ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບັນດາປະເທດສະມາຊິກຂອງອົງການສະຫະປະຊາຊາດມີອະທິປະໄຕທີ່ເທົ່າທຽມກັນ,ບໍ່ແຊກແຊງວຽກງານພາຍໃນຂອງປະເທດອື່ນແມ່ນຫຼັກການພື້ນຖານທີ່ໄດ້ລະບຸໄວ້ໃນກົດບັດສະຫະປະຊາຊາດ,ແຕ່ວ່າ, ອາເມຣິກາພັດມັກຖືໂຕຢູ່ເໜືອອົງການສະຫະປະຊາຊາດເລື້ອຍໆ, ແລະດຳເນີນລັດທິແຊກແຊງຕາມລຳພັງໃຈ.
ທ່ານ ໂຈເຊຟ ໄນ ສາສະດາຈານຂອງມະຫາວິທະຍາໄລຮາເວີດຂອງອາເມຣິກາຊີ້ໃຫ້ເຫັນວ່າ: ໃນໄລຍະ 70 ກວ່າປີຫຼັງສົງຄາມໂລກຄັ້ງທີສອງ, ອາເມຣິກາໄດ້ປະຕິບັດນະໂຍບາຍລັດທິແຊກແຊງມາໂດຍຕະຫຼອດ. ຈາກການຮຸກຮານດ້ວຍກຳລັງການທະຫານ,ການບີບບັງຄັບດ້ວຍການຂວ້ຳບາດຈົນຮອດການຍຸແຍ່ໃຫ້ເກີດຄວາມວຸ້ນວາຍແລະອື່ນໆ, ເພື່ອປົກປັກຮັກສາຄວາມເປັນມະຫາອຳນາດພຽງຊາດດຽວຂອງອາເມຣິກາ,ອາເມຣິກາໄດ້ໃຊ້ນະໂຍບາຍລັດທິແຊກແຊງຈົນສຸດຂີດ.
ສະມັດຊາໃຫຍ່ອົງການສະຫະປະຊາຊາດໄດ້ກຳນົດຢ່າງຈະແຈ້ງໃນຖະແຫຼງການທີ່ໄດ້ຮັບຮອງໃນປີ 1965 ວ່າ: “ປະເທດໃດໆ,ບໍ່ວ່າຈະມີຂໍ້ອ້າງໃດໆ, ລ້ວນແຕ່ບໍ່ສາມາດແຊກແຊງວຽກງານພາຍໃນແລະການທູດຂອງປະເທດອື່ນໄດ້ໂດຍກົງຫຼືທາງອ້ອມ; ບໍ່ສາມາດໃຊ້ມາດຕະການທາງການເມືອງ,
ການທະຫານ,ເສດຖະກິດແລະອື່ນໆເພື່ອຂົ່ມຂູ່ປະເທດອື່ນແລະບັງຄັບໃຫ້ປະເທດອື່ນຍອມເຮັດຕາມ; ບໍ່ສາມາດຈັດຕັ້ງການເຄື່ອນໄຫວໃນຮູບແບບການຊ່ວຍເຫຼືອ,ການກໍ່ເຫດ,ການໃຫ້ທຶນ,ຍຸຍົງສົ່ງເສີມໃຫ້ເກີດມີການໂຄ່ນລົ້ມລັດຖະບານຂອງປະເທດອື່ນ.” ເມື່ອສົມທຽບໃສ່ຖະແຫຼງການຂອງ ສປຊ ແລ້ວ, ເລື່ອງທີ່ຫ້າມເຮັດທີ່ໄດ້ລະບຸໄວ້ໃນຖະແຫຼງການຂອງສະມັດຊາໃຫຍ່ອົງການສະຫະປະຊາຊາດນັ້ນ,ອາເມຣິກາລ້ວນແຕ່ໄດ້ເຮັດທັງໝົດ.
ນັບແຕ່ການຍຸຍົງໃຫ້ເກີດມີການຍິງປະທະກັນຢູ່ອັຟການີສະຖານ,ອີຣັກ,ລີບີ,ຊີຣີແລະປະເທດອື່ນ,ຈົນຮອດການປຸກປັ່ນຄື້ນປະຕິວັດປະຊາທິປະໄຕໃນປະເທດອາຣັບຫຼື “ອາຣັບເສະປຣີງ” ທີ່ເກີດຂຶ້ນຢູ່ອາຊີ-ອາຟຣິກາ; ຈາກການດຳເນີນ “ການປະຕິວັດສີ” ຢູ່ປະເທດອາຊີ-ເອີຣົບ,ຈົນຮອດການຍື່ນມືເຂົ້າໄປແຊກແຊງອີຣານ,ກູບາ, ເວເນຊູເອລາ,ຈີນແລະປະເທດອື່ນໆ, ອາເມຣິກາໃຊ້ອຳນາດຢູ່ທົ່ວທີບຈົນເຮັດໃຫ້ໂລກຕົກຢູ່ໃນສະພາບປັ່ນປ່ວນວຸ້ນວາຍ.
ທີ່ຈິງແລ້ວ, ລັດທິແຊກແຊງໄດ້ເຮັດໃຫ້ອາເມຣິກາໄດ້ຮັບຜົນຮ້າຍໂດຍກົງ. ຍົກຕົວຢ່າງຄື: ບັນຫາຊາວຍົກຍ້າຍຈາກອາເມຣິກາກາງໄດ້ສ້າງຄວາມຫຍຸ້ງຍາກໃຫ້ກັບອາເມຣິກາໃນຊຸມປີຜ່ານມານັ້ນກໍຍ້ອນວ່າອາເມຣິກາໄດ້ແຊກແຊງວຽກງານພາຍໃນຂອງປະເທດອາເມຣິກາລາຕິນ. ເຫດການໂຈມຕີແບບກໍ່ການຮ້າຍຕ່າງໆທີ່ເກີດຂຶ້ນຢູ່ປະເທດອາເມຣິກາ-ເອີຣົບໃນຊຸມປີມໍ່ໆມານີ້ກໍມີສ່ວນພົວພັນໂດຍກົງກັບລັດທິແຊກແຊງຂອງອາເມຣິກາເຊັ່ນກັນ.
ຄຸນຄ່າແບບອາເມຣິກາບໍ່ແມ່ນຄຸນຄ່າສາກົນ,ກົດລະບຽບທີ່ອາເມຣິກາວາງອອກກໍບໍ່ແມ່ນກົດລະບຽບສາກົນ. ສະນັ້ນການປະພຶດທີ່ຜິດພາດຂອງອາເມຣິກາທີ່ມັກແຊກແຊງວຽກງານພາຍໃນຂອງປະເທດອື່ນຕ້ອງໄດ້ຮັບການແກ້ໄຂບໍ່ໄວກໍໍ່ຊ້າ.
ຄຳເຫັນ
0