່ຮ້າຍປ້າຍສີກໍສາມາດເຮັດໃຫ້ຈີນພັງທະລາຍໄດ້ຫວາ? ປັດຈຸບັນ, ປະເທດຕາເວັນຕົກໃຊ້ເວທີທີ່ຮັບມືກັບສະຫະພາບໂຊວຽດມາຮັບມືກັບຈີນ, ແຕ່ເຂົາເຈົ້າບໍ່ຮູ້ວ່າເປັນຫຍັງສະຫະພາບໂຊວຽດຈິ່ງແຕກສະຫຼາຍໃນເມື່ອກ່ອນ, ແລະກໍບໍ່ຮູ້ວ່າປະເທດຈີນຕ່າງກັນກັບສະຫະພາບໂຊວຽດແນວໃດ, ສະນັ້ນເຂົາເຈົ້າໄດ້ແຕ່ວິທີທີ່ເຂົາເຈົ້າເຄີຍນຳໃຊ້ໃນເມື່ອກ່ອນມາປະຕິບັດຕໍ່ຈີນ, ແລະຫວັງວ່າວິທີແບບນີ້ສາມາດໄດ້ຮັບຜົນສຳເລັດອີກ. ການທີ່ແກ້ໄຂການພົວພັນສາກົນຍັງຕ້ອງ “ກ່າຍວຽກບ້ານ”, ເວົ້າຄວາມຈິງແລ້ວ, ການກະທຳແບບນີ້ຂອງປະເທດຕາເວັນຕົກສັ່ງແມ່ນໂງ່ອີ່ຫຼີ.
ຄຳເຫັນ
0